Բնական դեզոդորանտների բաղադրատոմսեր

Բակտերիաների մեծ քանակությունն ու օդի վատ շրջանառությունը( սինթեթիկ հագուստը) հանդիսանում են այն հիմնական պատճառները, որոնք ի վերջո հանգեցնում են տհաճ հոտի առաջացմանը:

Այդ դեպքում մարդիկ սովորաբար օգտագործում են դեզոդորանտներ կամ հակաքրտինքային միջոցներ: Դեզոդորանտներ չեն կանխում քրտնարտադրությունն, այլ ընդամենը քողարկում են քրտինքի հոտը:

Հակաքրտինքային միջոցները պարունակում են քիմիական նյութեր, որոնք նվազեցնում են քրտնարտադրությունը:

Հակաքրտինքային միջոցներն ու դեզոդորանտները հաճախակի պարունակում են պոտենցիալ վնասակար քիմիական նյութեր, որոնք կարող են վնասել առողջությունը:  Այդ պատճառով ձեզ ենք առաջարկում  թևատակերի հոտից ազատվելու բնական հետևյալ բաղադրատոմսերը:

Բնական միջոցներ, որոնց օգնությամբ հանարվոր է ազատվել քրտինքի հոտից:

1.Կոկոսի յուղն ու կերակրի սոդան

Կոկոսի յուղը օժտված է հակասնկային ու հակաբակտերիալ հատկություններով: Կերակրի սոդան բնական դեզոդորանտ է, այն ոչնչացնում է բակտերիաները, որոնք առաջացնում են մաշկի հոտ, այդ պատճառով էլ այն կարող է արդյունավետ կերպով օգտագործվել թևատակերի համար:  Սակայն հարկավոր է հիշել, որ հաճախակի կերակրի սոդայի օգտագործումը կարող է առաջացնել մաշկի գրգռում:

2. Ջրածնի պերեօքսիդ

Ջրածնի պերեօքսիդը ունի հակաբակտերիալ հատկություններ, որոնք օգտագործվում են տարբեր ոլորտներում:

• 1թ/գ  3% -ոց ջրածնի պերեօքսիդ
• 1 բաժակ ջուր

Թրջեք բամբակյա կտորը այդ լուծույթի մեջ և ամեն անգամ թևատակերը լվանալուց հետո տրորեք այդ կտորով:

3. Խնձորի քացախ տհաճ հոտերից ազատվելու լավագույն միջոցն է

Խնձորի քացախը օժտված է հակաբակտերիալ հատկություններով: Այն կրճատում է տհաճ հոտերի առկայությունը` մաշկի pH-ի նվազման հաշվին: Այդ պատճառով տհաճ հոտի առաջացման համար պատասխանատու բակտերիաները չեն պահպանվում, որի արդյունքում էլ և տհաճ հոտն անհետանում է:

• 1 բաժին խնձորի քացախ
• 3 բաժին ջուր

Լցրեք  խառնուրդը ցողացրի մեջ ու ցողեք  վերջինիս միջոցով թևատակի մաշկը, որից հետո չորացրեք այն: Հիշեցնենք նաև, որ խնձորի քացախը շատ ուժեղ միջոց է և կարող  զգայուն մաշկ ունեցողների մոտ առաջացնել մաշկի գրգռում:

Աղբյուրը՝    fithacker.ru