Ի՞նչ անել, եթե երեխան պատվաստումից հետո անհանգիստ է

Պատվաստումից հետո ձեր երեխային անհրաժեշտ է ավելի շատ սեր, խնամք և հոգատարություն: Որոշ պատվաստումներ, որոնք պաշտպանում են երեխային ծանր հիվանդություններից, կարող են առաջացնել ժամանակավոր անհանգստություն: Այստեղ այն հարցերի պատասխաններն են, որոնք հաճախ առաջանում են ծնողների մոտ երեխաների պատվաստումից հետո:

Պատվաստումները կարող են լինել ցավոտ…բայց հիվանդությունն ավելի մեծ վնաս է առաջացնում:
Անհապաղ զանգահարեք ձեր բժշկին, եթե դուք դրական եք պատասխանել ստորև նշված որևէ հարցի

• Ձեր երեխայի ջերմությունը բարձր է,
որն ըստ բժշկի ցուցումների անհանգստացնող է

•  Ձեր երեխան գունատ է և թույլ

•  Ձեր երեխան անընդհատ լացում է՝ 3 ժամ և ավելի

•  Ձեր երեխան դողում է, վեր է թռչում կամ ցնցվում է

•  Ձեր երեխան նկատելի պասիվ է, թույլ է արձագանքում շրջապատին:

Ի՞նչ անել, եթե երեխան անհանգիստ է

Ես կարծում եմ, որ երեխան ջերմություն ունի: Ի՞նչ անել:

Չափե՛ք երեխայի ջերմությունը էլեկտրոնային ջերմաչափով (կամ այն մեթոդով, որը կառաջարկի ձեր բժիշկը): Եթե երեխան ջերմություն ունի, որն անհանգստացնող է կամ Ձեր մոտ առաջացել են հարցեր՝ զանգահարեք ձեր բժշկին:

Ջերմությունն իջեցնելու համար դուք կարող եք ձեռնարկել որոշակի միջոցառումներ.

• Երեխային տվեք առատ հեղուկներ

• Երեխային թեթև հագցրեք, մի՛ ծածկեք և մի՛ փաթաթեք

• Երեխային տվեք ջերմիջեցնող կամ ցավազրկող, օրինակ, պարացետամոլ կամ պարացետամոլ պարունակող դեղորայք՝ ըստ երեխայի քաշի կամ բժշկի խորհրդի: Մի՛ տվեք ասպիրին: Մեկ ժամ անց նորից չափեք ջերմությունը: Եթե դուք հարցեր ունեք, զանգահարեք Ձեր բժշկին:

Պատվաստումից հետո երեխան շատ անհանգիստ է: Ի՞նչ անել:

Պատվաստումից հետո երեխան ցավից և ջերմությունից կարող է նյարդայնանալ: Երեխայի անհանգստությունը մեղմելու համար երեխային կարող եք տալ դեղորայք, օրինակ, ացետամինոֆեն կամ իբուպրոֆեն: Մի՛ տվեք ասպիրին: Եթե Ձեր երեխան անհանգիստ է 24 ժամ և ավելի՝ զանգահարեք Ձեր բժշկին:

Երեխայի ձեռքը կամ ոտքը այտուցվել է (սրսկման տեղը), այն տաք է և կարմիր: Ի՞նչ անել:

• Անհանգստությունը նվազեցնելու համար այտուցի շրջանում դրեք մաքուր սառը թրջոց: Չի կարելի սառույց դնել:

• Ցավը նվազեցնելու նպատակով տվեք դեղորայք, պարացետամոլ կամ պարացետամոլ պարունակող դեղորայք՝ ըստ բժշկի ցուցումների: Մի տվեք ասպիրին:

• Եթե կարմրությունը և այտուցը ավելանա՝ զանգահարեք բժշկին:

Եթե երեխան հիվանդագին տեսք ունի, անհրաժեշտ է արդյո՞ք զանգահարել բժշկի:
Եթե ձեր երեխայի տեսքը կամ ինքնազգացողությունը մի փոքր անհանգստացնում է Ձեզ, ապա զանգահարեք Ձեր բժշկին:
 

Աղբյուր՝ NCDC, Armenia ֆեյսբուքյան էջ