5 մեթոդ, որ կօգնեն առավոտյան խուսափել խումարից

16:10 • 14.04.16

Այդ տհաճ երևույթից խուսափելու ամենապարզ տարբերակը դա ալկոհոլ չօգտագործելն է, սակայն երբեմն լինում են դեպքեր, երբ իրականում մեծ ցանկություն է առաջանում որևէ բան խմելու:

Եվ բնականաբար այդ ամենից հետո առաջանում է մի վիճակ, որի ժամանակ բոլորիս հետաքրքրում է մեկ հարաց` ինչպես կարելի է ազատվել այդ տհաճ վիճակից ու տանջող գլխացավից:

Ալկոհոլը մեր օրգանիզմ է ներթափանցում ստամոքսով, ինչը նշանակում է, որ խումարի դեմ պայքարն անհրաժեշտ է սկսել այդ օրգանի միջոցով: Մի շարք ժողովրդական մեթոդներ, ինչպես նաև «պաշտոնական» բժշկությունը խորհուրդ են տալիս խնջույք գնալուց առաջ օգտագործել «յուղոտ» սնունդ: Այդ հարցում շատ օգտակար է նաև կաթը: Կաթը կօգնի ազատվել ալկոհոլի քայքայման հետևանքով առաջացած նյութերից:

Գոյություն ունի ևս մեկ ժողովրդական մեթոդ, որը շատ օգտակար է. խնջույք գնալուց առաջ կարող եք խմել 100 գրամ օղի կամ կոնյակ: Մի քանի ժամվա ընթացքում ալկոհոլի նման քանակությունը կքայքայվի, բայց ահա օրգանիզմը կստանա որոշակի «պատվաստում»: Սակայն նման մեթոդը շատ անհատական է և կարող է ոչ բոլորին օգնել:

Վահանագեղձը, իսկ ավելի ճիշտ նրա կողմից արտազատվող ֆերմենտները, օգնում են շատ արագ օրգանիզմից հանել ալկոհոլի քայքայման հետևանքով առաջացած նյութերը: Որպեսզի հնարավոր լինի խթանել այս օրգանի աշխատանքը, հարակավոր է օգտագործել յոդ պարունակող դեղամիջոցներ: Սակայն նման միջոցը պետք է նշանակի բժիշկը: Այդ դեպքում կարող եք օգտվել յոդ պարունակող մթերքներից, որոնք սակայն հարկավոր է օգտագործել խնջույքից 1 կամ 2 օր առաջ:

Գոյություն ունեն նաև մի շարք դեղամիջոցներ, որոնք կարող են օգնել պայքարել խումարի դեմ: Օրինակ մեկ օր առաջ ասպիրին օգտագործման դեպքում կարող եք բարելավել լյարդի աշխատանքը: Խնջույքից 12 ժամ առաջ կարող եք խմել լեղամուղ միջոցներ, որոնք նաև կօգնեն պայքարել ալկոհոլի մեծ դոզայի դեմ:

Գոյություն ունի նաև ևս մեկ մեթոդ, որը կարող է ազատել խումարից. դա կարվալոլի օգտագործումն է: Վերջինիս արդյունավետությունը շատ կասկածելի է, քանի որ կարվալոլը ճնշող ազդեցություն է թողնում կենտրոնական նյարդային համակարգի վրա, իսկ նման ազդեցությունը կարող է միայն ծանրացնել խումարը: Բացի այդ դեղամիջոցի ընդունումը ալկոհոլի մնացորդների հետ զուգահեռ կարող է առաջացնել արյունատար համակարգի խանգարում:

Բավականին արդյունավետ միջոց է հանդիսանում ալկոհոլի օգտագործումից առաջ ու հետո ակտիվացված ածուխի օգտագործումը: Մարմնի զանգվածի յուրաքանչյուր 10 կգ-ի դիմաց հարկավոր է խմել 1 հաբ: Ածուխը օգնում է աբսորբացնել վնասակար նյութերն ու արագ դրանք օրգանիզմից դուրս բերել:

Աղբյուրը՝ med2.ru