Եղանակային պայմաններն ազդում են ինքնազգացողության վրա

21:27 • 15.04.16

Եղանակային պայմանների վրա ազդել մենք չենք կարող, բայց կարող ենք նվազեցնել արտաքին միջավայրի ազդեցության հետ կապված առողջապահական ռիսկերը:

Անհրաժեշտ է հիշել, որ եղանակազգացողությունը չի արտահայտվում որպես ինքնուրույն խնդիր, այն հետևում է որոշակի հիվանդության՝ հաճախ քրոնիկական: Ուստի պետք է այն հայտնաբերել և բուժել:

Վատ եղանակի ֆոնի վրա հիվանդության սրացման դեպքում, անհրաժեշտ է ընդունել բժշկի կողմից նշանակված հիմնական դեղերը (միգրեն, վեգետո-անոթային դիստոնիա, խուճապային իրավիճակներ, նևրոզ, նևրաստենիա):

Դրանից բացի եղանակի տեսության հետ համապատասխան պետք է մշակել վարքի որոշակի կանոններ: Այսպես «սրտայինները» սուր արձագանքում են օդի բարձր խոնավության և ամպրոպի մոտեցմանը, այդ օրերին պետք է խուսափեն ֆիզիկական ծանրաբեռնվածությունից և անպայման ընդունեն բժշկի կողմից նշանակված դեղամիջոցները:

Եթե եղանակի պայմանների փոփոխություններից փոխվում է ինքնազգացողությունը, անհրաժեշտ է այդ օրերին ավելի խնամքով վերաբերվել սեփական առողջության նկատմամբ՝ խուսափել ֆիզիկական ծանրաբեռնվածությունից, ալկոհոլային խմիչքներ ընդունելուց, գերհոգնածությունից, քնել բավարար տևողությամբ: Վատ եղանակին ցանկացած էմոցիոնալ և ֆիզիկական ծանրաբեռնվածությունը ստրես է, որը կարող է բերել վեգետատիվ կարգավորման, սրտի ռիթմի խանգարման, արյան ճնշման տատանումների, քրոնիկ հիվանդության սրացման:

Պետք է հետևել մթնոլորտային ճնշմանը, որպեսզի հասկանալ ինչպես հսկել արյան ճնշումը: Անհրաժեշտ է հիշել, որ ամռանը՝ տաք եղանակին կատարվում է արյան վերաբաշխում ներքին օրգաններից դեպի մաշկի ծածկույթները, դրա համար արյան ճնշումն ամռանը ավելի ցածր է, քան ձմռանը:

Քաղաքի բնակիչները կյանքի մեծ մասը անց են կացնում բնակարաններում: Ինչքան շատ ժամանակ են անցկացնում արտաքին եղանակային գործոններից բնակարաններում «թաքնվելով», այնքան ավելի է խանգարվում մարդու օրգանիզմի և արտաքին միջավայրի միջև հավասարակշռությունը, թուլանում է մարդու հարմարվողականության գործընթացը: Անհրաժեշտ է ամրապնդել օրգանիզմի կայունությունը եղանակի անբարենպաստ փոփոխությունների նկատմամբ: Եթե հակացուցում չկա, պետք է մարզել վեգետատիվ նյարդային և սրտանոթային համակարգը:

Հարկավոր է որոշակի ֆիզիկական ծանրաբեռնվածություն ունենալ, որի հետևանքով կբարձրանա արյան ճնշումը, կիջնի հյուսվածքներում թթվածնի մակարդակը, կարագանա նյութափոխանակությունը, ջերմարտադրությունը և ջերմատվությունը:

Քունը պետք է լինի բավարար:

Հետևել բնակարանում խոնավության և արհեստական լուսավորության մակարդակին, հագնվել եղանակին համապատասխան:

Աղբյուր՝ NCDC, Armenia ֆեյսբուքյան էջ