Կոմպրեսներ, որոնք կօգնեն ազատվել գոտկատեղի ցավերից

Գոտկատեղի ցավերը բավականին տարածված խնդիր է և  մարդկանց գրեթե 80%-ը բողոքում է այդ դիսկոնֆորտ վիճակից: Առավել հաճախ այս խնդրով տառապում են 30-ից 60 տարեկան մարդիկ:

Գոտկատեղի ցավերի ախտանշանները կարող են առաջանալ  դեգեներատիվ-դիստրոֆիկ փոփոխությունների, օստեոխոնդրոզի, միջողային հոդերի արթրոզի  դեպքում: Ինչպես նաև նման ցավեր կարող են առաջանալ ողնաշարային կոտրվածքների, ոսկորների տուբերկուլյոզի, արթրիտ, սկոլիոզի, օստեոպորոզի, ողնաշարային արյան  շրջանառության խախտումների, ատիպիկ ապենդիցիտի, երիկամային ծակծկոցների, ինֆեկցիոն գինեկոլոգիական հիվանդությունների դեպքում:

Կոմպրեսի միջոցով գոտկատեղի ցավերի բուժում

1. Գոտկատեղի ցավերի բուժման համար առավել հաճախ օգտագործում են տաքացնող կոմպրեսներ: Այս դեպքում հարմար է օգտագործել քերած  կծվիչ սովորական (хрен) ու բողկ: Մեղմացնող ազդեցության համար ցանկալի է կոմպրեսի մեջ ավելացնել  թթվասեր:

2. Գոտկատեղի ցավերի դեպքում բավականին լավ օգնում են երիցուկի, սև կտտկենու (бузины черной,) սրոհունդի (зверобоя) և ուրցի  (чабреца) թուրմով պատրաստված տաք կոմպրեսները:Այդ պրոցեդուրաները ցանկալի է կատարել քնելուց առաջ:

3. Եվս մեկ տարբերակ է համարվում մանանեխի փոշին, որի 1 ճ/գ-ը լուծում են տաք ջրի մեջ(մոտավորապես 40 աստիճան): Ստացված խառնուրդը քսում են ախտահարված հատվածի վրա ու վերեևից փաթաթում են այն յուղաթուղթով ու տաք բրդյա կտորով:Նման կոմպրեսը  թողնում են  5 րոպեից ոչ ավել, որպեսզի այն չայրի  մաշկը:

Շատ կարևոր է իմանալ, որ տաքացնող կոմպրեսները պետք է առաջացնեն թեթև տաքություն և ծակծկոցներ: Իսկ եթե կոմպրեսն այրում է, ապա կարիք չկա դիմանալ, այդ դեպքում անհրաժեշտ է անմիջապես հանել այն ու ախտահարված հատվածը մաքրել տաք ջրով:

4.    Բուժիչ հատկություններով օժտված են նաև կռատուկի տերևները (лопуха): Օգտագործելուց առաջ այն չորացնում են, շոգեհարում են եռացրած ջրով ու դնում  գոտկատեղին  ու այդպես պահում 1 ժամ:

5.   30:1 հարաբերակցությամբ իրար հետ խառնած ձիթայուղն ու գետնասպունգի փոշին (бодяги) ևս մեկ բուժիչ միջոց է: Ստացված քսուքից պատրաստում են տաքացնող կոմպրես, որը ախտահարված հատվածի վրա կարելի է  պահել մեկ ժամից մի փոքր պակաս:

6.  Գոտկատեղի ցավից օգնում է ազատվել նաև ձիակասկը (конский каштан ), որը տրորում ու դարձնում են փոշի ու  հավասար քանակությամբ խառնում են հալեցրած ճարպի  ու կամֆորայի յուղի հետ: Բուժիչ խառնուրդը բարակ շերտով քսում են սև հացի կտորի վրա ու դնում են ցավացող հատվածի վրա:

7.  Եվս մեկ տարբերակ է համարվում  սխտորով սառը կոմպրեսը, որը խառնում են կիտրոնի հյութի հետ: Այս խառնուրդի մեջ թրջում են բամբակյա կտորն ու 20  րոպեով այն դնում են ախտահարված հատվածի վրա: Որոշ ժամանակ հետո արդեն կնկատվի փոփոխություն:

8.  Փորձված մեթոդ է համարվում գոտկատեղի ցավերի բուժումը դեղորայքային քսուքների օգնությամբ, որոնց բաղադրության մեջ մտնում են դիկլոֆենակի հիմքով ոչ ստերոիդային հակաբորբոքային դեղամիջոցները:  Սակայն նրանց օգտագործումից առաջ խորհուրդ է տրվում խորհրդակցել բժշկի հետ:

Աղբյուրը՝  hronika.info