6 ամենաօգտակար չորամրգերը

21:15 • 19.04.16

Չորամրգերը հանդիսանում են վիտամինների ու հանքանյութերի աղբյուր: Նրանք հիանալի փոխարինում են զտված շաքարին, քանի որ նրանցից որոշները 5 անգամ ավելի քաղցր են քան թարմ միրգը: Նրանց մեջ առկա բջջանյութը հանդիսանում է բնական «ծաղկաբույլ» աղիների համար:

1.Թզի չիր

Աղեստամոքսային տրակտի համար

Սննդային մանրաթելերը մերսում են աղիների պատերը՝ բարելավելով նրանց արյան մատակարարումը, ինչպես նաև արագացնում են օրգանիզմից թունանյութերի դուրսբերումը:

2.Խնձորի չիր

Դիմացկունության համար

Խնձորի չիրը գերազանցում է մնացած չորամրգերին երկաթի պարունակությամբ: Իսկ երկաթը, ինչպես գիտեք շատ անհրաժեշտ է թթվածնի տեղափոխման համար: Շատ կարևոր է, որ նրաք չորացրած լինեն կեղևով: Չորացրած խնձորը շատ օգտակար է արյան ցածր ճնշման ու անոթների կոշտացման դեպքում, քանի որ այն հանդիսանում են արյունը մաքրող հզոր միջոց:

3. Տանձի չիր

Սրտի համար

Չորամրգերի մեջ տանձը վիտամին С-ի պարունակությամբ առաջնային տեղ է զբաղեցնում, որը օրգանիզմում առաջին հերթին գործում է որպես սիրտը պաշտպանող հակաօքսիդանտ: Տանձը նպաստում է օրգանիզմից ծանր մետաղների ու տոքսինների դուրսբերմանը: Եփուկը օգտակար է աղիների խանգարման ու միզուղիների հիվանդությունների դեպքում:

4. Ծիրանի չիր

Մաշկի համար

Մրգերը սովորաբար վիտամին А քիչ են պարունակում, առանց որի առկայության մազերը դառնում են նոսր, իսկ մաշկը՝ կնճռոտ: Սակայն ծիրանաչիրը հանդիսանում է բացառություն, քանի որ այն պարունակում է մեծ քանակությամբ ռետինոլ: Չորացրած ծիրանը անփոխարինելի է հիպերտոնիայի, շաքարային դիաբետի և սրտանոթային հիվանդությունների դեպքում:

5. Սալորաչիր

Ենթաստամոքսի ու աղիների համար

Այն պարունակում է մեծ քանակությամբ օրգանական թթուներ, որոնք հինալի խթանում են ենթաստամոքսային գեղձի աշխատանքն ու ախտահանում են աղիները: Նրանք շատ օգտակար են մարսողական տրակտի աշխատանքի համար, արագացնում են լեղազատումն ու բարձրացնում են ստամոքսահյութի սեկրեցիան:

6. Չամիչ

Նյարդերի համար

Այն առավել շատ պարունակում է թիամին (վիտամին B1) , որը հարկավոր է նյարդային համակարգի լավ աշխատանքի համար:

Չամիչից պատրաստած եփուկը շատ օգտակար է հազի ու փորկապության դեպքում: Սակայն ավելորդ քաշով ու շաքարային դիաբետով տառապող մարդիկ չպետք է չարաշահեն այն:

Ինչպես օգտագործել

1. Տարածված սխալներ նրանց համար, ովքեր ցանկանում են նիհարել՝ օգտագործելով մեծ քանակությամբ չորամրգեր: Չորացրած մրգերը բավականին հագեցնող սնունդ են, որոնց կալորիականությունը տատանվում է 230-ից մինչև 300 կալորիա 100 գրամում:

2. Չորամրգերի անվտանգ չափաքանակը 40-50 գրամն է, այսինքն մեկ բուռ չամիչ կամ 5-6 հատ խուրմա:

3. Ցանկալի չէ չորամրգերը խառնել այլ մթերքների հետ, ցանկալի է դրանք առանձին համտեսել: Երբեմն թույլատրելի է համարվում չորամրգերի համադրությունը կաթնաթթվային մթերքների ՝ յոգուրտի կամ կաթնաշոռի հետ:

Աղբյուրը՝ zdorovie.com