Ցավի 9 տեսակներ, որ առաջանում են մեկ տեղում՝ դրսևորվելով մարմնի այլ հատվածում

21:02 • 27.04.16

Գիտական WebMD հրատարակությունը գրում է. «Պատահում է, որ ցավը առաջանում է մեկ տեղում, սակայն դրսևորվում է մարմնի լրիվ այլ հատվածում»:

Այս հոդվածում, դիագրամայի տեսքով, կներկայացնենք մարմնի տարբեր հատվածներ, որտեղ մարդկանց մոտ կարող են առաջանալ քրոնիկ ու սուր ցավեր և նաև կբացատրենք, թե ինչի մասին են վկայում մարմնի այդ հատվածի ցավերը:

1. Սիրտ

Եթե մարդու մոտ առաջացել են սրտի հետ կապված խնդիրներ, ապա մարդը կարող է ցավ զգալ կրծքավանդակի ու սրտի շրջանում: Սակայն սրտի հետ կապված խնդիրների մասին կարող է վկայել նաև ձախ թևի կամ մեջքի վերին շրջանի ցավերը:
Միչիգանի համալսարանի մասնագետները կարծում են, որ սրտի ցավը ավելի շատ արտահայտվում է մարմնի վերին հատվածում: Դա հիմնականում բացատրվում է նրանով, որ սիրտը փոխանցում է նյարդային ազդանշանները ողնունղեղի նյարդերի միջոցով և եթե մարդու մոտ հաճախակի ցավում է ձախ ձեռքը, ապա դա կարող է վկայել սպասվող ինֆարկտի մասին:

2. Թոքեր ու ստոծանի

Թոքերի ու ստոծանու հետ կապված խնդիրները կարող են առաջացնել ցավեր ուսի ու պարանոցի վերին մասում: Եթե նրանք ցավում են, ապա հնարավոր է որ մարդու թոքերը չափից շատ աղտոտված են և ժամանակն է թողել ծխելը: Խնդիրը կայանում է նրանում, որ այս հատվածում ցավի վերաբերյալ «տեղեկատվությունը» արտահայտվում է ստոծանային նյարդի միջոցով:
Թերապևտ Պոլ Ինգրեմը գրում է, որ թոքերի ու ստոծանու հիվանդությունները կարող են առաջացնել պարանոցի մկանների ու մարմնի այլ վերին մասերի հետ կապված խնդիրներ: Մարդկանց մեծ մասը, ըստ մասնագետի, տառապում են այդ և ոչ արդյունավետ շնչառության այլ հետևանքներից, սակայն դա չեն նկատում: Եվ բացի այդ, շնչառական համակարգի ցանկացած խնդրի հարկավոր է լուրջ մոտեցում ցուցաբերել և ամինջապես դիմել բժշկի:

3. Լյարդ ու լեղապարկ

Լյարդի կամ լեղապարկի հետ կապված խնդիրների մասին կարող են վկայել պարանոցի կամ ուսերի վերևի հատվածների ցավերը, այդ թվում նաև մարմնի աջ կողմի պտուկներից մի փոքր ներքև առկա ցավերը:

Բուժիչ մերսմա Ամերիկյան ասոցիացիայի մասնագետները նշում են, որ լեղապարկի հետ կապված խնդիրները կարող են առաջացնել ցավ թիակների տակ, պատահում է նաև որ ցավը առաջանում է պարանոցում ու ստոծանու շրջանում: Հենց այդ հատվածով է անցնում ստոծանային նյարդը: Այնպես որ, եթե այդ հատվածներում կանոնավոր կերպով առաջանում են ցավեր, ապա անմիջապես դիմեք բժշկի:

4. Ստամոքս ու ենթաստամոքսային գեղձ

Այս հատվածներում առջևի և հետևի մասի մարմնի ցավերը վկայում են մարսողական համակարգի խնդիրների մասին:Մասնագետները նշում են, որ սուր պանկրեատիտով տառապող հիվանդների 50%-ի մոտ ևս առկա են սուր մեջքի ցավեր և որպես կանոն նրա վերին հատվածում: Այսինքն, եթե ձեզ մոտ առկա են նման ցավեր, ապա դիմեք բժշկի, քանի որ սովորական ցավազրկողները այդ հարցում չեն կարող օգնել:

5. Բարակ աղիք

Եթե առկա են բարակ աղիքի հետ կապված խնդիրներ, ապա կարող են առաջանալ ցավեր պորտի շրջանում: Մասնագետները նշում են, որ պորտի շրջանում միջին ծանրությամբ ցավերը կարող են վկայել մարդու մոտ առկա աղիների հետ կապված խնդիրներ կամ աղիքային խանգարման մասին, իսկ դա կարող է շատ վտանգավոր լինել: Այդ պատճառով հարկավոր է դիմել բժշկի և մատնանշել ցավի դրսևորման հստակ հատվածը:

6. Հաստ աղիք

Կույր աղիքի բորբոքումն ու հաստ աղիքի հետ կապված խնդիրները արտահայտվում են որովայնի կոնկրետ հատվածներում:

PatientPlus-ը գրում է աջ զստային փոսիկում առկա ցավը հանդիսանում է կույր աղիքի բորբոքման առաջին ախտանշանը: ԱՀԿ-ն ավելացնում է, որ որովայնի ստորին հատվածի ցավը կարող է վկայել նաև հաստ աղիքի հետ կապված խնդիրների մասին:

Քանի որ այդ խնդիրները կրում են շատ վտանգավոր բնույթ և կարող են անգամ հանգեցնել մահվան, ախտանշանների առկայության դեպքում հարկավոր է անմիջապես դիմել բժշկի, հատկապես, եթե նշված հատվածներում նկատվում են սուր ու քրոնիկ ցավեր:

7. Երիկամներ

Երիկամների հետ կապված խնդիրները կարող են արտահայտվել մարմնի լայն մասերը ընդգրկող ցավերով: Հատկապես ուժեղ կարող են ցավել մեջքի, որովայնի ու կոնքերի ստորին հատվածները: Կարող են առաջանալ ցավեր նաև ազդրերի դիմացի շրջաններում։ Կողոսկրերի տակ առկա ցավը ևս վկայում է երիկամների հետ կապված խնդիրների մասին:

Եթե առկա է նշված հատվածներում ուժեղ դիսկոնֆորտ, ապա դիմեք բժշկի, քանի որ երիկամների հետ կապված խնդիրները բավականին լուրջ են:

8. Միզապարկ

Միզապարկի հետ կապված խնդիրները հաճախակի արտահայտվում են կոնքի ստորին հատվածի ցավերով(և դիմացից և ետևից):

American Massage Therapy Association-ը գրում է, որ ցանկացած ինֆեկցիա այս օրգանում կարող է առաջացնել գոտկատեղի շրջանի ցավեր:

Գոյություն ունեն մի շարք խնդիրներ, որոնք կորղ են առաջանալ միզապարկի հիվանդության հետևանքով, ուստի եթե այդ հատվածի ցավերը ուղեկցվում են միզարձակման հետ կապված խնդիրներով` անմիջապես դիմեք բժշկի:

9. Ձվարաններ

Ձվարանի հետ կապված խնդիրները որովային 2 մասերում էլ առաջացնում են ցավեր:
Womens-Health-Advice-ը գրում է, որ ձվարանի կիստան կարող է առաջացնել սուր ծակող ցավեր որովային ստորին հատվածում: Այդ պատճառով որովայնի շրջանում ցանկացած սուր ցավերի առկայության դեպքում հարկավոր է դիմել բժշկի, հատկապես, եթե այդ ցավերը ուղեկցվում են արյունոտ արտադրությամբ:

Աղբյուրը՝ fithacker.ru