Ինչի կարող է բերել ատամների հետ կապված խնդիրները

Հիվանդ ատամները առաջացնում են սրտի հետ կապված խնդիրներ ու ազդում են պոտենցիայի վրա:

Ատամները խնամել մեզ սովորեցնում են մանկուց, քանի որ բերանի խոռոչի վիճակը ազդում է ամբողջ օրգանիզմի առողջական վիճակի վրա:

1. Բերանի միկրոբները աղտահարում են սիրտը

Լնդերի բորբոքումը, կարիեսը, ատամների թափվելը, վարակն ու քայքայումը կարող են հանգեցենլ ներքին օրգանների հետ կապված մի շարք խնդիրների առաջացման: Օրինակ սրտաբանները բացահայտել են, որ  ատամների հետ կապված խնդիրները բարձրացնում են սրտի հիվանդության առաջացման հավանականությունը: Նման կապի առկայությունը բացատրվում է հիվանդ լնդերի ու ատամների բակտերիաներով:  Ատամները մաքրելու կամ լնդերի այլ վնասվածքների հետևանքով  առաջացած միկրովնասվածքների արդյունքում այդ միկրոբները    ներթափանցում են արյան մեջ և արյունատար անոթներում առաջացնում են  բորբոքում  և անգամ հանգեցնում են թրոմբեների առաջացման:

Պերիոդոնտոզն ու կարիեսն առաջացնում են էնդոկարդիտ օսլեր(սրտի փականների ախտահարում, որոնք առաջանու են տարբեր տեսակի պաթոգեն հարուցիչների կողմից): Վերջինիս առաջացման պատճառը ստրեպտոկոկն է, որը արյան միջոցով ներթափանցում է դեպի սիրտ: Ընդ որում, արդեն բորբոքված ատամի հեռացումը բարձրացնում է վարակման հավանականությունը, քանի որ լնդի հյուսվածքի  վրա ձևավորվում է վերք, որն էլ և ավելի է հեշտացնում մանրէների թափանցումը: Այդ պատճառով հաճախակի սրտի վիրահատությունից առաջ հարկավոր է  այցելել ատամնաբուժին: Բացի այդ, բակտերինաերը, հանդիսանալով բերանի խոռոչի քրոնիկ վարակ, կարող են հանգեցնել  օրգանիզմի իմունիտետի նվազման ու այդ կերպ նպաստել անգինայի ու հարբուխի առաջացմանը: Իսկ այն, որ գրիպն ու անգինան հանդիսանում են սրտի վիճակի բարդացման պատճառ,  դա փաստ է:

2. Թոքերի բորբոքում

Պարզվում է, այն մարդկանց մոտ, ովքեր կանոնավոր կերպով չեն մաքրում իրենց ատամները, թոքերի բորբոքումը հանդիպում է 2 անգամ ավելի հաճախ, քանի որ ատամի փառը հանդիսանում է  վարակակիր մանրէների համար յուրօրինակ ինկուբատոր: Այդ պատճառով հետևեք հիգիենայի  կանոներին ու կանոնավոր կերպով մաքրեք ատամները:

3. Հոդերի հետ կապված խնդիրներ

Հոդային խնդիրների հանգեցնող հիմնական պատճառները կարող են լինել կարիեսը, ինչպես նաև վատ վիճակում գտնվող  պրոթեզները, պսակներն ու կամրջակները: Այդ  վայրերում ինչպես նաև հիվանդ ատամների վրա գտնվող վարակները  կարող են գրոհել 2 գծով.

• Արյան հոսքով(վերքերի ու վնասվածքների միջոցով) կարող են թափանցել մանրէներ  ու նրա միջոցով հասնել հոդերին՝ առաջացնելով թարախային արթրիտ:

• Արյան մեջ թափանցում են տոքսիններ և առաջացնում են  ռեակտիվ արթրիտ: Այդ պատճառով ատամների հիգիենան հանդիսանում է հոդերի մասին հոգ տանելու տարբերակներից մեկը:

4. Հղիություն

Շատերի համար հղությունը լինում է չնախատեսված, այդ պատճառով այդ վիճակը ուղեկցող պրոցեսներին հարկավոր է պատրաստ լինել: Օրինակ, հարկավոր է իմանալ, որ այդ վիճակում հորմոնալ փոփոխությունները կարող են առաջացնել լնդերի բորբոքում ու արնահոսություն: Իսկ հղի կնոջ ատամների մեջ առկա  վարակները արյան հոսքի մեջ հայտնվելուց հետո հաճախակի կարող են  պտղի վրա վատ ազդեցություն թողնել և առաջացնել անգամ վիժում: Փաստերը խիստ են. պերիոդոնտի հիվանդությունը բարձրացնում է վաղաժամ  ծննդաբերության հավանականությունը 6-ից 7 անգամ:

5. Աղեստամոքսային տրակտի խնդիրներից մինչև շաքրային դիբետ

Ատամների հետ կապված խնդիրների դեպքում առաջանում են նաև աղեստամոքսային տրակտի հետ կապված խնդիրներ, քանի որ ատամների վնասված լինելու հետևանքով հնարավոր չի լինում սնունդը անհրաժեշտ քանակությամբ մանրացնել: Ինչը նշանակում է, որ այն չի յուրացվում,այլ պարզապես կուտակվում է աղիներում և փտում: Եվ այդ պատճառով հիվանդ ատամների դեպքում առաջին ախտորոշումը դա հաստ աղիքի բորբոքումն է: Սակայն դա ամենը չէ, այս դեպքում տուժում է ոչ միայն աղիները, այլ նաև ստամոքսը, քանի որ այն ստիպված է լինում հավելյալ աշխատել, որպեսզի կարողանա մարսել սնունդը։ Արդյունքում առաջանում է գաստրիտ կամ ստամոքսի խոցային հիվանդություն և տասներկումատնյա աղիքի հիվանդություն: Այդ ամենից վնասվում է նաև ֆերմենտային համակարգը, քանի որ այն ստիպված է լինում արտազատել ավելի մեծ քանակությամբ ֆերմենտներ՝ սնունդը մարսելու համար, ինչը նշանակում է, որ այն աշխատում է ծանրաբեռնված: Իսկ նման կերպ այն չի կարող երկար աշխատել:  Առաջինն այս դեպքում ախտահարվում է ենթաստամոքսային գեղձը և արդյունքում ախտորոշվում է պանկրեատիտ:Մասնագետները նշում են, որ ատամնաքարը հանդիսանում է այդ հիվանդության ախտանշաններից մեկը:

6. Շաքարային դիաբետ

Էնդոկրինոլոգները գիտեն, որ կարիեսը հանդիսանում է  շաքարային դիաբետի ախտանշաններից մեկը: Կապը շատ պարզ է. շաքարի մակարդակը բարձրանում  է արյան մեջ, ինչը նշանակում է  նաև բերանի խոռոչում: Նման միջավայրում, սնվելով շաքարով, բակտերիաները բազմանում են  կայծակնային արագությամբ և քայքայում են էմալը: Իսկ հետագայում ավելի մեծ քանակությամբ բակտերիաների առկայությունը նպաստում է  լնդերի բորբոքման:

7. Պոտենցիա

Քրոնիկ վարակը, որը առկա է բերանի խոռոչում, վնասում է արյունատար անոթները, ինչը նշանակում է, որ ուժեղ սեռի ներկայացուցիչներից և ոչ մեկ ապահովագրված չէ նրանից, որ բակտերիաները չեն վնասի իրենց: Իսկ դա շատ վտանգավոր է, քանի որ նման դեպքում կարող է առաջանալ իմպոտենցիա:

8. Ուղեղի «վախեր»

Որքան քիչ են ատամները, այնքան ավելի մեծ է Ալցհեյմերի հիվանդության առաջացման հավանականությունը: Պատճառը թաքնված է վարակի մեջ, որը գտնվում է բերանի խոռոչում և շարունակում է տեղաշարժվել ամբողջ օրգանիզմի անոթներով և կարող է ուժեղացնել բորբոքային պրոցեսները գլխուղեղում: Իսկ դա հանգեցնում է նեյրոնների մահվան, հիշողության վիճակի վատացման և ատամների շրջանում ընկալիչների զգայունության կորստի:

9. Ականջներն ու աչքերը

Վնասված ատամների մեջ ապրում են ստրեպտոկոկեր ու ստաֆիլակոկեր, որոնք աստիճանաբար թափանցում են արյան մեջ ու ախտահարում են տարբեր օրգաններ ու համակարգեր: Դա նշանակում է, որ ատամների  վատ վիճակի հետևանքով կարող են առաջանալ խնդիրներ տեսողական ու լսողական օրգանների հետ:

Օրինակ, ականջաբորբի առաջացման պատճառ կարող  է դառնալ սեղան ատամի բորբոքումը: Իսկ առատ, անբացատրելի արցունքահոսությունը  կարող է առաջանալ վերին ժանիքի բորբոքման արդյունքում, որը անվանում են «աչքի ատամ»: Ատամների հետ կապված խնդիրները կարող են առաջացնել նաև աղմուկ ականջներում, գլխապտույտ կամ լսողության հանկարծակի վատացում, այն նաև կարող է առաջացնել շաղկապենաբորբ (կոնյուկտիվիտ):

Աղբյուրը՝ med2.ru