Վտանգավոր սնկեր և մակաբույծներ, որոնցով հնարավոր է վարակվել հողի հետ շփումից

20:12 • 29.04.16

Բժիշկները վստահ են, որ հիվանդությունները կարող են մարդկանց փոխանցվել ոչ միայն օդի և ջրի այլ նաև հողի միջոցով:

Հարկավոր է հաշվի առնել, որ միշտ չէ, որ հողի հետ շփումը կարող է անվտանգ լինել: Եվ հարկավոր է իրականացնել մի շարք կանխարգելիչ միջոցներ, որպեսզի հողի հետ շփման արդյունքում հանկարծ ձեռք չբերեք վտանգավոր ու լուրջ հիվանդություններ:

АиФ.ru-ն ներկայացրել է, թե ինչպիսի գաղտնիքներ է թաքցում հողը և ինչ է հարկավոր անել, որպեսզի նրա հետա աշխատելու արդյունքում պահպանեք առողջությունը:

1. Հողի միջոցով փոխանցվող նման պաթոլոգիաներից է հանդիսանում պրկախտը(столбняк): Այդ հիվանդությունը կրում է վարակիչ բնույթ և տարբերվում է տոքսիների արտազատմաբ և վառ արտահայտված կլինիկական ախտանշաններով, երբեմն՝ կայծակնային արագությամբ։

Հիվանդությունը ախտահարում է նյարդային համակարգը, առաջացնում է ցնցումներ ու հանգեցնում է մկաների լարման: Այդ ամենի հետ մեկտեղ այն տարբերվում է մահացության բարձր ցուցանիշով՝ 30–50%:

Մաշկային ծածկույթի ու վերքերի վաղ շրջանում, երբ նրանց մեջ ներթափանցում է վարակը, առաջանում է պաթոլոգիա: Վարակակիրները հանդիսանում են մանր կրծողները, բուսակեր կենդանիներն ու թռչունները և տոքսինները հայտնվում են հողի մեջ նրանց արտաթորանքի միջոցով: Արդյունքում բավական է վնասել ձեռքերը կամ «ստանալ» խայթոց, որից հետո ձեռք տալ հողին ու տեղի է ունենում վարակում:

Նման հիվանդության գաղտնի փուլը տատանվում է մի քանի ժամից մինչև 60 օր: Այդ ընթացքում բակտերիները ներթափանցում են արդյունավետ միջավայր ու սկսում են արագ զարգանալ:

Հիվանդի մոտ սկսում են առաջանալ հետևյալ ախտանշանները՝ գլխացավ, քրտնարտադրություն ու մկաննային լարվածություն: Վերքի շուրջ կարող են առաջանալ նաև բութ ձգող ցավեր: Այնուհետև սկսվում են դեմքի մկաների ջղաձգումներ, դժվարանում է կուլ տալու պրոցեսը, ուժեղանում է քրտնարտադրությունը, նկատվում է մաշկի կապտություն, ընդհատվում է շնչառությունը:

Նկատվում է նաև մարմնի ջերմաստիճանի բարձրացում: Եթե հիվանդը պատվաստված չի լինում, կարող է մահանալ այնպիսի բարդացումներից, ինչպիսիք են՝ մկանային սպազմը, սրտի պարալիչը, թոքաբորբը, սեպսիսը, էմբոլիան, ինֆարկտը և այլն:

Բուժումը իրականացվում է միայն հիվանդանոցում և նախատեսում է վերքի բացում, մաքրում ու հետագա խնամք, որի մեջ մտնում են հակապրկախտային ներարկումներ, ջղաձգումների կանգնեցնում: Առաջարկվում է նաև հատուկ դիետիկ սնունդ, որը պետք է ամրացնի օրգանիզմը: Որպես կանխարգելիչ միջոցներ կարող եք օգտագործել պատվաստումները, վերքերի ժամանակին մշակումը և այլն։

2. Վտանգավոր կատուներ

Ընտանի կենդանիներից և հողից փոխանցվող հիվանդություն, որը կոչվում է տոքսոպլազմոզ: Հիվանդությունը առաջանում է պարզունակ միկրոօրգանիզմներից և հանդիսանում է ամենատարածված և հղիների համար շատ վտանգավոր վարակ: Նման պաթոլոգիան շատ վտանգավոր է, քանի որ ընթանում է առանց ախտանշանների և կարող է առաջացնել բավականին տհաճ բարդացումներ՝ տեսողության խանգարման ու դողերոցքի նոպաների տեսքով:
Հիվանդությունը առաջանում է հելմինտների կողմից, որոնք ներթափանցում են մարդու օրգանիզմ՝ հողի հետ աշխատելու արդյունքում: Բավական է կեղտոտ ձեռքերով դիպչել դեմքին կամ լորձաթաղանթին, որպեսզի վարակվեք: Հարկավոր է շատ զգուշությամբ աշխատել հողի և ավազի հետ, որտեղ սիրում են լինել կատուները:

Որպեսզի կարողանաք խուսափել նման հիվանդությամբ վարակվելուց, պետք է մանրակրկիտ լվանաք ձեռքերը և չտրորեք աչքերը: Առհասարակ հողի հետ աշխատելուց հետո հարկավոր է վերամշակել նաև աշխատանքային գործիքները:

3. Վտանգավոր սնկեր

Հողից և ավազից շատ հեշտ հնարավոր է վարակվել տարբեր տեսակի սնկային հիվանդություններ: Երբեմն մարդիկ փորձում են բուժել հարթաթաթությունը բոկոտն քայլելով, որի ժամանակ հնարավոր է վարակվեն ոտնաթաթերի և եղունգների սնկով: Հողը բավականին հարմար միջավայր է միկրոօրգանիզմների զարգացման համար. այնտեղ բավարար խոնավ, տաք ու հարմարավետ է:

Ինչը նշանակում է, որ զբոսնելուց հետո հարկավոր է մանրակրկիտ մաքրել ու լվալ ոտքերն ու եղունգները, լվալուց հետո լավ չորացնել՝ չանտեսելով մատների արանքները, քանի որ այդտեղ կուտակված ջուրը կարող է միայն բարդացնել խնդիրը: Բացի դա, հարկավոր է ոտքերը մշակել հակասեպտիկով։ Եթե այնուամենայնիվ վարակված լինեք, ապա կնկատվի քոր, ցավ և ոտքի մաշկի ու եղունգների փոփոխություն, որի դեպքում հարկավոր է անմիջապես դիմել բժշկի, քանի որ նման իրավիճակում, ժամանակին սկսած բուժումը թույլ կտա շատ արագ ազատվել խնդրից:

4. Վտանգավոր մակաբույծներ

Բնականաբար հողից հնարավոր է վարակվել տարբեր տեսակի մակաբույծներով: Վարակվելու համար բավական է կեղտոտ ձեռքերով դիպչել աչքերին կամ բերանին և մակաբույծների ձվերն այդ կերպ կհայտնվեն օրգանիզմում, որից հետո նրանք շատ արագ կտեղափոխվեն աղիներ և կսկսեն արագ բազմանալ:

Մակաբույծներով վարակվելու ախտանշանները կարող են լինել ստամոքսի ցավերը, կանոնավոր փքվածությունը, ծակոցները(սանջու), վատ ախորժակը, մաշկի գույնի փոփոխությունը և այլն:
Նման խնդրի բուժման տարբերակներն առաջարկում է բժիշկը: Սովորաբար բավական է լինում օգտագործել հատուկ դեղամիջոցների մեկ կուրս: Սակայն մինչ դա հարկավոր է հանձնել անալիզ՝ հարուցիչը հայտնաբերլու համար:

Կանխարգելիչ միջոցառումների շարքին է դասվում նաև սովորական հիգիենան, որը կօգնի խուսափել առողջության հետ կապված լուրջ խնդիրների առաջացումից: