Լյարդի համար օգտակար 5 ըմպելիքներ

Լյարդը մարդու օրգանիզմում կատարում է կենսականորեն կարևոր ֆունկցիա: Այն պատասխանատու է դետոքսիկացիայի, նյութափոխանակության կարգավորման, արյան մաքրման, սպիտակուցների սինթեզման,  վիտամինների յուրացման և այլն:

Գոյություն ունեն մի շարք գործոններ ու սովորություններ, որոնք կարող են վնաս պատճառել այդ օրգանի առոջությանը, այդ պատճառով հարկավոր է շատ ուշադիր լինել այդ օրգանի աշխատաքում ցանկացած խատման, որպեսզի հնարավոր լինի խուսափել լուրջ հիվանդություններից:

Լյարդի առողջական վիճակը հնարավոր է զգալիորեն կարգավորել ու ամրացնել բնական միջոցների ու ճիշտ սովորությունների միջոցով(համակարգված սննդակարգ, բավարա քանակությամբ ջրի օգտագործում, ֆիզիկական ակտիվություն և կանոնավոր «դետոքս» կուրսեր):
vajnoe.com-ը ներկայացնում է 5 ըմպելիքներ, որոնք նպաստում են լյարդի բնական մաքրմանն ու պաշտպանում են այն մի շարք հիվանդություններից:

1. Խնձորի հյութ

Խնձորը հարուստ է բջջանյութով ու  պարունակում է խնձորաթթու, որը օգնում է քայքայել լեղապարկի քարերը:
Խնձորի հյութը հիանալի համապատասխանում է բնական ճանապարհով լյարդի մաքրմանն ու վերականգնմանը:

Բաղադրիչները՝

o ½ կգ խնձոր
o ½ կիտրոն
o Մեղր
o ջուր

Ինչպես պատրաստել

o Լվացեք խնձորներն ու առանց կեղևը մաքրելու բաժանեք մի քանի բարակ շերտերի ու  լցրեք հյութաքամիչի մեջ ու քամեք:
o Պատրաստի հյութի վրա ավելացրեք 2 բաժակ ջուր, կես կիտրոնի հյութ և մի փոքր մեղր՝ ըստ ճաշակի:
o  Լավ խառնեք բաղադրիչներն ու օգտագործեք:

Կարևոր է

Խնձորի հյութով լյարդի մաքրման 2 օրյա կուրսի ընթացքում շատ կարևոր է խուսափել սպիտակուցներից, կաթնային ու տապակած մթերքներից:  Շարունակեք խնձորի հյութի օգտագործումը 6 օր և ցանկալի է սոված ժամանակ:

2. Կանաչ թեյ

Կանաչ թեյը հայտնի է առողջության համար իր օգտակար հատկություններով: Այն  հանդիսանում է կատեխինի բնական աղբյուր, որը բնական հակաօքսիդանտ է: Համաձայն մի շարք հետազոտությունների, նպաստում է լյարդից ճարպերի դուրսբերմանն ու պաշտպանում է մարդուն  ճարպային հեպատոզից:

Ինչպես այն օգտագործել

Խմեք կանաչ թեյը առավոտյան քաղցած ժամանակ ու երեկոյան` քնելուց առաջ: Սակայն հարկավոր չէ այն օգտագործել մեծ քանակությամբ, քանի որ կարող է առաջացնել կողմնակի ազդեցություններ, բավարարվեք օրական  2 բաժակով:

3. Թուրինջի կոկտեյլ

Նման կոկտեյլը մաքրում է լյարդը, օգնում է օրգանիզմը մաքրել տոքսիններից ու ամրացնում է ավշային համակարգը: Այն չունի կողմնակի ազդեցություններ, այդ պատճառով այն կարող եք կանոնավոր օգտագործել:

Պատրաստման համար հարկավոր է՝

o 2 մեծ թուրինջ
o 2 պճեղ սխտոր
o 1 թարմ կոճապղպեղի արմատ
o 4 կիտրոն
o 300 մլ ֆիլտրած խմելու ջուր
o 2 թ/գ սառը մզման ձիթայուղ:

Ինչպես պատրաստել

o Նախ քամեք թուրինջի ու կիտրոնի հյութերը
o Մանր կտրատեք  մի փոքր կոճապղպեղ ու սխտոր
o Մնացած բաղադրիչները լցրեք հարիչի մեջ , ավելացրեք նրանց հյութը, կոճապղպեղն ու սխտորը:
o Լավ հարեք կոկտեյլն ու խմեք 1 բաժակ` քնելուց առաջ:

4. Լոռամրգով կոկտեյլ

Լոռամիրգը ունի մաքրող ու դետոկսիկացնող հատկություններ: Այն հարուստ է վիտամիններով, հանքանյութերով ու բնական հակաօքսիդանտներով: Այն ամրացնում ու պաշտպանում է մարդու օրգանիզմը մի շարք հիվանդություններից:

Կոկտեյլի պատրաստման համար հարկավոր է՝

o 2 մեծ կարմիր խնձոր
o 1 մեծ կանաչ տանձ
o 1/2 բաժակ թարմ լոռամիրգ
o 1 ցողուն նեխուր
o 1 հատ միջին չափի վարունգ

Ինչպես պատրաստել այն

o Խառնեք բոլոր բաղադրիչները հյութաքամիչում ու պատրաստեք մրգային և բանջարեղենային հյութը
o 5 օր շարունակ ընդունեք 1 բաժակ :

5. Գազարով կոկտեյլ

Գազարը պարունակում է մեծ քանակությամբ վիտամիններ ու հանքանյութեր, այն օրգանիզմից դուրս է բերում  վնասակար նյութերն ու կանխում է լյարդի վարակիչ հիվանդությունների առաջացումը:

Գազարով կոկտեյլի պատրաստման համար հարկավոր ՝

o ½   կեղևով վարունգ
o 4 հատ միջին չափի գազար
o 1 ցողուն նեխուր

Ինչպես պատրաստել

o Լվացեք բանջարեղեններն ու բաժանեք միջին չափի կտորների:
o Լցրեք նրանք հյութաքամիչի մեջ ու պատրաստեք հյութ:
o 1 շաբաթ շարունակ ընդունեք օրը 1 բաժակ: