Ինչով է օգտակար ավելուկը, խատուտիկն ու եղինջը և ինչ կարելի է նրանցից պատրաստել

21:07 • 18.05.16

1. Ավելուկ(թրթնջուկ)

Ինչով է օգտկար: Այն В խմբի վիտամիններ պարունակող կանաչիների շարքում զբաղեցնում է 1-ին տեղը: Այն պարունակում է նաև մեծ քանակությամբ ասկորբինաթթու: Սակայն թրթնջուկային թթուն հակացուցված է երիկամներում միզային քարերի, հոդատապի, աղային կուտակումների դեպքում:

Թրթնջուկը ունի մի փոքր թթվաշ համ, որը դարձնում է թրթնջուկի տերևները բավականին յուրօրինակ հավելում շատ ճաշատեսակների համար:

Թթրթնջուկի տերևները կարելի է ավելացնել աղցանների մեջ, պատրաստել թրթնջուկով արգանակ կամ կոտլետների համար սոուս:

Թրթնջուկով աղանդեր

Բաղադրությունը՝ 1 փունջ թրթնջուկ, 1 հատ ձու, 200 մլ յուղոտ սերուցք:
Պատրաստման եղանակը՝ թրթնջուկը կտրատել, շոգեհարել եռման ջրով ու սառեցնել: Այնուհետև մաս-մաս լցնել բլենդերի մեջ, ավելացնել ձվի դեղնուց ու սերուցք, հարել, լցնել կաղապարների մեջ ու դնել սառցախցիկում:

2. Խատուտիկ (Одуванчик)

Ինչով է օգտակար: Ծաղիկներում, տերևներում ու արմատում առկա են մեծ քանակությամբ С, А ու В խնբի վիտամիններ: Սակայն այս բույսի գլխավոր հարստությունը ինուլինն է: Այդ նյութը շատ օգտակար է շաքարային դիաբետով տառապող մարդկանց համար, քանի որ նվազեցնում է արյան մեջ շաքարի մակարդակը:

Այն չի կարելի օգտագործել եթե առկա են լյարդի, լեղապարկի հետ կապված խնդիրներ և եթե սրացել է գաստրիտը:

Խատուտիկը ունի թարմ դառնավուն խոտի համ: Այդ դառնությունը հանարովոր է կոտրել, եթե 30-40 րոպե բույսի տերևները թրջել աղաջրի մեջ:

Խատուտիկի տերները կարելի է օգտագործել աղցանների մեջ, արմատները՝ սուրճ հիշեցնող բուրումնավետ ըմպելիքի պատրաստման համար, ինչպես նաև որպես մսային ուտեստների համար խավարտ: Խատուտիկից պատրաստում են նաև օշարակ:

Խատուտիկով աղցան

Բաղադրությունը. 100 գրամ խատուտիկի տերևներ, 4ճ/գ կտրատած հունական ընկույզ, 1 ճ/գ մեղր, 3 ճ/գ բուսայուղ:

Պատրաստման եղանակը. Խատուտիկի տերևները մանր կտրատել, ավելացնել ընկույզն ու լավ խառնել: Մեղրն ու բուսայուղը խառնել իրար ու լցնել աղցանի վրա:

3. Եղինջ (Крапива)

Ինչով է օգտակար. Այս այրող խոտը, վիտամին С-ի պարունակությամբ առաջ է անցնում կիտրոնից, իսկ բետա-կարոտինի պարունակությամբ՝ չիչխանին: Բացի այդ, այն պարունակում է մեծ քանակությամբ վիտամին К, որը պատասխանատու է արյան մակարդման համար, ինչի պատճառով այն, դեռևս հին ժամանակներից, օգտագործվում է վերքերի ու տարբեր տեսակի արնահոսությունների բուժման համար:

Սակայն եղինջի արնահոսությունը կանգնեցնող հատկությունները կարող են վտանգավոր լինել այն մարդկանց համար, ովքեր տառապում են թրոմբոֆլեբիտով, քանի որ նրանց մոտ եղինջով պատրաստվող ուտեստները կարող են առաջացնել թրոմբներ:

Եղինջի համը միաժմանակ հիշեցնում է վարունգի ու սպանախի համ:

Կարելի է պատրաստել կանաչ ապուր, ավելացնել ձվածեղի, աղցանների, կարկանդակի համար նախատեսված միջուկի մեջ, ինչպես նաև շոգեխաշել բանջարեղենների հետ և առանձին: Եղինջի հյութից պատրաստում են սոուսներ, իսկ հատապտուղների ու մրգերի հետ խառնած, ամառանը այն հիանալի զովացնող միջոց է դառնում:

Ապուր-խյուս եղինջով

Բաղադրությունը.100 գրամ եղինջ, 2 հատ կարտոֆիլ, 1 գլուխ սոխ, 1 գազար, ½-ական փունջ մաղադանոս ու գինձ, 2 ճ/գ թթվասեր, 1 ճ/գ կիտրոնի հյութ:

Պատրաստման եղանակը. եփել կարտոֆիլը մսի արգանակի կամ սովորական ջրի մեջ այնքան, մինչև որ այն պատրաստ լինի, հանել այն արգանակի միջից, տրորել թթվասերի հետ, որից հետո նորից այն լցնել արգանակի մեջ, խառնել ու շարունակել այն պատրաստել մարմանդ կրակի վրա:
Մանր կտրատել գազարն ու սոխը և տապակել բուսայուղով: Կանաչին ու եղինջը մանր կտրատել, եղինջը շոգեխաշել եռման ջրում ու կանաչու հետ միասին լցնել արգանակի մեջ, ավելացնել կիտրոնի հյութը, ըստ ճաշակի համեմել աղով ու պղպեղով ու եփել այն 2 րոպե:

Ինչ պատրաստել ծաղիկներից

1. Մանուշակ