Կտավատի յուրահատուկ հատկությունները

Կտավատի սերմերը  հարուստ են մակրո ու միկրոտարրերով (կալիում, կալցիում, մագնեզիում, երկաթ, մանգան, պղինձ, ցինկ, քրոմ, ալյումին, նիկել, յոդ և այլն):

Կտավատի սերմերը առողջության համար

1. Կտավատի սերմերի սառը թուրմ

Խթանում է լեղին ու միզարտադրությունը, պարունակում է թուլացնող ու իմունախթանիչ ազդեցություն: Կարող է օգտագործվել սննդային թունավորումների դեպքում: Ընդունում են օրական մի քանի անգամ, 2-3 ճ/գ ՝փոքր կումերով:

2. Լարինգիտի դեպքում

1ճ/գ կտվատի սերմերը լցնել 200 մլ ջրի կամ կաթի մեջ, եռացնել 10 րոպե  մարմանդ կրակի վրա, որից հետո քամել: Ընդունել 2-3 ճ/գ թուրմ առավոտյան ու երեկոյան՝ փոքր կումերով:

3. Սուր բրոնխիտի դեպքում, որը ուղեկցվում է չոր, գրգռող հազով

Խառնեք 100 գրամ կտավատի սերմերի փոշին 500 գրամ մեղրի հետ ու այդ խառնուրդը ընդունեք 1 թ/գ  տաք ջրով, օրական 8-10 անգամ: Հազի մեղմացումից հետո, խառնուրդի մեջ ավելացրեք 1թ/գ անիսոնի պտուղների փոշի, սամիթ ու կոճապղպեղ: Ընդունեք օրական 4-6 անգամ՝ սնունդ ընդունելու ընդմիջումների ժամանակ:

4. Վերքերի ու այրվածքների բուժման համար

Կտավատի սերմերի յուղը խառնեք հում ձվի սպիտակուցի հետ 1:1 հարաբերակցությամբ և այն կօգնի ցավազրկել վերքը:

5. Դեմքի մաշկի  անոթների լայնացման դեպքում

Պատրաստեք կտավատի սերմերից սառը դիմակներ և  դնելուց հետո լվացեք դրանք սառը ջրով:
6. Քրոնիկ պանկրեատիտ, լեղաքարային հիվանդություն
Ընդունեք օրական 4-5 անգամ 1թ/գ-ից մինչև 1 ճ/գ կտավատի յուղ` սնունդ ընդունելուց առաջ կամ սնունդ ընդունելու ընթացքում:

7. Ժողովրդական բժշկության մեջ օգտագործվող կտավատի սերմերի թուրմը ստամոքսի պատերի վրա առաջացնում է  լորձաթաղանթ, որը կանխում է օրգանիզմ ճարպերի թափանցումը: Իսկ կտավատի սերմերը՝ մեծանալով իրենց ծավալով,  ներծծում են խոնավությունն ու նվազեցնում են քաղցի զգացողությունը: Կտավատի սերմերը նպաստում է  ավելորդ կիլոգրամներից ազատվելուն, օրգանիզմից մաքրում են շլակները, բարձրացնում է իմունիտետն ու նվազեցնում քաղցկեղածին հիվանդությունների առաջացման հավանականությունը:

Սակայն կտավատի թուրմը չի կարելի երկար օգտագործել:  Ընդունեք այն 2 շաբաթ, որից հետո կատարեք 2 շաբաթ ընդմիջում:

• Եփուկը ընդունեք 3 ամիս, որից հետո 1 ամիս ընդմիջում արեք: Եփուկը կիջեցնի ախորժակն ու կօգնի նիհարել, կկարգավորի արյան մեջ շաքարի մակարդակն ու կբարձրացնի իմունիտետը, ինչպես նաև կմաքրի մաշկը և այն կդառնա փափուկ ու թավշյա, եղունգները կամրանան, մազերը կսկսեն փայլել:

Եփուկի պատրաստման համար վերցրեք 2 ճ/գ կտավատի սերմ, լցրեք այն էմալապատ տարայի մեջ, ավելացրեք 3 բաժակ ջուր ու եռացրեք մարմանդ կրակի վրա 10 րոպե, որից հետո թողեք  այն սառչի: Կարող եք այն  չքամել: Սնունդ ընդունելուց  1 ժամ առաջ խմեք կես բաժակ  տաք եփուկ: Համի հարստացման համար կարող եք ավելացնել  մի փոքր  մեղր ու մի քանի կաթիլ կիտրոնի հյութ:

• Սննդի մեջ կտավատի սերմերի ավելացման միջոցով կարող եք առանց որևէ դժվարության ազատվել մի քանի կոլոգրամից: Բավական է ուտեստների մեջ ավելացնել օրական 2 ճ/գ կտավատի սերմեր:

• Կտավատի սերմերը ամբողջական կամ աղացած վիճակում կարող եք ավելացնել  շիլայի, մսային կամ բանջարեղենային ուտեստների, արգանակների մեջ: Այդ կերպ նրանք ավելի հեշտ կյուրացվեն ու կդառնան օգտակար, հանքանյութերն ու վիտամինները կթափանցեն օրգանիզմ, իսկ ավելորդ կիլոգրամները կսկսեն  հեռանալ, արդյունքում կստացվի երկակի օգուտ:

• Կտավատով վիտամիննային կոկտեյլ. վիտամինային կոկտեյլի պատրաստման համար սրճաղացով մանրացրեք 1 ճ/գ կտավատի սերմեր, լցրեք այն մեկ բաժակ թարմ գազարի հյութի մեջ ու ավելացրեք նաև 1 թ/գ կտավատի յուղ:Թողեք կոկտեյլը հասունանա 5 րոպե, խառնեք ու խմեք:

• Նիհարելու համար աղացած կտավատի սերմերը ավելացրեք կեֆիրի կամ  յոգուրտի մեջ: Ընդունեք օրական 3 անգամ, ուտելուց կես կամ մեկ ժամ առաջ: Դիետայի կուրսը 2 շաբաթ է:
1-ին շաբաթվա ընթացքում 100 մլ անյուղ կեֆիրի մեջ խառնեք 1 թ/գ կտվատի սերմեր, իսկ 2-րդ շաբաթվա ընթացքում անյուղ կեֆիր մեջ ավելացրեք արդեն 2 թ/գ կտավատի սերմեր:

Աղբյուր` pic-words.ru