Կիտրոնի հյութը օգնում է բուժել ասթման

Վիճակագրության համաձայն, աշխարհում ավելի քան 300 միլիոն մարդ տառապում է ասթմայով, որը նաև հանդիսանում է երեխաների շրջանում ամենատարածված հիվանդություններից մեկը։

naturalmedicineportal.com-ի փոխանցմամբ, կիտրոնը բավականին արդյունավետ կարող է պայքարել այդ խնդրի դեմ։

Ինչով է օգտակար կիտրոնը

Կիտրոնը հարուստ է հակաօքսիդանտներով և վիտամին C-ով, որոնք, ինչպես ապացուցվել է, օգնում են պայքարել միկրոբների, բակտերիաների և ալերգենների դեմ։ Հենց այդ պատճառով կիտրոնը օգտագործվում է ստոմատոլոգիական խնդիրների, վարակների, ռևմատիզմի, ստամոքսի խանգարման, փորկապության և արյան բարձր ճնշման բուժման համար։

Թարմ կիտրոնի հյութը պարունակում է լիմոնաթթու, որը մաքրում ու ամրապնդում է թոքերը, որը շատ կարևոր է ասթմայով տառապող մարդկանց համար, քանի որ այն թույլ է տալիս նրանց հեշտ շնչել։ Կիտրոնի բաղադրության մեջ մտնող հակաօքսիդանտները արդյունավետ կերպով պայքարում են ասթմայի նոպա առաջացնող ալերգենների դեմ։

Տեխնիոն-Իսրայել տեխնոլոգիական համալսարանի կատարած հետազոտությունների արդյունքում պարզվել է, որ լիմոնենով(նյութ, որը պարունակվում է ցիտրուսային յուղերում) ինհալացիան կարող է կանխել երեխաների մոտ  ուլտրամանուշակագույն ճառագայթների ազդեցության պատճառով առաջացած ասթման։  Բացի այդ, հետազոտողները պարզել են, որ լինոնենը բավականին արդյունավետ կարող է պայքարել շնչառական ուղիների բորբոքում առաջացնող քիմիական նյութերի դեմ։ 

Կիտրոնն ամենօրյա սննդակարգում ընդգրկելու 3 տարբերակ

Օրվա ընթացքում խմել կիտրոնաջուր

Կիտրոնը ճզմել ջրի մեջ և օրվա ընթացքում խմել սովորական ջրի հետ միասին։ Կիտրոնն օժտված է հակասեպտիկ հատկություններով և կարող է ոչնչացնել շնչառական ուղիներ թափանցած վնասակար բակտերիաներին։

Օրը սկսել կիտրոնով ու տաք ջրով

Առավոտյան սուրճը կարելի է փոխարինել կես կիտրոնի հյութը մեկ բաժակ տաք ջրի հետ խառնած ըմպելիքով։ Այս ըմպելիքը կարող է թարմացնել ու առույգություն պարգևել ողջ օրվա ընթացքում։

Սոուսների ու համեմունքների փոխարեն օգտագործել թարմ կիտրոն

Կիտրոնի հյութը կարելի է օգտագործել որպես համեմունք աղցանի և որպես սոուս՝ ձկան ու  հավի համար։

Այս կերպ կարելի է կիտրոնն օգտագործել որպես  հակաասթմատիկ միջոց։