Որ հիվանդությունների առաջացման ռիսկերն է մեծացնում ծխախոտամոլությունը

19:53 • 25.05.16

Ծխախոտի օգտագործումը և հիվանդացության ռիսկը

• Ծխող տղամարդկանց վաղաժամ մահացության ռիսկը 2-3 անգամ բարձր է չծխողների համեմատ, իսկ կանանցը՝ 1,3-1,9 անգամ: Ռիսկն ավելանում է գլանակների քանակի և ծխախոտի օգտագործման տևողության հետ:

• Ծխողների մոտ թոքի քաղցկեղի ռիսկն աճում է 12 անգամ:

• Սրտամկանի ինֆարկտի և ուղեղանոթային ու ծայրամասային անոթների հիվանդությունների ռիսկն ավելանում է 50%: Հակաբեղմնավորիչ դեղամիջոցներ օգտագործող կանանց մոտ ծխախոտի օգտագործումը բարձրացնում է թրոմբոէմբոլիկ բարդությունների ռիսկը:

• Թոքերի քրոնիկ օբստրուկտիվ հիվանդություններից մահացության դեպքերի մոտ 80% պայմանավորված է ծխախոտի օգտագործմամբ:

• Ծխող մայրերի երեխաների մոտ բարձր է պերինատալ մահացությունը և հանկարծամահության ռիսկը:

• Ծխելը հանդիսանում է աթերոսկլերոզի և հետևաբար՝ ընդմիջվող կաղության զարգացման պատճառ:

• Բարձրանում է քրոնիկ բրոնխիտի, թոքերի քրոնիկ օբստրուկտիվ հիվանդության և էմֆիզեմայի ռիսկը:

• Խոցային հիվանդությունն առավել հաճախ է հանդիպում ծխողների մոտ:

Պասիվ ծխողների մոտ.

• շուրջ 25% բարձր է թոքի քաղցկեղի ռիսկը,

• կորոնար պատահարներն ավելանում են 25-30%,

• բարձր է բրոնխիալ ասթմայի զարգացման ռիսկը:

Այլ վնասակար ազդեցություններ

• Նիկոտինային կախյալությունը համադրելի է թմրամոլության հետ

• Ծխախոտի օգտագործումը թուլացնում է մի շարք դեղամիջոցների կլինիկական ազդեցությունը

- հիստամինային H2-պաշարիչների,

- միզամուղների,

- հակահեղձուկային դեղամիջոցների,

- բարձրացնում է CYP1A2 ֆերմենտատիվ ակտիվությունը և արագացնում որոշ դեղամիջոցների մետաբոլիզմը (օրինակ՝ թեոֆիլին, պրոպրանոլոլ, ատենոլոլ, նիֆեդիպին, բենզոդիազեպիններ, հեպարին, եռացիկլիկ հակադեպրեսանտներ, հալոպերիդոլ, կոֆեին, վիտամին C և այլն):

Աղբյուր՝ NCDC, Armenia ֆեյսբուքյան էջ