5 մթերք, որոնք օգնում են պայքարել մանկական ալերգիայի դեմ

19:47 • 27.05.16

Իսպանացի գիտնականների կողմից իրականացված հետազոտությունները ցույց են տվել, որ այն երեխաները, ում սննդակարգում ներառված են եղել ձուկ ու բանջարեղեն(կանաչ լոբի, կարտոֆիլ, վարունգ, դդմիկ, սմբուկ) ունեցել են ալերգիայի ու ասթմայի 40%-ով ավելի մեղմ ախտանշաններ, քան այն երեխաները, ովքեր հազվատեպ են օգտագործել այդ մթերքները:

Հետազոտողները կարծում են, որ իրենց հակաօքսիդանտային ու հակաբորբոքային հատկությունների շնորհիվ բանջարեղենը թողնում է բուժիչ ազդեցություն բրոնխիալ ուղիների վրա: Սակայն հակաօքսիդանտներով հարուստ սնունդը չի օգնի երեխային, եթե ընդհանուր սննդակարգը «աղքատ» է:

Մասնագետները կարծում են, որ հարկավոր է հետևել, որպեսզի երեխանները չօգտագործեն մեծ քանակությամբ շաքար, կոնսերվանտներ ու հավելումներ, ինչպես նաև տապակած միս ու կարմիր միս պարունակող սնունդ, որոնք սրում են բորբոքումները:
Երեխաների մոտ ալերգիայի ու ասթմայի դրսևորումները մեղմելու համար հարկավոր է նրանց սննդակարգում ներառել հետևյալ մթերքները՝

1. Ձկնեղեն(ցանկալի է սաղմոն)

Ձուկը հարուստ է օմեգա 3 ճարպաթթուներով, որոնք նվազեցնում են երեխաների մոտ ժառանգական ալերգիայի զարգացման ռիսկը:

2. Բրոկկոլի

Այս բանջարեղենը հարուստ է հակաօքսիդանտներով ու շատ օգտակար է երեխաների համար: Բրոկկոլին հայտնի է իր հակաուռուցքային հատկություններով և հանդիսանում է կալցիումի, երկաթի, մագնեզումի և А ու С վիատամինների հարուստ աղբյուր:

3. Հատապտուղներ

Ելակը, հապալասն ու մոշը հարուստ են կվերցետինով, որն ունի հակաալերգիկ ու հակաբորբոքային հատկություններ: Կվերցետինի աղբյուր են հանդիսանում նաև սոխը, խնձորը, սև թեյը, որոշ ընկույզներ ու լոբին:

4. Նարինջ

Նարինջը պարունակում է վիտամին С, որը շատ լավ հայտի է մրսածությունը հաղթահարող իր հատկություններով: Մասնագետները նշում են, որ այն կարող է կայունացնել պարարտ բջջի բջջաթաղանթը, կանխելով ալերգիայի ախտանշանները առաջացնող հիստամինի արտազատումը:

Վիտամին С-ի աղբյուր են հանդիսանում նաև կաղամբը, գունավոր կաղամբը, ցիտրուսների մեծ մասը:

5. Կոկոսի կաթ կամ կոկոսի յուղ

Կոկոսի յուղը հագեցած է տրիգլեցիրիդային միջին շղթայով, որը, ինչպես ենթադրվում է, օգնում է հանգստացնել աղեստամոքսային տրակտն ու թեթևացնում է ալերգիան: Մասնագետները խորհուրդ են տալիս երեխայի համար սնունդը պատրաստել այդ յուղով:

Աղբյուր՝ tiensmed.ru