Ինչով է օգտակար գազարը

Գազարը ոչ միայն համեղ, այլ նաև շատ օգտակար է, և որպեսզի հնարավոր լինի ստանալ նրանից մաքսիմալ վիտամիններ, հարկավոր է այն ճիշտ  օգտգործել:

Վիտամիններով հարուստ արմատապտուղ

Իր վառ  նարնջագույն գույնը արդեն իսկ խոսում է այն մասին, որ այս արմատապտուղը հարուստ է վիտամին А-ով: Բանջարեղենների շարքում այն բետտա-կարոտինի պարունակությամբ 1-ինն է: Սակայն հարկավոր է հաշվի առնել, որ օրգանիզմին բետտա-կարոտինը յուրացնել համար հարկավոր է ճարպեր: Այդ պատճառով հարկավոր է  աղցանները համեմել յուղոտ թթվասերով կամ բուսական յուղով: Սակայն արգանակների համար նման հավելումներ անհրաժեշտ չեն, քանի որ արգանակում յուղն արդեն առկա է: Սխալ է այն կարծիքը, որ ջերմային մշակման դեպքում գազարը կորցնում է վիտամին А-ի որոշակի քանակություն։ Գազարը շոգեխաշելու կամ  եփելու դեպքում բետտա-կարոտինն ավելանում է։

Բացի բետտա-կարոտինից, գազարը պարունակում է  նաև մեծ քանակությամբ В  խմբի վիտամիններ, ինչպես նաև  վիտամին Е  ու ասկորբինաթթու:

Ինչպես ընտրել գազար

Հարկավոր է  գնել պինդ գազար, առանց անցքերի ու կետերի, որը ցույց է տալիս, որ գազարի միջուկը փչացած է: Որքան ավելի վառ է գազարի գույնը, այնքան ավելի բարձր է վիտամին A-ի պարունակությունը։

Հաստ, մուգ նարնջագույն արմատապտուղները ամենաօգտակարներն են: Նրանք հատկապես շատ լավ են աղցանների համար: Բարակ ու բաց գույնի արմատապտուղներում հյութը շատ քիչ է:

Ում է այն օգտակար

Միանշանակ այն օգտակար է բոլորին՝ առանց բացառության, սակայն ոմանց այն ավելի քան անհրաժեշտ է:

1. Հում գազարը պարունակում է  մեծ թվով բջջանյութ, որը նվազեցնում է արյան մեջ «վնասակար»  խոլեստերինի մակարդակը, ինչը նշանակում է, որ պաշտպանում է անոթները խոլեստերինային կուտակումներից:

2. Պարզվում է, գազարը կարող է օգնել կանանց պաշտպանվել կրծքի քաղցկեղից: Գերմանացի գիտնականները պարզել են, որ այն կանանց մոտ, ովքեր տառապում են վիտամին А-ի դեֆիցիտով, կծկագեղձերի քաղցկեղի առաջացման ռիսկը 40–60%-ով ավելի բարձր է:

3. Գազարը օգնում է բոլոր այն տղամարդկանց, ովքեր ցանկանում են երեխա ունենալ: Շնորհիվ առատ վիտամինների, գազարը բարձրացնում է տղամարդու պտղաբերությունը: Հարվարդի համալսարանի գիտնականները հաշվել են, որ գազարի կանոնավոր օգտագործումը նվազեցնում է անոմալ  զարգացած սպերմատոզոիդների քանակությունը 10%-ով և 7%-ով բարձրացնում է նրանց շարժունակությունը:

4. Գազարը օգնում է նաև պաշտպանել ատամները

Հում գազարը բնական ատամի խոզանակ է: Այն օգնում է ատամները մաքրել ատամնափառից ու կանխում է  կարիեսի առաջացումը:

5. Գազարը օգնում է  վերականգնել հիշողություն

Գազարը պարունակում է հատուկ նյութ, որը հայտնի է լյուտեոլին անվամբ, որը պաշտպանում է  ուղեղի աշխատանքն ու կանխում է տարիքի հետ կապված հիշողության խնդիրների առաջացումը:

Ի դեպ

Շաքարային դիաբետով, ավելորդ քաշով ու ճարպակալումով տառապողներին խորհուրդ չի տրվում օգտագործել խաշած կամ տապակած գազար, քանի որ ջերմային մշակման դեպքում գազարի գլիկեմիկ ինդեքսը բարձրանում է:

Աղբյուրը՝  aif.ru