Խառնուրդ, որը կօգնի հաստ աղիքից դուրս բերել տոքսիները

Չմարսված սննդամթերքներն ու միսը հաստ աղիքում առաջացնում են լորձի կուտակում, որը առաջացնում է օրգանիզմի համար վտանգավոր տոքսիններ: Դա կարող է դառնալ աշխատունակության նվազման, քաշի ավելացման, հոգնածության ու գլխացավերի պատճառ:

Եթե մաքրման պրոցեսը հիմնված է մրգերի ու բանջարեղենների վրա, հարկավոր է  ընտրել այն  մթերքները, որոնք հարուստ են բջջանյութով ու մի շարք այլ սնուցող նյութերով:

fithacker.ru-ն  ներկայացրել է հաստ աղիքի մաքրման մեթոդի  բաղադրատոմս, որը շատ հարուստ է վիտամիններով ու սնուցող նյութերով և արդյունավետ օրգանիզմից հանում է բոլոր տոքսինները:

Այդ բաղադրատոմսի հիմքում ընկած են լուծվող բջջանյութով հարուստ մրգեր, մասնավորապես խնձոր, որը ապահովում է հագեցվածության զգացողություն ու օգնում է փորի  թուլության դեպքում:

Խնձորը նաև պարունակում է  լուծվող մանրաթելեր, որոնք բուժում են փորկապությունը: Այնուամենայնիվ հարկավոր է  հիշել, որ շատ խնձոր օգտագործելու դեպքում պետք է  խմել շատ ջուր:

Բաղադրատոմսի մեջ ընդգրկված է  նաև կտավատի սերմեր, որոնք հարուստ են մանրաթելերով ու արագացնում են աղիներում  սնուցող նյութերի յուրացումն  ու օգնում են կանխել ստամոքսի դատարկումը:

Բացի այդ, կտավատի սերմերը նվազեցնում են հաստ աղիքի քաղցկեղի առաջացման ռիսկն ու օգնում են մարսել սնունդը: Այդ սերմերը նաև պարունակում են բաղադրիչներ, որոնք ազդում են որպես հզոր հակաօքսիդանտներ: Ավելին, նրանք նաև կանխում են սրտանոթային հիվանդությունների առաջացումն ու նպաստում են սրտի առողջությանը:

Եղեսպակ իսպանականի(Шалфей испанский, чиа)սերմերում ևս բարձր է բջջանյութի պարունակությունը, որը նպաստում է աղեստամոքսային տրակտի առողջությանը: Այս բույսի սերմերը  հանդիսանում են  վիտամինների ու սնուցող նյութերի հարուստ աղբյուր, որոնք օրգանիզմի կողմից յուրացվում են դետոքսիկացիայի ժամանակ:

Այդ սերմերը ևս ապահովում են հագեցվածության զգացողություն, որն էլ և ավելի է թեթևացնում նիհարելու պրոցեսը: Եղեսպակ իսպանականի սերմերը նաև հարուստ են օմեգա 3 ճարպաթթուներով , որոնք ամրացնում են սիրտը:

Բաղադրատոմսի համար հարկավոր է 

·         1 հատ խնձոր

·         1 ճ/գ կտավատի սերմեր

·         1 ճ/գ եղեսպակ իսպանականի սերմեր

·         1 թ/գ մեղր (քաղցրության համար)

·         1 բաժակ ջուր

Պատրաստման եղանակը՝

Հարիչի մեջ խառնեք բոլոր բաղադրիչները, բացի եղեսպակ իսպանականի  սերմերից, որից հետո խառնուրդը լցրեք բաժակի մեջ ու վրան լցրեք եղեսպակ իսպանականի սերմերը: Խառնուրդը խառնեք  5 րոպե,  մինչև որ  փետրախոտի սերմերը սկսեն փքվել:

Անհրաժեշտ է օգտագործել օրը 2 անգամ: Կուրսի տևողությունն է` 15-20 օր: