Ինչու չի անհետանում ցելյուլիտը և ինչպես պայքարել դրա դեմ

Ցեյլուլիտը յուրաքանչյուր կնոջ համար տհաճ խնդիր է, որից հաճախակի հնարավոր չի լինում ազատվել, քանի որ այն նորից ու նորից կրկնվում է: aif.ru-ն ներկայացրել է 5  սխալ, որոնց հետևանքով  ցելյուլիտը հաճախակի է կրկնվում է:

1.  Անկանոն սննդակարգ
 

Գերսնումը նպաստում է  ճարպային բջիջների «տռզելուն», իսկ աղի ավելցուկը՝ շարակցական հյուսվածքներում հեղուկի կուտակմանը:  Այդ պատճառով հետևեք   սննդակարգում ճարպի քանակությանն ու կալորականությանը, որը հանդիսանում է նատրիումի «հակառակորդ» և նպաստում է  օրգանիզմից ավելորդ հեղուկի դուրսբերմանը: Այդ կարևոր հանքանյութն առկա է կանաչ տերևավոր բանջարեղենի, բանանի, հացի, խոշոր աղացած ալյուրի , լոբու  ու կաթի մեջ:

2.  Հակացեյլուլիտային միջոցների սխալ օգտագործումը

Մասնագետները խորհուրդ են տալիս  մարմնի ցանկացած մասի համար նախատեսված ցանկացած տեսակի նրբաքսուքներ օգտագործել միայն ըստ օգտագործման հրահանգների համաձայն: Կան միջոցներ, որոնք կարող եք  օգտագործել առավոտյան ու երեկոյան, իսկ կան որոնք կարելի է օգտագործել միայն ֆիզիկական վարժություններ կատարելիս և այլն:Բացի այդ, հարկավոր է  հետևել օգտագործման կուրսի ժամանակահատվածին ու կրկնման հաճախականությանը:

3.  Նստակյած կենսակերպը

Ցեյլուլիտը պատահական չէ, որ առաջանում է այն հատվածներում, որոնք պարբերաբար սեղմվում են  աթոռի նստատեղին։ Հյուսվածքների երկարատև  սեղմումը  խախտում է  արյան ու ավշային շրջանառությունը:  Այդ պատճառով, աշխատեք հաճախակի պարել, վազել, լողալ, քանի որ ազդրերի ու նստատեղի մկաններն առավել լավ ակտիվանում են այդ դեպքերում:

4.  Անկանոն միջոցառումներ

Չափավոր քանակությամբ ցեյլուլիտը կնոջ համար պաթոլոգիա չէ, այլ ճարպային բջիջների բնական կառուցվածք: Իսկ ահա բարձիթողի վիճակում գտնվող ցեյլուլիտն  այդքան էլ անվտանգ չէ: Այդ ամենի արդյունքում տեղի է ունենում միացնող մարնաթելերի պնդացում ու կարծրացում, որոնք նորմալ վիճակում ունեն բավականին փխրուն կառուցվածք ու ձևավորում են ցավային հանգույցները:

Ցավոք սրտի, այդ խնդիրը հանարավոր չէ մեկնդմիշտ լուծել, այն հնարավոր է դարձնել աննկատ: Այսինքն, եթե մեկ անգամ ձեզ հաջողվել է հասնել դրական արդյունքի, ապա պետք է աշխատեք այդ արդյունքը պահպանել:

Հակացեյլուլիտային պրոցեդուրաները խորհուրդ է տրվում անցկացնել կուրսով ու կանոնավոր կերպով 1,  3 կամ 6 ամիսը մեկ անգամ: Դա հիմնականում կախված է վերջինիս դեմ պայքարելու մեթոդից ու մաշկի առանձնահատկություններից:

5.  Ձեռքի տակ եղած միջոցների ատեսումը

Շատ կանայք վստահ են, որ ցեյլուլիտի դեմ պայքարելու համար անհրաժեշտ  են թանկարժեք  պրոցեդուրաներ ու թանկարժեք կոսմետիկ միջոցներ: Իրականում, որքան  շուտ սկսեք պայքարել ցեյլուլիտի դեմ, այնքան ավելի մատչելի այն կլինի: Գոյություն ունեն միջոցներ, որոնք կարող են այդ հարցում շատ օգտակար լինել,  օրինակ փայտե մերսող միջոցը, կոնտրաստային ցնցուղը, մերսող ձեռնոցը, ժողովրդական միջոցները:

Ուշադրություն դարձրեք  ավշային շրջանառությունը ուժեղացնող պրոցեդուրաների վրա, օրինակ՝ ծովի աղով կամ ջրիմուռներով վաննա, սաունա կամ շոգեբաղնիք:

Ցանկացած տեսակի ջերմային պրոցեդուրայից առաջ շատ կարևոր է շատ ջուր  խմելը, քանի որ այն բարելավում է  նրանց ազդեցությունը: Ցանկալի է պրոցեդուրայից  առաջ խմել 1 լիտր ջուր(սովորական կամ հանքային)՝ 0.5 լիտր պրոցեդուրայից 15 րոպե առաջ, 0.5 լիտր՝ հետո: Սակայ աշխատեք ուշադիր լինել, քանի որ ջրի ավելցուկը կարող է վնասակար լինել երիկամային խնդիրներով  տառապող ու այտուցվածության հակում ունեցող  մարդկանց համար:

Ցեյլուլիտի դեմ պայքարող տնային միջոց
 

Շատ պարզ պատրաստվող սկրաբ.  Վերցրեք 3-ական ճ/գ սուրճի մրուր ու մանրացված ծովի աղ, խառնեք 2 ճ/գ ձիթայուղի հետ և օգտագործեք ցնցուղ ընդունելիս:

Ամենաարդյունավետ միջոցը դա մեղրով մերսումն է: Խնդրահարույց հատվածների վրա քսեք մեղր ու զգուշորեն սեղմեք մաշկի վրա՝ առանց կտրուկ շարժումների: Երբ մեղրը կսկսի գույնը փոխել՝ մաքրեք։