Եղունգերի սնկային հիվանդություն (միկոզ). ախտանշաններ, բուժում ու պրոֆիլակտիկա

Ինչ է եղունգների միկոզը:Եղունգների  միկոզ կամ օնիխոմիկոզ, դա վարակիչ հիվանդություն է, որը առաջանում է միկրոսկոպիկ սնկի հետևանքով, որը տեղավորվում է եղունգի տակ ու աստիճանաբար սկսում է այն քայքայել: 80 % դեպքերում այդ հիվանդությունը ախտահարում է ոտքի եղունգները, առավել հաճախ՝ բութ մատը:

Եղունգների միկոզը առաջանում է մի քանի տեսակի  մակաբույծ սնկերի հետևանքով, դրանք են.

• Dermatophytes սնկի այն տեսակն է, որը մարդը ձեռք է բերում հասարակական վայրերում ոտաբոբիկ քայլելու արդյունքում(լողավազան, մարզասրահ և այլն):

• Candida albicans, Candida tropicalis) սնկերեր, որոնք զարգանում են խոնավության հետ շփվելու արդյունքում: Դրանք հիմնականում հայտնվում են սպորտային կոշիկներում և  երկարաճիտ կոշիկներում:

• Բորբոս, որոնցով հնարավոր է վարակվել հողի վրա ոտաբոբիկ քայլելու արդյունքում:
Ինչպես բացահայտել միկոզը.

Եղունգների միկոզը հանարավոր է անմիջապես ճանաչել: Դրանց առկայության դեպքում եղունգները՝

• Փոխում են իրենց գույնն ու դառնում են սպիտակ, դեղին կամ շագանակագույն,

• Եղունգները սկսում են բարակել,

• Գունաթափվում են,

• Դառնում են փխրուն,

• Քայլելու ընթացքում ցավում են

Նշենք նաև, որ այդ ախտանշանները բավարար չեն, որպեսզի ախտորոշվի օնիխոմիկոզ: Այդ պատճառով հարկավոր է անցնել նաև լաբորատոր հետազոտություն, որի ժամանակ հնարավոր կլինի հայտնաբերել հիվանդության ծագումը: Որպեսզի հանարովոր լինի բուժել այդ հիվանդությունը, հարկավոր է մաշկի նմուշ վերցնել: Այն թույլ է տալիս բացահայտել սունկը և համապատասխանաբար սկսել բուժում, որը նախատեսված է այդ սնկի դեմ: Եթե միկոզը  նոր է հայտնվել և ոտքի եղունգները լիովին չի ախտահարել, այդ դեպքում հարակավոր է ամեն օր կամ շաբաթական մեկ անգամ՝ ցուցումների համապատասխան,   նշված հատվածը քսուքով մշակել:

Բուժումը բավականին հեշտ է անցնում, սակայն այն բավականին երկար ժամանակ է պահանջում՝6-ից 12 ամիս: Եվ շատ կարևոր է, որ բուժումը իրականացվի մինչև վերջ, առանց ընդատումների: Անպայման հարկավոր է սպասել, որ եղունգները լիովին աճեն, որպեսզի վստահ լինել որ հիվանդությունը նահանջել է: Տեղային թերապիայի հետ զուգահեռ ընդունում են նաև ներքին ընդունման միջոցներ:

Եղունգների միկոզի պրոֆիլակտիկա

Եղունգների միկոզը վարակիչ հիվանդություն է: Ձեզ ենք ներկայացնում վերջինիս պրոֆիլակտիկ բուժման մի քանի խորհուրդներ, որոնք թույլ կտան խուսափել այդ հիվանդության կրկնվելուց:

• Խուսափեք հասարակական վայրերում ոտաբոբիկ քայլելուց,

• Միշտ մի կրեք սպորտային կոշիկներ,

• Մի կրեք շատ նեղ կոշիկ,

• Կրեք բամբակյա և ոչ թե սինթեթիկ  գուլպաներ,

• Ամեն անգամ ոտքերը լվանալուց հետո այն լավ չորացրեք, հատկապես ոտքի մատների արանքները:

Աղբյուրը՝   fithacker.ru