Վերքերի բուժման և հակասնկային քսուքի բաղադրատոմս

Դժվար է հավատալ, սակայն իրականում գոյություն ունի բուժիչ հատկություններով օժտված բալզամ, որի օգտագործումից հետո   մաշկի բոլոր վնասվածքները շատ արագ լավանում են:

Տնային պայմաններում պատրաստվող այս  հակասեպտիկ քսուքն ունի ցավազրկող, հակաբակտերիալ, հակասնկային ու վերականգնող հատկություններ:

Այն օգնում է բուժել էկզեման, փսորիազը, կտրվածքները, վերքերը,  մաշկի տարբեր տեսակի բորբոքումները, ցրտահարությունը, մակերեսային այրվածքները, հերպեսային ցանը, կրունկների չսպիացած ճաքերն ու այլն:

Վերքերի համար նախատեսված քսուք

Բաղադրիչները՝

• ¼ բաժակ ձիթայուղ (առաջին մզվածքի ձիթայուղ),
• 2/3 բաժակ չոր խոտերի խառնուրդ( վաղենակի ծաղիկներ(цветы календулы), եզան լեզու (подорожник), սրոհունդ(зверобой), քարախոտ (окопник), դեղնարմատ (гидрастис канадский, կամ желтый корень)),
• 2-ից 4  ճաշի գդալ մեղրամոմ,
• 1 ճաշի գդալ հեղուկ  մեղր,
• ½ թեյի գդալ հեղուկ վիտամին Е,
• 5-ից 6 կաթիլ եթերայուղ (ըստ ցանկության)

Պատրաստման եղանակը՝

1. Նախ հարկավոր է խոտաբույսերից քաղել   իրենց մաքսիմալ օգտակար նյութերը, որի համար հարկավոր է կատարել տաք լուծահանման պրոցեդուրա:

Տաքացնել յուղը 40-ից 50 աստիճան ու այն դանդաղ լցնել մանրացված խոտերի վրա, մանրակրկիտ խառնել: Ամանը հերմետիկ փակել ու դնել ջրային բաղնիքի վրա տաքանա: Տաքացման ժամանակահատվածը 3 ժամ է, որի ընթացքում, ամեն 20 րոպեն մեկ խառնուրդը հարկավոր է թափահարել: Որպեսզի հնարավոր լինի խոտաբույսերից ստանալ իրենց արժեքավոր բոլոր հատկությունները, պրոցեդուրան հարկավոր է կրկնել 3 օր: Որից հետո յուղը հարկավոր է քամել, իսկ խոտերը մրզել:

2. Մարմանդ կրակի վրա հալեցնել մեղրամոմը, որի մեջ հարկավոր է ավելացնել յուղային էքստրակտ: Խառնել, որից հետո ավելացնել մեղրը, վիտամին Е-ն ու եթերայուղը: Հարել բալզամն այնքան, մինչև որ  այն ձեռք բերի միատարր կոցենտրացիա:

3. Զանգվածը դնել այնպիսի տարայի մեջ, որը հնարավոր լինի հերմետիկ փակել: Քսուքը կարելի է պահել սառնարանում 2 տարի:

Ուշադրություն.չնայած որ այդ բալզամը լիովին բնական է, այն խորհուրդ չի տրվում օգտագործել այն մարդկանց, ովքեր զգայուն են այդ քսուքի բաղադրիչներից որևէ մեկի նկատմաբ:

Տնային բուժիչ քսուքները կարող են դառնալ դեղատնային քիմիայի հիանալի այլընտրանք, քանի որ նրանք լիովին պատրաստված են բնական բաղադրիչներից:

Աղբյուրը՝  takprosto.cc