Բաղադրատոմսեր ու ցուցումներ, որոնք կօգնեն տան պայմաններում իրականացնել հակացելյուլիտային փաթաթման պրոցեդուրաներ

Մասնագետները նշում են, որ հակացելյուլիտային փաթաթումը մարմինը կարգավորելու, մասնավորապես նիհարելու  համար ամենարդյունավետ պրոցեդուրաներից մեկն է: Սակայն սրահներում դրանց արժեքը բավականին բարձր է, իսկ տանը դրանք հնարավոր է  կատարել նույն արդյունավետությամբ և այն էլ բավականին մատչելի տարբերակով: Ըստ մասնագետների ճիշտ մոտեցման դեպքում  հնարավոր է  անգամ ազատվել 2-3 կիլոգրամից: Բացի այդ հակացելյուլիտային փաթաթումը բարելավում է մաշկի արտաքին վիճակը, շնորհիվ օգտակար նյութերի ներծծման՝ բարձրացնում է մաշկի առաձգականությունը, օրգանիզմից դուրս է բերում ավելորդ հեղուկն ու տոքսինները:

Ինչպես նշում է aif.ru-ն, տնային միջոցները իրենց արդյունավետությամբ չեն զիջում սրահներում մատուցվող պրոցեդուրաներին: Հարկավոր է  ընդամնը ճիշտ ընտրել  բաղադրությունն ու ճիշտ իրականացնել պրոցեդուրան:

Օպտիմալ կուրսը  կազմում է 10-14 պրոցեդուրա, որը հարկավոր է  կատարել  յուրաքանչյուր 2-3 օրը մեկ անգամ: Առաջին արդյունքները տեսանելի կլինեն 2-3 փաթաթումից հետո, սակայն  կամրապնդվի արդյունավետությունը միայն 6-7 պրոցեդուրայից: Բացի այդ, չարժե նաև շատ երկար ընդմիջում կատարել պրոցեդուրաների միջև, այսինքն, եթե  նախորդ փաթաթումից անցել է արդեն մեկ շաբաթ, ապա պետք է կուրսը նորից սկսեք:

Որտեղից է դա առաջացել

Ինչպես կոսմետիկ պրոցեդուրաների մեծ մասը, հակացելյուլիտային փաթաթումը առաջին անգամ հայտնաբերվել  է  Հին Եգիպտոսում:  Այդ ժամանակ եգիպտուհիները օգտգործել են Նեղոսի հատակի տիղմը, որը քսել են մաշկի վրա, վրայից  փաթաթել են կտոր ու պառկել են արևի տակ:

Պրոցեդուրան 1-ին անգամ  «վերականգնվել» է 1961 թվականին՝ ԱՄՆ-ում գործող գեղեցկության սրահներից մեկում: Իսկ լայն տարածում է ստացել այն բանից հետո,  երբ հաղորդավարուհիներից մեկը իր հեռուստատեսային շոուի ժամանակ  ցուցադրել է պրոցեդուրան ու նրա արդյունքները, այսինքն հեռուստադիտողների աչքերի առջև   պրոցեդուրայի մասնակիցը կորղցրել է 2.5  սմ: Այդ պահից սկսած, հակացելյուլիտային փաթաթումը հայտնվել է  յուրաքանչյուր  սրահի ծառայությունների ցուցակում:

1.    Տաք  հակացելյուլիտային փաթաթում

Ամենագործուն տարբերակն է, քանի որ այրում է ավելորդ կիլոգրամները:

Խորհուրդ է տրվում կիրառել ճարպերի մաքսիմալ կուտակման հատվածներում, մասնավորապես՝ որովայնի, ազդրերի ու հետույքի շրջանում:

Ունի  մի շարք հակացուցումներ, հիմնականում՝ վարիկոզ լայնացում , մաշկային ու սրտանոթային հիվանդություններ, գինեկոլոգիական խնդիրներ:

2.    Սառը հակացելյուլիտային փաթաթում

Օժտված է հզոր ավշային ջրահեռացման  ազդեցությամբ:

 Իդեալական տարբերակ է թոշնած մաշկի  համար և խորհուրդ է  տրվում կիրառել խիստ դիետայից հետո:

Տնային պրոցեդուրաների համար լավագույն  տաբերակները

Կավ

Մաքրում է մաշկը, ակտիվացնում է արյան շրջանառությունն ու օրգանիզմից դուրս է  բերում ավելորդ հեղուկը: Կարող եք գնել ցանկացած տեսակի փաթեթավորված  կավ: Չոր կավը հարկավոր է բացել տաք ջրով այնպես, որ դառնա  խյուսանման զանգված, որից հետո այն քսել մաշկին:

Ջրիմուռներ

Նրանք պարունակում են մեծ քանակությամբ օգտակար նյութեր, որոնք ակտիվացնում են նյութափոխանակության պրոցեսները, օրգանիզմից դուրս են բերում ավելորդ հեղուկը, հարթեցնում , երիտասարդացնում  են մաշկն ու նվազեցնում են ծավալը:

Չի կարելի դրանք ինքնուրույն աճեցնել,  հարկավոր է գնել փաթեթավորված տուփերով:

Սուրճ

Սուրճը մաքրում ու տոնուսավորում է մաշկը, հագեցնում է այն հանքանյութերով ու վիտամիններով: Վերցրեք 3 ճ/գ աղացած սուրճ, լուծեք այն տաք  կաթի մեջ, մինչև որ այն դառնա խյուսանման զանգված, թողեք այն 10-15 րոպե  ու քսեք մարմնի վրա:

Շոկոլադե խառնուրդ

Այն անփոխարինելի է նրանց համար, ովքեր ցանկանում են ունենալ հարթ ու փափուկ մաշկ: Վերցրեք 200 գրամ կակոյի փոշի, լցրեք այն 0.5 լիտր տաք ջրի մեջ, խառնեք ու զգուշությամբ այն քսեք մաշկին:

Բուսական յուղ

Բուսական յուղը սնուցում ու խոնավեցնում է մաշկը, հարթեցնում է ցեյլուլիտը: Վերցրեք 2-3 ճ/գ ձիթայուղ  կամ նշի յուղ, ավելացրեք նրա մեջ 2-3 կաթիլ  կիտրոնի կամ նարնջի յուղ:

Մեղր

Այն սնուցում է մաշկը և օժտված է ավշային ջրահեռացման ազդեցությամբ: Տաք փաթաթման համար նախատեսված խառնուրդը կարող եք պատրաստել հետևյալ կերպ. վերցրեք 2 ճ/գ մեղր ու ավելացրեք  2 կաթիլ կիտրոնի յուղ ու քսելուց առաջ տաքացրեք  ջրային բաղնիքի վրա:

Ինչպես ճիշտ այն պատրաստել

1.            Ընդունեք ցնցուղ, մերսող սպունգով մաշկը  մաքրեք  մարմնի  սկրաբով: Դա կբացի  ծակոտկիներն ու պրոցեդուրան ավելի արդյունավետ կլինի:

Կարևոր է. պրոցեդուրայից 1.5  ժամ առաջ ու հետո չի կարելի ոչինչ ուտել:

2. Չորացրեք մաշկը փափուկ սրբիչով, իհարկե ոչ ամբողջությամբ:

3. Այնուհետև բաղադրությունը շրջանաձև շարժումներով քսեք մաշկին: Հակացելյուլիտային փաթաթումը հնարավոր է իրականացնել ինչպես ամբողջ մարմնի, այնպես էլ խնդրահարույց հատվածների համար՝ պարանոցի, ազդրերի, ուսերև և այլն:

4. Մշակված հատվածն ամուր  զսպանակաձև  փաթաթեք սննդային  թաղանթով, սակայն  մի ձգեք:

Կարևոր է. թաղանթը փաթաթել ներքևից վերև և ոչ թե հակառակ ուղղությամբ:

5.Հագեք  խալաթ ու փաթաթվեք ծածկոցով, դա հավելյալ ջերմություն կապահովի:

6. Պառկեք 40-80 րոպե:  Մի քնեք՝  զբաղվեք որևէ հաճելի պրոցեդուրայով:

7.Հանեք կամ արձակեք թաղանթը, լվացեք այդ ամենը մարմնի վրայից ու մաշկի վրա քսեք խոնավեցնող ու սնուցող նրբաքսուք: