Լյարդի ցիռոզ առաջացնող ամենատարածված գործոնները

20:05 • 17.06.16

Ամենածանր առողջական խնդիրները կարող են լինել լյարդի հիվանդությունները, որոնց մասին հիվանդը երբեմն կարող է իմանալ հիվանդութան «մեկնարկից» մեկ տարի անց: Լյարդն «ամնեահամբերատար ու զուսպ» օրգանն է: Նույնիսկ հիվանդության տերմինալ փուլում( երբ հիվանդին կփրկի միայն տրանսպլանտացիան) հիվանդն իրեն կարող է բավարար զգալ:

Լյարդի հիվանդություններ առաջացնում են մի շարք գործոններ( վիրուսներ, յուղոտ սնունդ, ավել քաշ, նյութափոխանակության խանգարում), սակայն «իշխող» դիրքում է ալկոհոլը: Լյարդի ցիռոզների ճնշող մեծամասնությունն առաջանում է ալկոհոլի պատճառով:

Ընդունված է կարծել, որ քիչ քանակով որակով ալկոհոլը օգտակար է: Սակայն, որոշ բժիշկների կարծիքով, ալկոհոլի անվնաս քանակ գոյություն չունի և նրա օգտագործումը ոչ մի օրգանի, հատկապես լյարդի վրա չի կարող անհետևանք լինել:

Լյարդի համար ոչ պակաս վտանգավոր են դեղամիջոցները: Աշխարհում լյարդի տրանսպլանտացիաների մոտ 10%-ն իրականացվում է դեղերի ընդունումից առաջացած լյարդի սուր անբավարարության առաջացման պատճառով:

Ֆերմենտային համակարգի անբավարար ակտիվության դեպքում, դեղի սովորական
թերապևտիկ չափաբաժինը, կարող է բավարար լինել, որպեսզի առողջ մարդը դեղնի կամ ընկնի կոմայի մեջ(դա տեղի է ունենում լյարդի անբավարարության դեպքում):

Միակ բանը, որ ադ դեպքում կփրկի մարդուն, դա լյարդի փոխպատվաստումն է:

Լյարդի համար ոչ պակաս վտանգավոր են անաբոլիկներով ու պրոտեիններով կոկտելները: Դրանք հիմնականում օգտագործում են մկանային մասսան մեծացնել ցանկացող երիտասարդները:

Բայց կա նաև լավ նորություն: Այսօր լարդի ցիռոզը չի համարվում մահացու հիվանդություն: Ճիշտ է, այն դեռևս համարվում է բուժելի՝ միայն վաղ շրջանում: Այդ պատճառով կարևոր է ժամանակին ախտորոշել:

Աղբյուր՝ aif.ru