3 արդյունավետ բաղադրատոմս հոդերը մաքրելու համար

22:33 • 23.06.16

Բազմաթիվ բժիշկների պնդմամբ՝ հոդերի հիվանդությունների մեծ մասից կարելի է խուսափել՝ կանխարգելիչ նպատակներով պարբերաբար դրանք մաքրելով: Գոյություն ունեն հոդերի մաքրման բազում միջոցներ (հիմնականում դիետաներ ու մարզանքներ), այդ թվում նաև ժողովրդական բժշկության խորհուրդներ:

1. Կարտոֆիլի եփուկ

Վերցնել 1կգ թարմ կարտոֆիլ, լվանալ տաք ջրով, առանց կեղևազրկելու մանր կտրատել, վրան լցնել ֆիլտրած ջուր (այնքան, որ կարտոֆիլը մի փոքր ծածկվի ջրով) և եփել այն թույլ կրակի վրա մոտ 2 ժամ: Ստացված եփուկն անհրաժեշտ է լավ քամել (մանր անցքերով ցանցի կամ մի քանի շերտ մառլյայի միջոցով) և օգտագործել օրական 3 անգամ մեկ բաժակ: Բուժման կուրսը տևում է երեք շաբաթ, սակայն անհրաժեշտության դեպքում կարելի է այն երկարացնել ևս մեկ ամսով:

2. Սև բողկ

Ընդունել այս արմատապտուղի հյութն օրական 3 անգամ 2 թեյի գդալ: Հյութը ստանալու համար անհրաժեշտ է բողկն անցկացնել մսաղացով, այնուհետև մառլյայի օգնությամբ քամել և առանձնացնել հյութը: Բուժման մեկ կուրսի համար անհրաժեշտ է 10կգ բողկ: Հարկ է հիշել, որ արմատապտուղները կեղևազրկելու կարիք չկա, կարելի է միայն լավ լվանալ:

3. Բրինձ

Հոդերի մաքրման համար մեզ անհրաժեշտ է մոտ 2 կգ բրինձ: Խորհուրդ է տրվում ձեռք բերել երկարավուն, չսպիտակեցված դեղնավուն երանգով բրինձ: Երեկոյան վերցնել մեկ բաժակ բրինձ, մաքրել, լվանալ և թողնել ամբողջ գիշեր ֆիլտրած ջրի մեջ: Առավոտյան բրինձը լվանալ և եփել միջին կրակի վրա 2 բաժակ ֆիլտրած ջրով մինչև ամբողջությամբ եփվելը: Լվանալ բրինձը և բաժանել 4 հավասար մասի: Շիլայի բոլոր մասնաբաժիններն անհրաժեշտ է ուտել մեկ օրվա ընթացքում՝ դանդաղ և երկար ծամելով: Հոդերի մաքրման այս եղանակը սկսելուց առաջ խորհուրդ է տրվում առաջին օրն առավոտյան մեկ բաժակ մասուրի պտուղների եփուկ խմել: Մաքրման առաջին օրը, բացի մեկ բաժակ մասուրի պտուղների եփուկից, ոչ մի դեպքում չի թույլատրվում խմել որևէ այլ հեղուկ: Հաջորդ օրերին բրնձի յուրաքանչյուր ուտելուց կես ժամ առաջ անհրաժեշտ է խմել մեկ բաժակ ֆիլտրած կամ եռացրած ջուր: Բուժման կուրսի տևողությունն է մեկ ամիս (2 օր մաքրում, որից հետո 3 օր դադար): Բուժման կուրսի ավարտին խորհուրդ է տրվում անել մեկ ամիս տևողությամբ դադար, այնուհետև անցկացնել մաքրման ևս մի կուրս:

4. Պարբերաբար կանխարգելիչ միջոցներ

Հոդերի հիվանդությունների կանխարգելման նպատակով հարկավոր է սննդի մեջ օգտագործել միայն թարմ մրգեր և բանջարեղեն: Բացի այդ, շաբաթական գոնե մեկ անգամ անհրաժեշտ է ուտել տնական կաթնաշոռ և ծովի ձուկ:

Աղբյուր` med2.ru