Բրազիլական դիետա. ավելորդ կիլոգրամներից ազատվելու պարզ և արագ տարբերակ

13:17 • 25.06.16

Եթե դուք չգիտեք՝ ինչպես ազատվել ձմռան ընթացքում հավաքված ավելորդ կիլոգրամներից, ապա այս հիանալի բրազիլական դիետան ընդամենը 2 շաբաթվա ընթացքում ձեզ կդարձնի պարզապես անթերի՝ վերադարձնելով հին կազմվածքը։ Ինչպես նշում է fithacker.ru կայքը, դրա առանձնահատկությունը կայանում է նրանում, որ անհրաժեշտ մթերքը կարելի է գնել մոտակա սուպերմարկետից, իսկ ուտել կարելի է օրվա ընթացքում 5 անգամ։ Դիետայի տևողությունն է 4 շաբաթ, սակայն կարելի է նաև հետևել 2 շաբաթյա կարճ տարբերակին։

Հիմնական պահանջները

Այս դիետայի ճաշացանկը բավական միանման է և անհետաքրքիր, սակայն պետք է հաշտվել այս մտքի հետ։ Այս 2 շաբաթվա ընթացքում անհրաժեշտ է հրաժարվել ալկոհոլից, քաղցրավենիքից և հացաբուլկեղենից, խմել շատ ջուր և հնարավորության դեպքում օրգանիզմը սնուցել վիտամին С-ով կամ որևէ այլ վիտամինային կոմպլեքսով։

Դիետայի ընթացքում չի կարելի փոխել սննդի ընդուման հերթականությունը կամ փոխարինել սննդակարգում նշված մթերքներից որևէ մեկը մեկ ուրիշով։ Պետք է բացառել բոլոր այն համեմունքները, որոնք կարող են ախորժակ գրգռել, ծխեցված, աղի կամ քաղցր ուտելիքները, հացաբուլկեղենը։ Ուժգին քաղցի զգացողության դեպքում կարելի է խմել մեկ բաժակ բնական հյութ կամ ջուր։

Բրազիլական դիետայի ճաշացանկը

Ձեզ ենք ներկայացնում բրազիլական դիետայի տարբերակներից մեկը՝ նախատեսված մեկ շաբաթվա համար, որը թույլ կտա ձեզ 2-3 կգ քաշ կորցնել.

Նախաճաշին՝ ուտել կաթնամթերք և որևէ միրգ.

Լանչին՝ մեկ բաժակ հյութ կամ միրգ.

Ճաշին՝ հավի միս կամ ձուկ (խաշած) և բանջարեղեն.

Կեսօրից հետո՝ բանջարեղենային աղցան և պանիր.

Ընթրիքին՝ կեֆիր և մրգեր։

Այս դիետայի ընթացքում անհրաժեշտ է հրաժարվել բանանից և խաղողից, գազարից, ճակնդեղից և կարտոֆիլից, ինչպես նաև ամբողջովին բացառել աղը, սակայն կարելի է խմել կանաչ թեյ և ջուր որքան ցանկանաք։