Աղի գործածությունը առողջական և կոսմետոլոգիական նպատակներով. արդյունավետ բաղադրատոմսեր

Դժվար է պատկերացնել մի տուն, որտեղ աղ չլինի, սակայն քչերը գիտեն, որ այն կարելի է օգտագործել ոչ միայն խոհանոցում, այլև բժշկության մեջ:

Լնդերի բուժում աղի միջոցով

Պերիօդոնտիտի ժամանակ շատ օգտակար է մեղրի մեջ լուծված աղով լնդերի մերսումը (5-10 գրամ կերակրի աղն անհրաժեշտ է լուծել 20 գրամ մեղրի մեջ):

Անսպասելի ատամնացավի դեպքում կարելի է օգտագործել հետևյալ լուծույթը. կես բաժակ ջրին ավելացնել մի պտղունց աղ և 2-3 կաթիլ քափուրի(կամֆորա) յուղ: Այս լուծույթով ողողումների դեպքում ցավը կմեղմանա 10-15 րոպեում:

Մրսածության բուժում աղի միջոցով

Մեկ բաժակ ջրին ավելացնել մեկ թեյի գդալ աղ, 2-3 կաթիլ յոդ և ստացված լուծույթը կաթեցնել 2-3 կաթիլ յուրաքանչյուր քթանցքին օրը 3-4 անգամ: Այս լուծույթը հնարավոր է օգտագործել նաև առանց յոդի, իսկ ցանկության դեպքում կարելի է օգտվել նաև քթի խոռոչի լվացումների համար նախատեսված հատուկ սարքից, որը վաճառվում է դեղատներում:

Եթե զգում եք քթի փակվածություն, փորձեք դնել տաքացնող կոմպրես: Դրա համար կարելի է թավայի մեջ տաքացնել աղը, լցնել այն կտավե փոքրիկ պարկի մեջ և երկու կողմից դնել քթին: Կոմպրեսը կարելի է պահել մինչև աղի սառելը: Այս միջոցը, սակայն, պետք է օգտագործել կամ հիվանդության սկզբում, կամ՝ վերջում, քանի որ հիվանդության սուր շրջանում վարակը կարող է տարածվել և ախտահարել ուրիշ օրգաններ:

Քթի արյունահոսության դեպքում կարելի է պատրաստել հետևյալ լուծույթը. 1 ոչ լիքը թեյի գդալ աղը լուծեք մեկ բաժակ սառը ջրում, այնուհետև այդ լուծույթով կատարեք քթի խոռոչի լվացում: Կարելի է այս գօրծընթացը կրկնել մի քանի անգամ՝ հեղուկը քթի խողոչում պահելով 5 վայրկյան:

Թունավորումների բուժում աղի միջոցով

Թունավորումների ժամանակ, այդ թվում նաև ալկոհոլային թունավուրումների ժամանակ, անհրաժեշտ է խմել մինչև 3 լիտր աղաջուր: Այս լուծույթը կօգնի օրգանիզմից հեռացնել տոքսինները: Այն կարելի է խմել նաև օրգանիզմի ջրազրկման դեպքում: Երեխաներին այս լուծույթը կարելի է տալ օրական 0.7 լիտր:

Նշիկաբորբի (անգինա) բուժում աղով

Նշիկաբորբի ժամանակ անհրաժեշտ է կատարել կոկորդի ողողումներ աղաջրով. 1 թեյի գդալ աղը լուծել մեկ բաժակ տաք ջրում:

Նստանյարդաբորբի (остеохондроз) բուժում աղի միջոցով

1 կգ աղը տաքացնել թավայ մեջ, ավելացնել 2 ճաշի գդալ մանանեխի փոշի և ¼ բաժակ ջուր: Անհրաժեշտ խտություն ստանալու համար ավելացնել թեփ: Պառկել, ստացված տաք զանգվածը քսել հիվանդ հատվածներին, ծածկել թաղանթով և տաք ծածկոցով: Անհրաժեշտ է պառկել մինչև խառնուրդի սառել:

Գլխացավերի բուժում աղի միջոցով

Գլխացավերի դեպքում բրդյա կտորի շերտը թրջել աղաջրում, քամել, իսկ մակերեսին լցնել մի փոքր կարտոֆիլի օսլա (օսլան անհրաժեշտ է տրորել կտորի մակերեսին, իսկ մնացորդները հեռացնել): Կտորը կապել գլխին այնպես, որ օսլայով կողմը հպվի մաշկին: Այն պետք է ծածկի ճակատը, քունքերն ու ականջները: Կոմպրեսի վրայից կապել տաք գլխաշոր և պահել մինչև գլխացավի անցնելը: Բացի այդ, կարելի նաև աղաջրի մեջ թրջած, իսկ այնուհետև չորացրած բրդյա կտոր կապել:

Մրսածության առաջին ախտանշաների բուժում աղի միջոցով

Մրսածության դեպքում անհրաժեշտ է ամեն գիշեր ոտքերը դնել 3 լիտր տաք ջրի, 3 ճաշի գդալ աղի և նույն քանակությամբ կերակրի սոդայի լուծույթի մեջ և պահել մինչև վերջինիս սառելը: Այնուհետև պետք է չորացնել ոտքերը, հագնել գուլպաներ և ծածկվել տաք ծածկոցով: Բուժման այս տարբերակը, սակայն, հակացուցված է ջերմության առկայության դեպքում:

Ցավի մեղմացում աղի կոմպրեսների օգնությամբ

Ցավը մեղմացնելու համար կարելի է օգտագործել աղաջրով կոմպրեսներ: Անհրաժեշտ է 100 գրամ քարաղը լուծել 1 լիտր սենյակային ջերմաստիճանի ջրում, բամբակյա կտորը թրջել ստացված լուծույթում և դնել հիվանդ հատվածներին:

Կա նաև մի շատ յուրահատուկ բաղադրատոմս. շարֆը, գուլպաներն ու ձեռնոցները թրջել տաք աղաջրում (մեկ բաժակ ջրում լուծել մեկ ճաշի գդալ աղ) և օգտագործել թաց կամ չոր վիճակում: Ձեռնոցները կօգնեն մեղմացնել ձեռքերի ցավը արթրիտի ժամանակ, շարֆը կարելի է օգտագործել ռադիկուլիտի դեպքում, իսկ գուլպաները՝ մրսածության:

Յոգերի մոտ կա մարմնի «փայլեցում» հասկացությունը, որն անցկացվում է ծովի տաք ջրով: Կարելի է պարզապես թրջել ձեռքերը այդ ջրում և շփել մարմինը. այս միջոցը կօգնի հարթեցնել մաշկը և կանցկացնի հոգնածությունը:

«Աղով պիլինգ» մազերի համար. գլխամաշկը մաքրելու պարզ միջոց

«Աղով պիլինգի» համար անհրաժեշտ է խոնավ բամակյա տամպոնը թաթախել ծովի աղի մեջ, այնուհետև 10 րոպեի ընթացքում զգուշորեն մերսել գլխամաշկը և դնել եթերայուղերից պատրաստված դիմակ (1 ճաշի գդալ ցանկացած բուսական յուղին ավելացնել 2 կաթիլ հազրեվարդի(розмарин) յուղ, 2 կաթիլ թուրինջի յուղ և 2 կաթիլ մշկընկույզի յուղ): Նման մերսումներ անհրաժեշտ է անել 3-4 շաբաթվա ընթացքում 2-3 օրը մեկ: Այս բաղադրատոմսի հիմնական բաղադրիչը հազրեվարդի յուղն է, որին ցանկության դեպքում կարելի է ավելացնել մազերի աճը խթանող ցանկացած այլ բուսայուղ:

Նման աղային պիլինգը մաքրում է գլխամաշկը թեփից, կարգավորում է ճարպագեղձերի աշխատանքը, բարելավում արյան շրջանառությունը և նպաստում գլխամաշկի և մազերի՝ թթվածնով և օգտակար նյութերով սնուցելուն: Այն շատ օգտակար է անել ցանկացած դիմակից առաջ, քանի որ դա կօգնի նախապատրաստել մաշկը և կուժեղացնի դիմակի ազդեցությունը: Սակայն հարկ է հիշել՝ եթերայուղերի գործածումից առաջ անհրաժեշտ է համոզվել, որ դրանցից ալերգիաներ չեն առաջանում:

Եթերայուղերի բացակայության դեպքում կարելի օգտագործել այս բաղադրատոմսի մի փոքր փոփոխված տարբերակը, որը նույնպես շատ լավ ազդեցություն է ունենում:

Գլուխը լվանալուց հետո խոնավ մազերին զգուշորեն լցնել աղ, մերսել և լվանալ տաք ջրով: Մազաթափության դեպքում կրկնել այս գործընթացը 10 օրվա ընթացքում:

Աղբյուր`gogetnews.info