Ծիրանով պարտաստվող արտասովոր և համեղ ուտեստների 5 բաղադրատոմս

Այս ամառային մրգերն, իհարկե, անչափ համեղ և օգտակար են, սակայն երբեմն կարելի է դրանք օգտագործել նաև տարբեր համադրություններում և ոչ պակաս համեղ ուտեստներում: Podelkidetkam.ru կայքը ներկայացրել է ծիրանով ուտեստների մի քանի բաղադրատոմս:

Կաթնաշոռային տորթ ծիրանով

Բաղադրությունը.

o    500 գ անյուղ կաթնաշոռ

o    3 հատ ձու

o    1 ճաշի գդալ օսլա

o    3 ճաշի գդալ սպիտակաձավար

o    2 ճաշի գդալ շաքարավազ

o    300 գրամ ծիրան

o    5 գրամ դարչին

o    5 գրամ շաքարավազի փոշի

o    Մի պտղունց աղ

o    10 գրամ կարագ

Պատրաստման եղանակը.

Առանձնացնել ձվերի դեղնուցը սպիտակուցից: Դեղնուցները, կաթնաշոռը, սպիտակաձավարը, շաքարավազն ու օսլան խառնել, իսկ սպիտակուցները աղով հարել և ավելացնել ստացված կաթնաշոռային զանգվածին: Ծիրաններից հանել կորիզները և կտրատել երկարավուն կտորներով: Թավան յուղել, լցնել ստացված զանգվածը, իսկ վրան շարել ծիրանի կտորները: Եփել 25-30 րոպե 180 աստիճան տաքությամբ: Մատուցելուց առաջ վրան լցնել շաքարավազի փոշի և դարչին:

Ծիրանով պաննա կոտա

Բաղադրությունը.

o    550 գրամ ծիրան

o    2 բաժակ սերուցք (33% յուղայնությամբ)

o    100 գրամ շաքարավազ

o    1 թեյի գդալ ժելատին

o    վանիլին

Պատրաստման եղանակը.

Լվացած և կորիզազրկված ծիրաննեը շարել թավայի մեջ, վրան գդալով լցնել շաքարավազ և եփել ջեռոցում 7-10 րոպե 200 ատիճան ջերմաստիճանում: Ժելատինի վրա լցնել մի քանի գդալ սառը ջուր և թողնել մինչև ուռչի: Սերուցքը դնել թույլ կրակին, 5-6 րոպե հետո ավելացել շաքարավազն ու վանիլինը, եռացնել և թողնել, որ սառի: Ջեռոցում եփված ծիրանները հարիչով մանրացնել, իսկ դոնդողը հալեցնել թույլ կրակի վրա (այն չպետք է եռա) և ավելացնել սերուցքին: Ավելացնել ծիրանի խյուսը, խառնել, լցնել ափսեների մեջ և դնել սառնարան, որպեսզի սառչի: Մատուցելուց առաջ պաննա կոտան կարելի է զարդարել թարմ ծիրանի  մանր կտորներով:

Ծիրանով աղցան

Բաղադրությունը.

o    5 հատ ծիրան

o    2 հատ վարունգ

o    200 գրամ հավի լյարդ (եփած և սառեցրած)

o    1 հատ բուլղարական պղպեղ

o    2 հատ ձու

o    100 գրամ հազարի թերթիկներ

o    50 գրամ ընկույզ (մաքրած և մանրացրած)

o    2 կապ կանաչ սոխ

o    30 գրամ սամիթ

o    30 գրամ մաղադանոս

o    2 ճաշի գդալ ձիթապտղի յուղ

o    1 թեյի գդալ սոյայի սոուս

o    0,5 թեյի գդալ մանանեխի հատիկներ

o    շաքարավազ՝ ըստ ճաշակի

o    աղ՝ ըստ ճաշակի

Պատրաստման եղանակը.

Լյարդը, վարունգը և ծիրանը բարակ երկար կտորների կտրատել: Հատ-հատ հարել ձվերը և տապակել ձվածեղի նման: Սառեցրած ձվով նրբաբլիթները կտրատել բարակ երկար կտորներով: Կանաչիները լվանալ և մանր կտրատել: Առանձին տարայում խառնել ձիթայուղը, սոյայի սոուսը, մամանեխը, աղը և շաքարավազը: Բոլոր բաղադրիչները խառնել, ափսեի մեջ դնել հազարի տերևներ, լցնել աղցանը, իսկ վրան ավելացնել սոուսը: Մատուցելուց առաջ վրան ավելացնել նաև մանրացված ընկույզը:

Ծիրանով փքաբլիթներ (вареники)

Բաղադրությունը.

o    2 բաժակ այլյուր

o    1 հատ ձու

o    220 մլ ջուր

o    աղ՝ ըստ ճաշակի

Միջուկի համար.

o    700 գրամ ծիրան

o    ¼ տուփ կարագ (փափկացրած)

o    շաքարավազ՝ ըստ ճաշակի

o    5 գրամ դարչին

Սոուսի համար.

o    100 գրամ թթվասեր կամ սերուցք

o    2 ճաշի գդալ շաքարավազ

o    2 ճաշի գդալ սպիտակ գինի

o    50 գրամ կարագ

o    3 գրամ դարչին

o    5 գրամ վանիլին

Պատրաստման եղանակը.

Ալյուրը, ձուն, ջուրն ու աղը խառնել, ստացված խմորը բարկ շերտով փռել և բաժակով բաժանել մանր, կլոր կտորների: Ծիրանը մանր կտրատել և ավելացնել դարչին: Խմորի կտորների վրա լցնել մի փոքր շաքարավազ, ավելացնել մանրացրած ծիրանը և մի փոքր կարագ: Փքաբլիթների եզրերը միացնել, թաթախել ալյուրի մեջ, եռացող ջրի մեջ լցնել մի փոքր աղ և եփել փքաբլիթները 3-5 րոպե: Սոուսը պատրաստելու համար թթվասերը (կամ սերուցքը) հարել, ավելացնել շաքարավազը և գինին (եթե փքաբլիթները երեխաների համար են, ապա ալկոհոլը կարելի է չավելացնել): Այնուհետև ավելացնել դարչինն ու վանիլինը, լավ խառնել և մատուցելուց առաջ լցնել փքաբլիթների վրա:

Ծիրանով մաֆֆիններ

Բաղադրությունը.

o    500 գրամ ծիրան

o    2 հատ ձու

o    250 գրամ ալյուր

o    1 բաժակ շաքարավազ

o    150 մլ արևածաղկի յուղ

o    2,5 թեյի գդալ փխրեցուցիչ

o    30 գրամ դառը շոկոլադ

o    3 գրամ դարչին

Պատրաստման եղանակը.

Ծիրանը լվանալ, կորիզները հեռացնել, ավելացնել ջուր: Այնուհետև եփել միջին կրակի վրա 5 րոպե և մի փոքր սառելուց հետո հարել հարիչով: Առանձին հարել ձուն և շաքարավազը, խառնել ծիրանի խյուսին և ավելացնել բուսական յուղ: Ալյուրը, փխրեցուցիչն ու դարչինը խառնել և ավելացնել ստացված զանգվածին: Այնուհետև մանրացնել շոկոլադը և խառնել խմորին: Կեքսերի համար նախատեսված թավան յուղել, լցնել խմորը և եփել ջեռոցում 180 աստիճան ջերմությամբ մոտ 30 րոպե (պատրաստ լինելը կարելի է ստուգել լուցկու օգնությամբ):