Արևային և ջերմային այրվածքները բուժող 5 ժողովրդական միջոց

21:01 • 29.06.16

Արևի տակ անցկացրած ընդամենը մի քանի ժամը կարող է լուրջ այրվածքների պատճառ դառնալ՝ հատկապես ժամը 11.00-16.00 ընկած ժամանակահատվածում: Տնային պայմաններում արևայրուքի բուժման լավագույն միջոցը համարվում են թթվասերն ու մածունը, սակայն կաթնամթերքը միակ տարբերակը չի: Ձեզ ենք ներկայացնում արևայրուքների բուժման և առաջին օգնության մի քանի ավանդական եղանակ:

Շատ կարևոր է հիշել, որ ժողովրդական միջոցներով բուժում կարելի է իրականացնել միայն 1-ին կարգի այրվածքների դեպքում: Այդ ժամանակ ժողովրդական մեթոդները կօգնեն մեղմացնել ցավը և վերականգնել վնասված մաշկը: Սակայն ավելի լուրջ այրվածքների դեպքում անհրաժեշտ է անհապաղ դիմել բժշկի:

Հալվե(ալոե) հյութ

Հալվեր հյութն ունի բուժիչ և հանգստացնող հատկություններ: Այն նվազեցնում է մաշկի չորությունն ու գրգռվածությունը և շատ օգտակար է բազմաթիվ մաշկային հիվանդությունների բուժման ժամանակ: Այն նաև հայտնի է իր բակտերիասպան հատկությամբ և օգնում է վերականգնել մաշկը այրվածքներից հետո: Կարելի է հալվեի հյութով թրջոցներ դնել՝ փոխելով դրանք յուրաքանչյուր 10 րոպեն մեկ անագմ: Հյութն անհրաժեշտ է խառնել եռացրած ջրին՝ 1:1 հարաբերակցությամբ:

Եփուկներ

Արևայրուքների ախտանշանները կօգնեն թեթևացնել բուժիչ խոտաբույսերի եփուկներից պատրաստված թրջոցները: Այս դեպքում անենաարդյունավետը երիցուկի, վաղենակի, կաղնու կեղևի կամ սրոհունդի (зверобой) թուրմերն են, քանի որ դրանք գրեթե ոչ մի կողմնակի բարդություն չեն առաջացնում:

Սև թեյ

Այրվածքները տնային պայմաններում բուժելու ամենապարզ և հասանելի տարբերակներից մեկը սև թեյով կոմպրեսներն են: Այս ըմպելիքի բաղադրության մեջ կա տանինաթթու, որն օգնում է մեղմացնել ցավը:

Կաղամբ

Այս բանջարեղենը և՛ թարմ, և՛ թթվեցրած վիճակում շատ լավ միջոց է այրվածքների դեմ պայքարելու համար: Թթու կաղամբն օժտված է հակաբորբոքային և վերականգնողական հատկություններով, ուստի այն խորհուրդ են տալիս սառը վիճակում օրական 3-4 անգամ դնել այրված հատվածներին և թողնել 20 րոպե: Կարելի է նաև օգտագործել թարմ կաղամբ. այն անհրաժեշտ է խյուս դարձնել և դնել վիրավոր հատվածներին: Բուժման այս մեթոդների էությունը կայանում է նրանում, որ անհրաժեշտ է անընդհատ բուժիչ կոմպրես դնել վնասված հատվածներին:

Կարտոֆիլ

Թարմ քերված կարտոֆիլը այրվածքները տան պայմաններում բուժելու ամենապարզ ու արդյունավետ միջոցներից է: Անհրաժեշտ է պարզապես օսլայով հարուստ խյուսը դնել այրված մաշկին:

Առաջին օգնություն արևայրուքների դեպքում`

o Անհրաժեշտ է անմիջապես արևից ծածկել վնասված հատվածները, իսկ տանը սառը թրջոցներ դնել (ցանկալի է ֆուրացիլինով): Թրոցները պետք է փոխել յուրաքանչյուր 15 րոպեն մեկ անգամ:

o Անհրաժեշտ է վնասված հատվածների քսել այրվածքների համար նախատեսված հատուկ քսուք:

o Այրվածքային բշտիկների առկայության դեպքում, ոչ մի դեպքում չի կարելի վնասել դրանք, այլ անհրաժեշտ է անմիջապես դիմել բժշկի:

o Բացի այդ, պետք է չմոռանալ շատ հեղուկ օգտագործել:

Ի դեպ՝ ծովափին հանգստանալիս պետք է հիշել, որ աղի ջուրը նպաստում է այրվածքների առաջացմանը, ուստի հարկավոր է չզլանալ և ջրից դուրս գալիս մաքրել աղը մաշկի վրայից: