5 միրգ, որոնք օգնում են առողջ պահել լյարդն ու երիկամները

15:43 • 30.06.16

Համակարգված դիետան, որը գրեթե լիովին բացառում է աղն ու ճարպերի օգտագործումը, միանշանակ շատ կարևոր նշանակություն ունի առողջության համար:

Այն որ մարդիկ կանոնավոր կերպով մարզվում են, չեն ծխում ու կարողանում են կառավարել իրենց էմոցիաները՝ խուսափելով սթրեսներից ու անհանգստությունից, իհարկե ևս հանդիսանում են մարդու առողջությունն ու կյանքի որակը բարելավող գործոններ:

Այնուամենայնիվ, ինչպես գրում է med2.ru-ն, բնությունը ևս մարդկանց առաջարկում է միջոցներ, առանց որոնց շատ դժվար է: Խոսքը վերաբերվում է մրգերին:

Որոշ մրգեր շատ օգտակար են լյարդի ու երիկամների առողջության համար:

1. Ձմերուկ

Ձմերուկը շատ համեղ միրգ է, որը օգնում է զովանալ ամռանն ու հիանալի համադրվում է բնական հյութերի հետ:

Շատերը անգամ պատկերացում չունեն, որ այն հիանալի համադրվում է սպանախի, պանիրի, հունական ընկույզի, անանուխի հետ, արդյունքում ստացվում է շատ համեղ ուտեստ:

Ձմերուկը իր հզոր միզամուղային ու մաքրող հատկությունների շնորհիվ հանդիսանում է երիկամների ու լյարդի մաքրման շատ լավ միջոց: Այն պարունակում է մեծ քանակությամբ հյութ, որը օգնում է շատ լավ մաքրել հյուսվածքներն ու արյան հոսքը, որն էլ իր հերթին խթանում է երիկամների ֆունկցիան:

Միշտ հիշեք, որ հարկավորէ ընտրել հասուն ձմերուկ, իսկ եթե այն հասունացած չէ կամ արդեն գերհասունացած է, ապա այն օգտակար լինելու փոխարեն կարող է վնասել:

2. Հապալաս

Որպեսզի կարողանաք օգտվել հապալասի բոլոր օգտակար հատկություններից, պատրաստեք հապալասի հյութ: Սև հապալասի հյութը հանդիսանում է լավագույն դեղամիջոցներից մեկը, որն օգնում է մաքրել միզապարկը, երիկամներն ու բարելավում է լյարդի աշխատանքը:

Բացի այդ, հապալասը հանդիսանում է բնության մեջ հայտնի լավագույն հակաօքսիդանտներից ու օրգանիզմի դետոքսիկացիայի համար օգտակար միջոցներից մեկը:

Այդ հատապտուղը օգնում է դուրս բերել տոքսիներն ու պաշտպանում է օրգանիզմն ազատ ռադիկալներից:

Հապալասի ամենաօգտակար հատկություններից մեկը հանդիսանում է այն, որ նա թույլ չի տալիս բակտերիաներին կպչել միզապարկի պատերին: Այդ կերպ այդ հատապտուղը շատ արդյունավետ բուժում է աղեստամոքսային տրակտը:

3. Կիտրոն

Կիտրոնը հնարավոր է հանդիսանում է լավագույն բնական դեղամիջոցը, որը կարելի է ընդունել ամեն օր:

Կիտրոնը հանդիսանում է տոքսիններն օրգանիզմից դուրս բերող բնական մաքրող միջոց, որը հատկապես շատ օգտակար է լյարդի ճարպակալման բուժման դեպքում:

Կիտրոնը հարուստ է վիտամիններով ու հանքանյութերով, այդ հիանալի միջոցն օգնում է բարելավել լյարդի ու երիկամների աշխատանքն ու ամրացնել այդ օրգանները:

Կիտրոնի ևս մեկ առավելություն է հանդիսանում այն, որ այդ միջոցն օգնում է մասնատել սնունդը, երբ այն հասնում է ստամոքս, այդ կերպ ավելի թեթևացնելով մարդու մարսողությունը:

4. Խնձոր

Խնձորի դեպքում կարևոր չէ, թե այն ինչ գույնի է: Այս միրգն օժտված է հիանալի հատկություններով, որոնք կօգնեն ոչ միայն հոգ տանել լյարդի ու երիկամների առողջության մասին, այլ նաև կօգնեն պաշտպանել սիրտը:

Բացի նրանից, որ խնձորն օգնում է ազատվել «վատ» խոլեստերինից ու նվազեցնել տրիգլեցերիդների մակարդակը, այն հիանալի համապատասխանում է երիկամների ֆունկցիայի խթանման ու լյարդի մաքրման համար:

Իրականում հարկավոր է օրական ուտել մեկ հատ խնձոր, սակայն անհրաժեշտ է հիշել, որ այն պետք է լավ լվանալ ու ուտել կեղևով, քանի որ նրա կեղևը պարունակում է մի շարք օգտակար նյութեր:

5. Կարմիր խաղող

Խաղողի դեպքում առավել հաճախ ընտրեք ավելի մուգ, հագեցած գույնով խաղող, քանի որ խաղողի նման տեսակը պարունակում է հակաօքսիդանտների առավել մեծ քանակություն ու նրանց բուժիչ հատկություններն ավելի մեծ են, քան սպիտակ գույնի խաղողի տեսակներինը:

Խաղողը հանդիսանում է բնական միզամուղ միջոց և բացի այդ այն օգնում է մաքրել երիկամներն ու բարելավել լյարդի ֆունկցիան:

Խաղողը պարզապես վիտամինային «զամբյուղ» է, որը հագեցած է հակաօքսիդանտներով, վիտամիններով, հանքանյութերով: Բացի այդ այն օգնում է օրգանիզմից դուրս բերել օրգանիզմի համար վնասակար գրեթե բոլոր նյութերը:

Խաղողը կարող եք օգտագործել տարբեր կերպ` և նախաճաշին ավելացնել շիլայի մեջ և որպես աղցանի բաղկացուցիչ մաս, որի մեջ կարող եք ավելացնել նաև սպանախ, հունական ընկույզ ու նաև ցանկության դեպքում ձմերուկ: