9 գրասենյակային սովորություն, որոնք վատ են անդրադառնում առողջության վրա

Որպես կանոն, մեր օրվա մեծ մասը մենք անցկացնում ենք  աշխատավայրում: Ինչպես պարզվում է, այդ ընթացքում կարելի է  ձեռք բերել մի շարք  չգիտակցված սովորություններ, որոնք կարող են վատ ազդել մարդու առողջության վրա:

1. Նախաճաշի բացթողում
Չնայած  այս հարցի վերաբերյալ որոշ  մանրունքների շուրջ  գիտնականները դեռևս վիճում են, սակայն հետազոտությունները ցույց են տվել, որ ավելի լավ է նախճաշել և ոչ թե բաց թողնել այն: Շատերիս համար շատ հարմար է առավոտյան խմել միայն մեկ բաժակ սուրճ: Սակայն հետազոտությունները ցույց են տվել, որ նախաճաշն  օգնում է նյութափոխանակության սկսելուն, որի արդյունքում բարձրանում է էներգիային մակարդակն ու   մարդն օրվա սկզբում իրեն հոգնած չի զգում:

2.Աշխատանքային սեղանի շուրջ նստած  ճաշել
Մարդու ուղեղին հանգիստ է անհրաժեշտ: Առանց ընդմիջման մարդու արտադրողականությունը նվազում է: Բացի այդ, հետազոտությունները ցույց են տվել, որ բազմախնդրությունը  վնասում է  արդյունավետ աշխատանքին, այնպես որ դժվա թե մարդ կարողանա ճաշելու ընթացքում հասցնել արդյունավետ աշխատել:

3. Սեղանի շուրջ կորացած նստել
Բացի այն, որ սխալ կեցվածքը հանգեցնում է  ուսեր ու մեջքի ցավերի ու նրանց հետ կապված խնդիրների առաջացման, «կուզիկությունը», որոշ հետազոտությունների համաձայն, հանգեցնում է նաև տրամադրության վատացման:

 

4. Սեղանի շուրջ ողջ օրվա ընթացքում նստելը
Շատ մասնագետներ նշում են, որ «նստակյաց կենսակերպը դա ծխելու նոր տեսակ է»: Նստակյաց կենսակերպը կարող է հանգեցնել մի շարք հիվանդությունների առաջացման ռիսկի բարձրացման: Այդ պատճառով աշխատեք հաճախակի  վեր կենալ նստած տեղից  ու կատարել վարժություններ:

5. Կզակով հենվել ձեռքին

Չնայած դա հարմար է, սակայն նման վիճակը շատ վատ է անդրադառնում մաշկի ու դեմքի հիգիենայի վրա:

6. Աչքերի տրորելը
Դա ևս հիգիենայի հարց է: Բացի այդ, նման պրոցեսի ինտենսիվ կատարումը  կարող է հանգեցնել աչքերի տակ առկա նուրբ մաշկի վնասման:

7. Արձակուրդ վերցնելուց հրաժարվելը
Մրսածության ժամանակ արձակուրդ վերցնելուց հրաժարվելը կամ հիվանդությունն առանց անկողնային ռեժիմի հաղթահարելը  վնասում է առողջությանը: Բացի այդ, նման դեպքում վտանգվում է նաև ձեր գործընկերների առողջությունը:

8. Նստելու ժամանակ ոտքերի խաչելը
Նման դիրքը, չնայած որ հարմարավետ է թվում, բայց կարող է  հանգեցնել ողնաշարի դիսկոմֆորտի: Նստելու համար իդելական դիրքը մասնագետները համարում են ուղիղ մեջքը, իսկ ոտքերը միևնույն ժամանակ  պետք է հավասար դրված լինեն հատակին:

9. Շեղվել չկարողանալը
«Աշխատանքից այրվելը» լիովին իրատեսական է, հատկապես եթե  դուք չհրաժարվեք այն փոքր սովորություններից, որոնք արագ հանգեցնում են դրան: Օրինակ  ընթրելուց հետո համացանցում  անիմաստ  «պտտվելը», քնելուց առաջ էլեկտրոնային նամակների ստուգումը  առաջին հայացքից մանրունք են թվում, սակայն հանգեցնում են  հյուծվածության:Այնպես որ, երբ տուն եք մտնում` աշխատեք մի կող դնել հեռախոսը:

 Աղբյուրը՝ med2.ru