Պարզվել է, թե որ հորմոնը թույլ չի տալիս նիհարել

Հաճախ լինում են դեպքեր, որ նիհարելու բոլոր ջանքերն ապարդյուն են լինում: Սա կարող է պայմանավորված լինել օրգանիզմում լեպտին հորմոնով, որը կանխում է քաշի կորուստը: Այս հորմոնի գործառույթը էներգիայի ու մարմնի զանգվածի մակարդակների հավասարակշռումն է:

Առաջին հերթին՝ այն անցնում է արյունաուղեղային պատնեշը և կապվում ախորժակը կարգավորող ընկալիչների հետ՝ դրանով իսկ գլխուղեղին հաղորդելով, թե ինչ քանակությամբ սննդի կարիք ունի օրգանիզմը:

Բացի այդ, այն բարձրացնում է սիմպաթիկ նյարդային համակարգի ակտիվությունը՝ խթանելով ճարպային հյուսվածքներին այրել էներգիա: Սակայն լինում են նաև դեպքեր, երբ օրգանիզմը դիմադրում է այս հորմոնին:

Եթե լեպտինի մակարդակը երկար ժամանակ բարձր է եղել, մարդը կարող է կորցնել դրա հանդեպ զգայունությունը: Այդ ժամանակ գլխուղեղը չի ենթարկվում նյութափոխնակությունը արագացնելու և այլևս չուտելու լեպտինի ուղարկած ազդակներին:

Օրգանիզմի՝ լեպտինին դիմադրելու ամենատարածված ախտանշաններն են.

· քաշի ավելացումը,

· ուտելու անկառավարելի ցանկությունը,

· սթրեսի ժամանակ սնվելը,

· ուշ գիշերով սնվելը,

· բարձր զարկերակային ճնշումը,

· անքնությունը,

· նիհարել չկարողանալը,

· շաքարավազի չարաշահումը,

· Ճարպերի ավելացումը,

· հաճախակի անհանգստության զգացումը,

· մոտիվացիայի պակասը,

· սնունդի հիմնական ընդունումից քիչ հետո կրկին սնվելու ցանկությունը,

· հոգնածության զգացողությունը՝ հատկապես ուտելուց հետո:

Այս խնդիրը հաղթահարելու համար անհրաժեշտ է դադարել օգտագործել.

· շաքարավազ,

· ածխաջրեր,

· եգիպտացորենի օշարակ:

Մյուս կողմից, սննդակարգը պետք է հարուստ լինի օրգանական ու ամբողջական սննդամթերքով, իսկ հացահատիկեղենից ստացվող ածխաջրերի քանակը պետք է նվազեցնել: Բացի այդ պետք է խուսափել վերամշակված սննդամթերքից, լուծվող մանրաթելերից ու սպիտակուցներից և ածխաջրերի քանակի նվազեցման հաշվին՝ իջեցնել ճարպերի մակարդակը:

Շատ կարևոր է նաև պարբերաբար սպորտով զբաղվելը, քանի որ ֆիզիկական վարժությունները կարող են զգալիորեն վերկանգնել օրգանիզմի վիճակը:

Օրգանիզմում լեպտինի մակարդակի հետ կապված խնդիրները կարող են նաև պայմանավորված լինել քնի խանգարումներով, ուստի անհրաժեշտ է ապահովել օրգանիզմի լիարժեք հանգիստն ու առողջ քունը:

Նյութի աղբյուրը՝ healthyfoodhouse.com