Շաքարային դիաբետի ամենատարածված բարդությունը

Ձեզ ենք ներկայացնում շաքարային դիաբետի որոշ առանցքային պահեր.

·         Դիաբետը երկարատև հիվանդություն է, որը հանգեցնում է արյան մեջ շաքարի բարձրացմանը:

·         2013 թվականի տվյալներով՝ աշխարյում ավելի քան 382 միլիոն մարդ տառապում է շաքարային դիաբետով:

·         1-ին տիպի դիաբետի դեպքում օրգանիզմը չի արտադրում ինսուլին: Դիաբետի դեպքերի մոտ 10%-ը 1-ին տիպի են:

·         2-րդ տիպի դիաբետի դեպքում օրգանիզմը չի արտադրում ճիշտ աշխատանքի համար բավարար քանակությամբ ինսուլին: Դիաբետի բոլոր դեպքերի մոտ 90%-ը 2-րդ տիպի է:

·         Հեստացիոն շաքարային դիաբետը դիաբետի այն տեսակն է, որը լինում է հղի կանանց մոտ:

·         Շաքարային դիաբետի ամենատարածված ախտանշաններն են հաճախակի միզելու ցանկությունը, ծարավի ու քաղցի ուժեղ զգացումը, քաշի ավելացումը կամ կտրուկ կորուստը, չապաքինվող վնասվածքները, տղամարդկանց մոտ սեռական դիսֆունկցիան, ոտքերի և ձեռքերի թմրածությունն ու ծակծկոցը:

·         1-ին տիպի դիաբետի ժամանակ առողջ սննդակարգի, ճիշտ վարժությունների ու ինսուլինի ընդունման դեպքում կարելի է վարել սովորական ապրելակերպ:

·         2-րդ տիպի դիաբետի դեպքում հիվանդները պետք է ճիշտ սնվեն, ակտիվ կյանքով ապրեն, պարբերաբար ստուգեն արյան մեջ գլյուկոզային մակարդակը, ինչպես նաև ընդունեն գլյուկոզայի մակարդակը կարգավորող դեղորայք և/կամ ինսուլին:

·         Քանի որ սրտանոթային համակարգի հիվանդությունների առաջացման վտանգը բավական բարձր է, դիաբետով հիվանդները պետք է անպայման վերահսկեն արյան ճնշումն ու խոլեստերինի մակարդակը:

·         Բացի այդ, դիաբետիկները պետք է անմիջապես հրաժարվեն ծխախոտից, քանի որ այն նույնպես շատ վատ է անդրադառնում սրտանոթային համակարգի առողջության վրա:

·         Հիպոգլիկեմիան (արյան մեջ գլյուկոզայի ցածր մակարդակը) կարող է բացասաբար ազդել հիվանդի առողջության վրա: Հիպերգլիկեմիան (արյան մեջ գլյուկոզայի բարձր մակարդակը) նույնպես բացասաբար է ազդում հիվանդի առողջության վրա:

Շաքարային դիաբետով հիվանդ մարդիկ հաճախ բախվում են իրենց հիվանդությունից բխող բազում բարդությունների:

Կրաճատև բարդություններից են՝ հիպերգլիկեմիան, դիաբետիկ կետոացիդոզը, հիպերսմոլար հիպերգլիկեմիկ վիճակը:

Երկարատև բարդությունների թվում են՝ աչերին վնասելը (ռետինոպաթիա), սրտանոթային հիվանդությունները, երիկամների խնդիրները (նեֆրոպաթիա), ինչպես նաև նեյրոպաթիան:

Բարդությունների առաջացման վտանգը կարելի է զգալիորեն նվազեցնել արյան ճնշումը, արյան մեջ գլյուլոզայի և ճարպերի մակարդակը վերահսկելով: Հիվանդի վիճակին հտևելու համար անհրաժեշտ է պարբերաբար այցելել բժշկի:

Շաքարային դիաբետի ամենատարածված բարդությունը դիաբետիկ ոտնաթաթն է:

Դիաբետին ոտնաթաթի բուժումը

Նույնիսկ ամենաաննշան թվացող խնդիրների (կոշտուկներ, բշտիկներ, մաշկի ճաքեր կամ թեփոտություն և այլն) դեպքում անհրաժեշտ է խորհրդակցել բժշկի հետ, քանի որ այդ ախտանշանները հաճախ լինում են ոտքերի զգայունության նվազեցման դեպքում և կարող են նախորդել ոտնաթաթի ավելի լուրջ վարակների ու խոցերի՝ դրանց առաջացման պատճառները (անհարմար կոշիկ, ավելորդ քաշ, չոր մաշկ և այլն) չբացահայտելու և չուղղելու դեպքում: Եթե խոցն արդեն առաջացել է, այն չի ապաքինվի մինչև բժշկի օգնությանը չդիմելը: Վիրավոր ոտքի համար շատ կարևոր է քաշի վերահսկումը: Անհրաժեշտ է շատ ուշադիր լինել նույնիսկ տանը եղած ժամանակ: Ոտքի ծանրաբեռնվածությունը նվազեցնելու համար կարելի է օգտագործել համապատասխան օրթոպեդիկ կոշիկներ, ձեռնափայտ, հենակներ կամ նույնիսկ հաշմանդամային սայլակ, իսկ վերքերը պետք է բուժել հակաբիոտիկ միջոցներով: Եթե դիաբետիկ ոտնաթաթը, այնուամենայնիվ, ձևավորվել է, անհրաժեշտ է կարգավորել այդ հատվածներում արյան շրջանառությունը: Այս հարցում կարող է օգնել փորձառու անոթային վիրաբույժը, ով կվերականգնի արյան շրջանառությունը մաշկի պլաստիկ վիրաբուժության, անոթի շունտավորման, անգիոպլաստիկայի և ստենտավորման միջոցով:

Նյութի աղբյուրը՝ trental.ru