Վիտամինային մորսեր անոթների առողջության համար

15:58 • 05.07.16

Վիտամիններով հարուստ մրգային ըմպելիքները նպաստում են անոթների առողջացմանը:

Լոռամրգի մորս

0,5 բաժակ լոռամիրգը 2 ճաշի գդալ մեղրով տրորել, ավելացնել 1 լիտր ջուր (70-80 °C) և թրմել ամբողջ գիշեր: Առավոտյան քամել և խմել օրվա ընթացքում:

Մամուխի (սալոր) մորս

Այս ըմպելիքը նպաստում է գլխուղեղի արյան շրջանառությանը, օգնում է ապաքինվել գլխուղեղի կաթվածից հետո, օգտակար է միգրենի դեպքում: Անհրաժշտ է 600 գրամ շաքարավազը լուծել 1 լիտր եռման ջրում և ստացված լուծույթը լցնել 1 կգ սալորի պտուղների վրա: Եռացնել 10 րոպե, սառելուց հետո խմել օրական 100 մլ:

Չիչխանի մորս

Չիչխանի մորսը շատ օգտակար է հիպոավիտամինոզի, նյութափոխանակության խանգարումների, ստամոքսի խոցի դեպքում: Այն պատրաստելու համար պետք է 500 գրամ շաքարավազը լուծել 1 լիտր եռման ջրում, ստացված լուծույթը լցնել 1 կգ չիչխանի վրա և եռացնել 5 րոպե: Այս ըմպելիքն անհրաժեշտ է խմել անեն օր՝ օրական 100 մլ:

Սև հաղարջի մորս

Սև հաղարջի մորսը հարուստ է վիտամին C-ով և բարձրացնում է օրգանիզմի դիմադրողականությունը: Անհրաժեշտ է 400 գրամ շաքարավազը լուծել 1 լիտր եռման ջրում, ավելացնել 1 կգ սև հաղարջ, եռացնել 5 րոպե և խմել օրական 100 մլ:

Կարմիր բռնչու (Калина красная)

Այս ըմպելիքն օգտագործվում է հիպոավիտամինոզի, երիկամների ու աղեստամոքսային համակարգի հիվանդությունների, աթերոսկլերոզի և մրսածության դեպքում: Անհրաժեշտ է 200 գրամ շաքարավազը լուծել 1 լիտր եռման ջրում, ստացված լուծույթը ավելացնել 1 կգ հատապտուղներին, եռացնել 5 րոպե և խմել օրական 100 մլ:

Սևապտուղ արոսենու պտուղների(черноплодная рябина) հյութ դեղաբույսերի եփուկով

Այս հյութը շատ օգտակար է ցածր հեմոգլոբինի և նյարդային լարվածության դեպքում: Անհրաժեշտ է քամել պտուղների հյութը և ավելացնել 30% ջուր: 5 գրամ եղինջը, 20 գրամ առյուծատունկը, 15 գրամ անանուխը, 10 գրամ վաղենակը և 10 գրամ երիցուկը խառնել, ավելացնել 1 լիտր ջուր և եռացնել տաք գոլորշու վրա 10 րոպե: Ըդունել օրը 2 անգամ՝ ուտելուց առաջ 50 մլ:

Նյութի աղբյուրը՝ trental.ru