«Սխտորի կաթ». իշիասի դեմ պայքարի հիանալի միջոց

Սխտորի կաթը հիանալի ու արդյունավետ միջոց է, որն ունի մի շարք օգտակար ու բուժիչ հատկություններ: Ձեզ ենք ներկայացնում սխտորով կաթի մի բաղադրատոմս, որը կօգնի հաղթահարել իշիասը:

Իշիասը (նստանյարդաբորբ) ախտանշանների համադրություն է, որը դրսևորվում է ոտքերի ցավով, թուլությամբ ու այտուցվածությամբ: Այն առաջանում է նստատեղի նյարդի վնասվածքի կամ դրա սեղմվելու հետևանքով: Բացի այդ, իշիասը կարող է նաև առաջանալ ողնաշարի տարբեր հիվանդությունների արդյունքում:

Նստատեղի նյարդը սկսվում է գոտկատեղից՝ ձգվելով ոտքերի ետևի մասով ներքև: Հետևաբար՝ այն կառավարում է ոտքի ետնամասում գտնվող մկանները:

Երբ նստատեղի նյարդը ինչ-որ կերպ վնասվում է, մարդը զգում է բավական ուժգին ցավ, որը կարող է ուղեկցվել այրոցով կամ փշաքաղումով: Պատշաճ բուժման բացակայության դեպքում ցավը կարող է ուժեղանալ, ուստի շատ կարևոր է ժամանակին բժշկի դիմել, որպեսզի նա ախտորոշի ու համապատասխան բուժում նշանակի:

Մասնագետը կարող է նշանակել դեղեր և հատուկ թերապիա ախտանշանները մեղմացնելու և հիվանդի վիճակը բարելավելու համար: Սակայն պետք է հիշել, որ բուժումից բացի անհրաժեշտ է ընդունել նաև հավելյալ բնական միջոցներ, որոնք բարենպաստ ազդեցություն են ունենում մարդկանց առողջության վրա:

«Սխտորի կաթ» իշիասի ախտանշանները մեղմացնելու համար

Իշիասի ախտանշանները մեղմացնելու ամենատարածված միջոցներից մեկը «սխտորի կաթն» է: Այն պատրաստվում է սխտորից և ունի մի շարք օգտակար հատկություններ, մասնավորապես՝ մեղմացնում է ցավն ու բորբոքումը:

Որպեսզի այս միջոցը լավ ազդի, այն ահնրաժեշտ է ընդունել բավական երկար ժամանակ՝ միևնույն ժամանակ փոխելով այս խնդիրը խորացնող մի քանի սովորություն:

Բաղադրությունը.

·  5 պճեղ սխտոր,

·  1 բաժակ (250 մլ) նուշի կամ բրնձի կաթ

·  մեղր (ըստ ցանկության)

Պատրաստման եղանակը.

·  սխտորը քերել և դրարձնել խյուս,

·  սխտորի խյուսը խառնել բուսական «կաթին» (բրնձի կամ նուշի),

·  ցանկության դեպում ավեացնել մեղր:

Այս ըմպելիքը կարելի է խմել ինչպես սառը, այնպես էլ տաք վիճակում: Հարկ է նշել, որ սխտորը եփվելիս կորցնում է իր օգտակար հատկությունների մի մասը, բայց չի դադարում լինել արդյունավետ:

 Օգտագործման եղանակը. 

·  Իշիասի ախտանշանները մեղմացնելու համար անհրաժեշտ է օրական 200-250 մլ սխտորի կաթ ընդունել:

·  Այս ըմպելիքը կարելի է խմել միանգամից կամ բաժանել ցերեկային 2 չափաբաժնի և ընդունել 2 անգամից:

Հարկ է նշել, որ այս բնական միջոցը պետք է ընդունել միայն որպես հավելում իշիասի բուժմանը: Չի կարելի ընդունել այն դեղորայքի կամ թերապիայի փոխարեն:

Սխտորի կաթի մյուս օգտակար հատկությունները

Սխտորը հայտնի է իր յուրահատուկ համով ու բազմաթիվ օգտակար հատկություններով: Այս սննդամթերքը պարունակում է մի շարք օգտակար նյութեր, որոնց շարքին դասվում են.

·  վիտամինները (A, B1(թիամին), B2 (ռիբոֆլավին), B6 և C)

·  նիկրոտարրերը (կալիում, պղինձ, մանգան, ֆոսֆոր, ցինկ, սելեն և կալցիում)

·  պրոտեինները, ֆլավոնոիդները, ֆերմենտները և հակաօքսիդանտները:

Իր բուժիչ հատկությունների շնորհիվ, սխտորի կաթը օգտագործվում է բազմաթիվ հիվանդությունների բուժման և կանխարգելման համար.

·  Օգնում է հաղթահարել ասթման. սխտորի կաթը բարձրացնում է օրգանիզմի դիմադրողականությունն ու բարելավում է իմունային համակարգը, ուստի այն կարող է օգնել հաղթահարել ու կանխարգելել ասթման և շնչառական համակարգի այլ խնդիրներ:

·  Բուժում է հազը. սխտորի կաթին մի փոքր քրքում ավելացնելով՝ կարելի է ստանալ հիանալի բնական միջոց հազից ազատվելու համար: Քրքումի ու սխտորի հակաբակտերիալ ու հակավիրուսային հատկությունները դարձնում են դրանք հիանալի միջոց հազ առաջացնող հիվանդությունների դեմ:

·  Կարգավորում է խոլեստերինի մակարդակը. այս ըմպելիքն, իր մեջ պարունակվող հակաօքսիդանտների շնորհիվ, իջեցնում է արյան մեջ «վատ» խոլեստերինի մակարդակը և բարձրացնում «լավ» խոլեստերինի մակարդակը:

·  Կանխում է լյարդի ճարպակալումը. սխտորն ակտիվացնում է լյարդի ֆերմենտները և նպաստում օրգանիզմը տոքսիններից և մարսողության մնացորդներից մաքրելուն: Բացի այդ, դրա բաղադրության մեջ եղած սելենն ու ալիցինը արագացնում են լեղու արտադրություն՝ իջեցնելով լյարդում ճարպերի մակարդակը:

·  Ամրապնդում է իմունային համակարգը. սխտորի կաթը ապահովում է օրգանիզմը կարևոր սննդարար նյութերով, նպաստում է օրգանիզմի պաշտպանողական համակարգի ամրապնդմանը և վարակների դեմ պաշտպանիչ պատնեշների ստեղծմանը:

Նյութի աղբյուրը՝ budetezdorovy.ru