Ըմպելիք, որը հիանալի հակաբորբոքային միջոց է և օգնում է ազատվել հոդացավերից

Հոդացավերով տառապում են և՛երիտասարդները, և՛ տարեցները: Վերջերս արված մի հետազոտության արդյունքների համաձայն՝ երկրի հասուն բնակչության 30%-ը տառապում է հոդացավերով, որոնց առաջացման պատճառ կարող են հանդիսանալ մի շարք հիվանդություններ, այդ թվում նաև վնասվածքները, վիրուսները, ռևմատոիդ արթրիտը և այլն: Նրանց մեծամասնությունը բուժվում է 2 շաբաթից մինչև 3 ամիս, սակայն այդ ցավը ազդում է նաև առօրյա կյանքի վրա:

Ոտքերի ցավը, որպես կանոն, պայմանավորված է լինում մկանների հյուծվածությամբ կամ հոդի, հյուսվածքների, ոսկորի, ջիլի,  մկանների և այլ փափուկ հյուսվածքների վնասվածքով: Բացի այդ, արյան վատ շրջանառությունը նույնպես կարող է հանգեցնել ոտքերի ցավերի:

Ձեզ ենք ներկայացնում մի հակաբորբոքային ըմպելիքի բաղադրատոմս, որը կօգնի մեղմացնել ոտքերի ցավերը:

Բաղադրությունը.

·  կոճապղպեղի արմատ (2,5 սմ)

·  2 ճյուղ նեխուր (сельдерей)

·  1 հատ կիտրոն

·  ½ թեյի գդալ կոկոսի յուղ

·  2 բաժակ արքայախնձոր

·  2 հատ տանձ

·  մի պտղունց քրքում

·  1 հատ նարինջ

·  մի պտղունց սև պղպղեղ:

Պատրաստման եղանակը.

Մաքրել կոճապղպեղը, նարինջն ու կիտրոնը, կտրատել տանձն ու արքայախնձորը և բոլոր բղադրիչները խառնել հարիչի օգնությամբ: Ըմպելիքը կարելի է խմել անմիջապես, կամ պահել սառնարանում (առավելագույնը 3-5 օր): Այն, իր մեջ պարունակվող մեծ քանակությամբ սննդային մանրաթելերի շնորհիվ, իջեցնում է C-ռեակտիվ սպիտակուցների մակարդակը և նվազեցնում բորբոքումները, որոնք առաջացնում են մի շարք հիվանդություններ, ինչպիսիք են՝ շաքարային դիաբետը, սրտի հիվանդություններն ու ռևմատոիդ արթրիտը:

Առողջության համար օգտակար հատկությունները

Նարինջ

Ոտքերի ցավերը հաճախ կարող են պայմանավորված լինել օրգանիզմում կալիումի ու կալցիումի պակասով: Բացի այդ, այն նաև ունենում է մեծ քանակությամբ վիտամին C-ի կարիք, որպեսզի պահպանի հոդերի առողջությունն ու պայքարի բորբոքումների դեմ (հատկապես օստեոարթրիտի դեպքում):

Քրքում

Քրքումն ամենաուժեղ հակաբորբոքային միջոցն է: Պարզվել է, որ այն նվազեցնում է ծնկների ցավերը և շատ ավելի լավ է ցավազրկում օստեոարթրիտի դեպքում, քան իբուպրոֆենը:

Տանձ

Տանձերը հարուստ են շատ մեծ քանակությամբ վիտամին C-ով և կարող են մեղմացնել բորբոքային արթրիտի և ռևմատոիդ արթրիտի ախտանշանները:

Արքայախնձոր

Արքայախնձորները պարունակում են մեծ քանակությամբ բրոմելայն, որը մեղմացնում է հոդերի ցավն ու արթրիտի նախանշանները: Բացի այդ, բրոմելայնը նաև պարունակում է ավելի շատ ֆերմենտներ, քան ոչ ստերոիդային հակաբորբոքային դեղամիջոցների մեծ մասը:

Կիտրոն

Կիտրոնները հարուստ են C և E վիտամիններով, որոնք ուժեղ հակաօքսիդանտներ են և անհրաժեշտ են օրգանիզմի նորմալ գործունեության համար, քանի որ դրանք կանխում են ազատ ռադիկալ բջիջների վնսվածքները և նպաստում են կոլագենի և շարակցական հյուսվածքների արտադրմանը:

Կոճապղպեղ

Կոճապղպեղում պարունակվող գինգերոլ ակտիվ բաղադրիչը նվազեցնում է պրոստագլանդինները, որոնցով էլ պայմանավորված են հոդացավերը:

Նեխուր

Նեխուրը շատ հարուստ է վիտամին K-ով, որի պակասը օրգանիզմում հանգեցնում է ոսկորների ու աճառների հանքայնացման և առաջացնում է ձեռքերի ու ծնկների օստեոարթրիտ:

Այս ըմպելիքի պարբերաբար օգտագործումը կօգնի մեղմացնել հոդացավերը և կարող է դառնալ շատ ավելի արդյունավետ միջոց, քան հակաբորբոքային դեղամիջոցների մեծ մասն է:

Նյութի աղբյուրը՝ healthyfoodhouse.com