Ոսկեգույն ստաֆիլակոկ և մի շարք այլ հիվանդություններ, որոնք կարող են փոխանցվել սիրելի կենդանիների «համբույրի» միջոցով

11:32 • 12.07.16

Հաճախ մեր սիրելի չորքոտանի ընկերները, որպես իրենց սիրո դրսևորում, լիզում են տերերի դեմքը կամ ձեռքերը, իսկ վերջինները նույնիսկ ուրախանում են՝ մոռանալով, որ կենդանիների լեզվի վրա կան բակտերիաներ, որոնցից շատերը կարող են լուրջ առողջական խնդիրներ առաջացնել:

Հարկ է հիշել, որ այն պնդումը, թե շան թուքը մարդու թքից մաքուր է, իրականում սխալ է:

Մարտի Բեկկերը՝ «Հավով ապուր շների տերերի համար» գրքի հեղինակը բացատրել է. «բավական է միայն հոտոտել և ուշադիր նայել և դուք կհասկանաք, որ դա այդպես չէ: Շները վազվզում են աղբարկղների շուրջ: Մենք՝ մարդիկս բարևելիս համբուրում են դիմացինի այտ, իսկ շները «քթերը մտցնում» են միմյանց հետանցքը»:

Լոնդոնում վիրուսաբանության ու մանրէաբանություն պրոֆեսոր Ջոն Օքսֆորդը նույնպես խոսել է այն մասին, թե որքան շատ մանրէ կարող է լինել շան բերանում ու դրա շուրջը. «Խնդիրը միայն թքի մեջ չէ: Շներն իրենց կյանքի կեսն անց են կացնում տարբեր տեղերում աղբ կամ շների արտաթորանք հոտոտելով, ուստի նրանց դնչի վրա կան բազմաթիվ ու տարատեսակ մանրէներ, վիրուսներ ու բակտերիաներ»:

Այդ վիրուսները կարող են առողջական լուրջ խնդիրների պատճառ դառնալ, ինչն էլ տեղի է ունեցել մի անգլիացի կնոջ հետ: Նա վարակվել էր իր փոքրիկ շան թքից և նույնիսկ չգիտեր այդ մասին, մինչև չի նկատել, որ իր խոսքը դարձել է չկապակցված: Մինչ շտապ օգնության հասնելը կնոջ վիճակը շատ արագ վատացել է: Նա ապաքինվել է միայն 2 շաբաթ ինտենսիվ թերապիաներից ու մեծ քանակությամբ հակաբիոտիկներից հետո:

Հետազոտությունները ցույց են տվել, որ վարակը capnocytophaga canimorsus բակտերիայի արդյունքում էր, որը սովորաբար լինում է շների ու կատուների բերանում:

Այս դեպքից բացի, Մեծ Բրիտանիայում գրանցվել է ևս 13 նման դեպք: Եվ սա միակ հիվանդությունը չէ, որ մարդը կարող է ձեռք բերել շան «համբույրի» շնորհիվ:

Սնկախտը ամենապարզ հիվանդությունն է, որ կարող է անցնել մարդուն շան «համբույրի» միջոցով: Եթե կենդանին ունի սնկախտի բակտերիաներ, ապա նրան համբուրելու դեպքում կարելի է վարակվել:

Herpes_circiné_01

Բացի այդ, հնարավոր է վարակվել նաև մետիցիլինակայուն ոսկեգույն ստաֆիլակոկով, որը ախտահարում է մաշկը և կարող է փոխանցվել ընդամենը մեկ «համբույրի» միջոցով:

3721064969_37b9c552cd

Կենդանու համար այդ բակտերիաները առաձնապես մեծ վտանգ չեն ներկայացնում, սակայն տերերի համար կարող են դառնալ լուրջ խնդիր:

Ոսկեգույն ստաֆիլակոկը նման է վերոնշյալ մետիցիլինակայուն ոսկեգույն ստաֆիլակոկին, սակայն այս բակտերիաները գրեթե չեն բուժվում, ուստի ավելի լավ է նախապես կանխել դրանց ներթափանցումը օրգանիզմ:

mrsa-staph-infection

Capnocytophaga Canimorsus-ը վատագույն բակտերիաներից մեկն է, որ կարող է փոխանցվել կենդանուց: Այդ է վկայում նաև ստորև բերված նկարը:

Այս մարդը պատմել է, որ capnocytophaga canimorsus վարակը պայմանավորված էր նրանով, որ շունը լիզել է նրա բաց վերքը: Նրա ոտքերը շատ ավելի վատ վիճակում էին և բժիշկները ստիպված են եղել մասամբ անդամահատել դրանք:

Եթե դուք չեք ուզում վարակվել այս հիվանդություններից որևէ մեկով, ապա խուսափեք ձեր կենդանիների «համբույրներից»: Այն, ինչը նրանց կողմից պարզապես սիրո դրսևորում է, կարող է ճակատագրական լինել մարդու համար: Ավելի լավ է կանխավ կանխարգելել դրանց առաջացումը, քան հետագայում երկարատև բուժում անցնել:

Նյութի աղբյուրը՝ fithacker.ru