Ողնաշարի հետազոտություն ՄՌՏ-ով, թե՞ ռենտգենով. որ՞ն է նախընտրելի

Առողջական խնդիրներն անհրաժեշտ է լուծել ախտորոշման ու անհրաժեշտ թերապիաների միջոցով: Հստակ տեղեկատվություն ստանալու համար, որը թույլ կտա բժիշկներին արագ ու անսխալ ախտորոշել հիվանդությունը, օգտագործվում են ոչ միայն գիտելիքներ, այլև ժամանակակից սարքավորումներ: Ո՞րն է ավելի լավը, ռենտգենային հետազոտությունը, թե՞ մագնիսա-ռեզոնանսային տոմոգրաֆիան (ՄՌՏ): Հետազոտություն անցնողների մոտ հաճախ է առաջանում այս հարցը:

ՄՌՏ կամ ռենտգեն. հետազոտությունների առանձնահատկությունները

Որպեսզի հիվանդի մոտ չլինեն վախեր ու կասկածներ նշանակված հետազոտություններից առաջ, անհրաժեշտ է պարզել, թե ինչ է ցույց տալիս ՄՌՏ-ն և ինչ կարելի է տեսնել ռենտգենի միջոցով: ՄՌՏ-ով հետազոտվել անհրաժեշտ է այն դեպքում, երբ կասկածներ կան, որ վնասվել են ողնաշարի շուրջ գտնվող փափուկ հյուսվածքները: Ռենտգենյան սարքը շատ ավելի արդյունավետ կլինի, երբ խոսքը տարբեր վնասվածքների կամ վտանգավոր նեքին արյունահոսությունների մասին է:

Հարկ է հիշել, որ ՄՌՏ-ն նոր տեխնոլոգիա է և թույլ է տալիս հետազոտության ընթացքում ներառել նաև համակարգիչներ: Հետազոտության ընթացքում մասնագետը մոնիտորի էկրանին ստանում է ողնաշարի եռաչափ պատկերը, ինչը թույլ է տալիս կրճատել հետազոտության տևողությունը, և ընդամենը մեկ այցելության ընթացքում բժիշկը կարող է ստանալ ախտորոշման ու բուժման համար անհրաժեշտ ողջ տեղեկատվությունը:

Ռենտգենը մեկ հետազոտության ընթացքում չի կարող ցույց տալ վնասվածքների ողջ պատկերը: Անհրաժեշտ է մի քանի անգամ անցնել ճառագայթում, ինչը կարող է վնասել առողջությանը: Որոշ դեպքերում հիվանդը ստիպված է լինում մի քանի անգամ անցնել ռենտգենային ճառագայթում, որպեսզի ստանա պատկերներ տարբեր ռակուրսներում:

Ռենտգենյան ճառագայթների հիմքում էլեկտրամագնիսական ալիքներն են: Հետազոտության այս տեսակը արդյունավետ է ողնաշարի հետևյալ խնդիրների դեպքում.

·         Այտուցվածություններ,

·         Կոտրվածքներ,

·         Չարորակ ուռուցքներ:

ՄՌՏ-ն աշխատում է մագնիսական դաշտի օգնությամբ, որը հեշտությամբ կարող է տարբերել առողջ հյուսվածքները ախտաբանական փոփոխություններ ունեցող հյուսվածքներից: Այս դեպքում բացակայում է իոնացնող ճառագայթումը:

Ռենտգենը ավելի մեծ վնաս է հասցնում առողջությանը, քան մագնիսայի հետազոտությունը: Պատճառը երկարատև ճառագայթումներն են, որոնք վնասում են փափուկ հյուսվածքները: Հազվադեպ կարող են առաջանալ նույնիսկ կողմնակի բարդություններ: Մագնիսային դաշտի օգնությամբ անցկացվող հետազոտությունը հիվանդների մեծ մասի համար անվնաս է և միանգամից տալիս է հիվանդության ամբողջական պատկերը: Այս հետազոտությունը հակացուցված է կլաուստրաֆոբիայով տառապողներին, ինչպես նաև այն անձանց, որվքեր ունեն պրոթեզներ կամ սրտի աշխատանքը խթանող սարք (кардиостимулятор):

Ինչպե՞ս է անցկացվում մագնիսային տոմոգրաֆիան

Շատ կարևոր է հստակ իմանալ, թե ինչպես է անցկացվում ողնաշարի հետազոտությունը ՄՌՏ-ի միջոցով, որպեսզի բժիշկը կարողանա ստանալ ամբողջական տեղեկատվությունը, իսկ հիվանդը հետազոտության ընթացքում անհարմարություն չզգա: Հետազոտության համար անհրաժեշտ չէ մերկանալ: Դրա տևողությունն է 20-90 րոպե՝ կախված բժշկի նախնական ախտորոշումից և հիվանդի ինքնազգացողությունից: Հետազոտության համար հիվանդը պառկում է շարժուն սեղանին, որը ամբողջությամբ տեղավորվում է սարքի մագնիսային թունելում, որտեղ էլ իրականացվում է ամբողջական ախտորոշումը:

Շատ կարևոր է հիշել, որ հետազոտության ընթացքում չի թույլատրվում շարժվել, քանի որ դա կարող է բացասաբար ազդել ստացված տվյալների վրա, սակայն այդ ընթացքում կարելի է.

·         խոսել,

·         թարթել,

·         կուլ տալ:

Այս մեթոդը ենթադրում է բոլորովին անցավ պրոցեդուրաներ: Միակ անհարմարությունը բնորոշ աղմուկն է, ուստի ցանկության դեպքում հիվանդին տալիս են ականջակալներ: Չկա նաև նախապատրաստման կարիք. միայն անհրաժեշտ է հետազոտությունից առաջ հանել բոլոր մետաղյա զարդերը և ժամացույցները: Ամբողջական ու հստակ պատկեր ստանալու համար խորհուրդ է տրվում առկայության դեպքում ներկայացնել նախորդ հետազոտությունների արդյունքները: Հետազոտությունից հետո մասնագետը վերծանում է տվյալները և տալիս է հիվանդին ստացված պատկերներն ու գրավոր եզրակացությունը:

Այսպիսով՝ այն հարցին, թե որ՞ն է ավելի լավը ռենտգենը թե ՄՌՏ-ն, կարելի է պատասխանել՝ միայն նախնական ախտորոշումից ելնելով, քանի որ հետազոտման այս մեթոդներն ուղղված են տարբեր հիվանդությունների և դրանց առաջացման պատճառների ուսումնասիրմանը:

Նյութի աղբյուրը՝ trental.ru