Կրունկի ոսկրակոշտուկները(ոսկրախթան) բուժելու 8 փորձված ու արդյունավետ ժողովրդական մեթոդ

20:03 • 13.07.16

Կրունկի ոսկրախթանը(шпоры) բավականին տհաճ ու ցավոտ հիվանդություն է: budetezdorovy.ru-ն առաջարկում է արդյունավետ ու փորձված ժողովրդական բաղադրատոմսեր, որոնք կօգնեն ազատվել այդ խնդրից:

Բաղադրատոմս №1. կարտոֆիլով բուժում

Վերցրեք միջին մեծության 7-8 հատ կարտոֆիլ, եփեք այն կեղևով, տրորեք ու ավելացրեք այնքան կերոսին, որ ստացվի շատ փափուկ խյուս:

Այնուհետև լցրեք տաշտակի մեջ ու ցավացող ոտքերը դրեք խյուսի մեջ: Պահեք ոտքերը այդ խյուսի մեջ այնքան ժամանակ, մինչև որ այն սառչի՝մոտավորապես 15-20 րոպե: Հետո ոտքերը լավ մաքրեք մաքուր խոնավ կտորով ու հագեք տաք բրդյա գուլպաներ և հանգիստ պառկեք: Կարող եք նման պրոցեդուրա կատարել քնելուց առաջ:

Սովորաբար, լավ արդյունքի հասնելու համար, բավական է ամեն օր կատարել 3-5 պրոցեդուրա, սակայն, եթե այդ քանակությունը ձեզ չի բավականացնում, կարող եք այն շարունակել ավելացնել, սակայն 12 անգամից ոչ ավել:

Բաղադրատոմս №2. աղով վանաններ

Այս մեթոդը նման է նախորդ մեթոդին: Կրունկների ոսկրախթանի ցավերի դեպքում կարող են շատ լավ օգնել բուժիչ վանանները: Վերցրեք 2-3 լիքը ճ/գ ծովի աղ ու 1 լիտր ջուր: Ծովի աղի փոխարեն կարող եք օգտագործել սովորական կերակրի աղ:

Լուծեք այն տաք ջրի մեջ ու ոտքերը դրեք այդ ջրի մեջ, ջուրը պետք է այնքան տաք լինի, որքան որ կդիմանան ոտքերը ողջ պրոցեդուրայի ընթացքում, որը կարող է տևել 30-40 րոպե:

Այնուհետև ոտքերը լավ չորացրեք, հագեք բրդյա գուլպաներ ու պառկեք քնելու: Նման բուժիչ վանանները շատ լավ արդյունք են ապահովում, եթե կատարվում են քնելուց առաջ:

Բաղադրատոմս №3. եղինջով կոմպրեսներ

Այս բաղադրատոմսը բավականին դյուրին պատրաստվող, սակայն շատ արդյունավետ միջոց է: Այն պատրաստելու համար ձեզ անհրաժեշտ կլինի մայիս ամսին թարմ հավաքված եղինջ, որը հարկավոր է աղալ մսաղացով այնպես, որ այն խյուս դառնա: Այդ խյուսից որոշ քանակություն հարկավոր է դնել թարմ հավաքած կռատուկի(лопух) վրա ու դնել խնդրահարույց հատվածին, Այնուհետև հարկավոր է այն փաթաթել վիրակապով, որպեսզի այն ամուր ֆիքսվի ու չտեղաշարժվի: Նման կոմպրեսներ ցանկալի է կատարել քնելուց առաջ:

Եթե ցավը շատ ուժեղ է, ապա նման կոմպրեսներ կարող եք կատարել ոչ միայն քնելուց առաջ, այլ նաև օրվա ընթացքում: Արդեն 15-20 օր հետո դուք զգալի բարելավում կզգաք:

Բաղադրատոմս №4: բևեկնախեժով(скипидар,) բուժում

Այդ բուժիչ տրորող միջոցի պատրաստման համար հարկավոր է սովորական բևեկնախեժ, որը կարող եք գնել դեղատներից: Երեկոյան քնելուց առաջ հարկավոր է օճառով լավ լվանալ ոտքերը, որից հետո անհրաժեշտ է լավ չորացնել սրբիչով:

Ապա այդ ամենից հետո ափի մեջ լցրեք բևեկնախեժ ու սկսեք նրանով տրորել կրունկի շուրջ առկա մաշկը (կարող եք նաև տրորել ողջ ոտնաթաթի մակերեսը): Տրորելուց հետո հագեք տաք բրդյա գուլպաներ ու պառկեք քնելու:

Այդ պրոցեդուրան հարկավոր է կատարել ամեն օր 1 շաբաթ շարունակ, ապա կատարել մեկ շաբթայա ընդմիջում ու եթե այդ ընթացքում ցավը չի անցնում, ապա կարող եք կրկնել ևս մեկ շաբաթյա կուրս: Իսկ եթե ցավը շատ ուժեղ է, ապա բուժման կուրսը կարող եք երկարաձգել` 7 օրյա կուրսը հասցնելով 14 օրյա կուրսի:

Բաղադրատոմս №5. լեղիով բուժում

Կենդանիների լեղին հիանալի միջոց է կրունկի ոսկրախթանի բուժման համար, որի օգտագործումն ապահովում է դրական արդյունք արդեն մի քանի օր հետո: Բուժիչ կոմպրեսի պատրաստման համար ձեզ անհրաժեշտ կլինի 40 գրամ բուժիչ լեղի, 20 գրամ բժշկական սպիրտ ու ցանկացած տեսակի մի փոքր շամպույն:

Երեկոյան քնելուց առաջ, լավ լվացեք ոտքերն ու չորացրեք: Բաղադրիչները խառնեք իրար ու պատրաստեք հիվանդ ոտքի համար բուժիչ կոմպրես: Որպեսզի կոմպրեսը չսահի մաքուր բժշկական վիրակապ դրեք ու վրայից հագեք տաք բրդյա գուլպաներ, որպեսզի ինչպես հարկն է տաքացնեք ոտնաթաթերը:

Սովորաբար կրունկների ցավը թուլանում է 1-ին իսկ կոմպրեսից հետո, սակայն շարունակեք այդ պրոցեդուրան այնքան ժամանակ, մինչև որ ցավը լիովին կանցնի: Սովորաբար մի քանի նման պրոցեդուրան բավական է լինում երկար ժամանակով ցավից ազատվելու համար:

Բաղադրատոմս №6. մեղրով ու վարսակի ալյուրով կոմպրես

Այս մեթոդը հարկավոր է կատարել երեկոյան՝ քնելուց առաջ: Լվացեք ոտքերն ու ինչպես կարգն է շոգեհարեք այն, որից հետո ոտնաթաթերը լավ չորացրեք:

Վերցրեք 1 թ/գ սովորական մեղր ու նույն քանակությամբ վարսակի ալյուր ու լավ խառնեք դրանք: Արդյունքում կստացվի շատ փոքր «լոշիկԱայդ լոշիկը դրեք հիվանդ կրունկի վրա, վրայից ամրացրեք պոլիէթիլենային տոպրակ ու կապեք վիրակապով: Ապա հագեք տաք գուլպաներ ու քնեք:

Դրական արդյունքի հասնելու համար պրոցեդուրան հարկավոր է կատարել 10 օր, չնայած շատերին այն օգնում է ավելի կարճ ժամանակում:

Բաղադրատոմս №7. ճարպով բուժում

Ճարպը ոչ միայն համեղ մթերք է այլ բուժիչ միջոց, որը օգնում է ազատվել կրունկի ոսկրախթանի դեպքում առաջացած ցավերից: Այդ ամենի համար հարկավոր է օգտագործել ոչ թե խանութից գնված սովորական ճարպ, այլ անալի ճարպ:

Երեկոյան լվացեք ոտքերն ու լավ չորացրեք, կտրեք մի փոքր ճարպի կտոր ու այն դրեք հիվանդ կրունկի վրա, ապա այն ամրացրեք վիրակապով, որպեսզի բուժիչ կոմպրեսը չսահի ու ընկնի: Վրայից հագեք գուլպաներ ու թողեք այդպես ամբողջ գիշեր:

Կրկնեք այդ պրոցեդուրան ամեն երեկո, մինչև որ փոփոխություն զգաք: Եթե ցավը շատ ուժեղ է, կարող եք այդ կոմպրեսը կիրառել նաև օրվա ընթացքում, միայն թե այն հարկավոր է ինչպես կարգն է ամրացնել, որպեսզի քայլելու ժամանակ այն չնկնի:

Բաղադրատոմս №8.

Ոսկրակոշտուկից ազատվելու համար օրական 3 անգամ, ուտելուց առաջ խմեք 1-ական ճ/գ սոճու ընկույզի10%-ոց թուրմ: Որպեսզի պատրաստեք այդ թուրմը վերցրեք 30 գրամ մանրացված կամ աղացած սոճու ընկույզ ու 10 օր շարունակ դրանք թրմեք 300 մլ օղու մեջ:

Կրունկի ոսկրախթանի դեպքում շատ լավ օգնում է եզան լեզուն(подорожника), որը հարակավոր է հակառակ(փափուկ) կողմով դնել ցավացող կրունկի վրա: Երբ տերև մի փոքր կչորանա, կարող եք այն փոխել նորով(եզան լեզվի տերևները հարկավոր չէ լվանալ):

Կրունկի ոսկրախթանի դեպքում շատ լավ օգնում է նաև եղրևանու ծաղիկների եփուկը: Պատրաստման համար վերցրեք եղրևանու չորացրած ծաղիկներն ու դրանց վրա լցրեք 1:10 հարաբերակցությամբ որակյալ օղի: Թողեք այն թրմվի 8-10 օր` ամուր փակված տարայով ու մութ վայրում: Օրական 2-3 անգամ, ուտելուց առաջ ընդունեք 30 կաթիլ ու այդ ամենի հետ զուգահեռ թուրմով տրորեք ցավացող կրունկները:

Առավոտյան, մինչ գուլպաները կրելը, կարող եք դրանց մեջ լցնել 1 թ/գ կարտոֆիլի օսլա ու քայլել նման կերպ ողջ օրվա ընթացքում: Կրկնեք այդ պրոցեդուրան ամեն օր, այնքան ժամանակ, մինչև որ կրունկի ցավերը լիարժեք կանցնեն:

Հոգ տարեք ձեր մասին ու եղեք առողջ

Աղբյուրը՝ budetezdorovy.ru