Մթերքներ, որոնք նպաստում են երիկամների քարերի առաջացմանը

Շատերն անգամ չեն էլ մտածել այն հարցի շուրջ, որ երիկամաքարերը ինքնին չեն առաջանում: Դրանք մարդու սննդակարգի ու կենսակերպի հետևանք են: Այդ պատճառով budetezdorovy.ru-ն ներկայացրել է, թե ինչպես կարելի է կանխել երիկամների քարերի առաջացման պրոցեսն ու ինչ մթերքներ են նպաստում դրանց առաջացմանը:

Իսկ եթե երիկամներում արդեն ունեք նման խնդիր, ապա նշված սննդի ընտրությունը կարող է օգնել ձեզ մանրացնել դրանք ու ազատվել դրանցից: Բացի այդ, գոյություն ունեն մթերքներ, որոնց  օգտագործման հետևանքով մարդու վիճակը կարող է  ավելի ծանրանալ:

Ինչ է անհրաժեշտ իմանալ երիկամաքարերի մասին

Նախ փորձենք հասկանալ, թե ինչ է իրենից ներկայացնում այդ հիվանդությունը:

Նման քարեր ձևավորվում են միկրոսկոպիկ  մասնիկներից,  որոնք իրենցից ներկայացնում են բյուրեղիկներ: Մարդկանց մեծ մասի մոտ մեզի մեջ նման բյուրեղիկներ չեն հայտնվում: Սակայն յուրաքանչյուր մարդու օրգանիզմի աշխատանքում կան  նրբություններ:

Շատ դեպքերում քարերն առաջանում են օքսալատից ու կալցիումից և մարդկանց մոտ 75% դեպքերում հանդիպում են հենց այդպիսսի քարեր:

Յուրաքանչյուր հիվանդի բուժում յուրովի է, քանի որ այն կախված է այն նյութից, որոնք ձևավորում են երիկամաքարեր: Նաև շատ կարևոր է իմանալ քարերի չափսերն ու այն հաճախականությունը, որով նրանք առաջանում են հիվանդի մոտ:

Ինչ ախտանշաններ ու նշաներ են վկայում երիկամներում քարերի առաջացման մասին.

·         մեջքի ներքևի, կողոսկրերի ու կողքերի   հատվածի ցավեր

·         20-60 րոպե տևողությամբ ինտենսիվ ցավ

·         որովայնի ու աճուկի շրջանում տարածվող ցավ

·         մեզի մեջ արյան առկայություն

·         տհաճ հոտով մուգ մեզ

·         միզարձակման դեպքում ցավի առկայություն

·         միզելու անհագուրդ ցանկություն(sակայն այդ ամենի հետ հանդերձ միզարձակման ժամանակ մեզը կարող է մի քանի կաթիլ լինել)

·         սրտխառնոց

·         փսխում

·         սառը քրտինք

·         բարձր ջերմություն (ինֆեկցիայի դեպքում)

Երիկամաքարերի դեպքում անհրաժեշտ սննդակարգը
Ճիշտ ընտրված սննդակարգը կարող է  բավական լինել նոր ձևավորվող երիկամաքարերի կանխարգելման համար: Նման խնդրի դեպքում բժիշկներն առաջարկում են սահմանափակել աղի օգտագործումը:

Բացի աղից, հարկավոր է  նաև խուսափել այն մթերքների օգտագործումից, որոնք պարունակում են  հետևյալ նյութերը՝

·         կալցիում

·         նատրիում

·         օքսալատներ

·         կալիում

·         սպիտակուցներ

Եթե երիկամաքարերը ձևավորվում են կալցիումից, ապա հարկավոր է  սննդակարգից հանել աղը: Դա չի վերաբերվում միայն առանձին աղին, այլ վերաբերվում է նաև այն մթերքներին, որոնք պարունակում են  աղի բարձր քանակություն: Դրա հետ մեկտեղ հարկավոր է նվազագույնի հասցնել կալցիումի օգտագործումը:

Բացի այդ հարկավոր է  ի նկատի ունենալ, որ նման դեպքերում երիկամաքարերը կարող են խթանել այնպիսի հիվանդությունների առաջացմանը, ինչպիսիք են՝ օստեոպորոզն  ու  ոսկրային զանգվածի կորուստը:

Եթե քարերի առաջացումը պայմանավորված է օքսալատներով, ապա հարկավոր է  սահմանափակել այդ նյութը պարունակող մթերքների օգտագործումը: Դրանք են՝

• գետնընկույզը

• սուրճը

• բազուկը

• լոբին

•մոշը

• ելակը

• ազնվամորին

• հաղարջը

• խավարծիլը

• խաղողը

• շոկոլադը

• մաղադանոսը

• կանաչ աղցանները, սպանախը

• նարինջը

• ցորենի ալյուրը

• գարեջուրը

• գարեջրի խմորիչները

•տոֆուն

•պղպեղը

• ընկույզը

• կարտոֆիլը

Նաև ապացուցվել է, որ շաքարի չարաշահումը ևս կարող է դառնալ հիվանդության զարգացման որոշիչ գործոն: Դա բացատրվում է նրանով, որ շաքարը խախտում է  մարդու օրգանիզմի կողմից կալցիումի, մագնեզիումի և մնացած հանքանյութերի  յուրացման պրոցեսը:

Գազավորված ըմպելիքներին ու խանութներում վաճառվող հյութերին ևս  հարկավոր է  «զգուշությամբ մոտենալ»: Որպես կանոն, նման հյութերի պիտակների վրա նշվում է, որ  այն տարբերվում է որոշակի էներգետիկ արժեքով: Իրականում նրանցում առկա է մեծ քանակությամբ շաքար, այդ պատճառով նրանք չի կարելի դասել այն հեղուկների շարքին, որոնք անհրաժեշտ է օգտագործել օրվա ընթացքում:

Անկախ երիկամներում առկա քարերի տեսակներից, խորհուրդ է տրվում  ավելացնել  օգտագործվող հեղուկի քանակությունը: Դա կօգնի ձեզ խուսափել  նոր քարերի առաջացումից, իսկ առկա քարերն այլևս չեն մեծանա:

Մարդու օրգանիզմի համար անհրաժեշտ հեղուկի քանակությունը կախված է շատ գործոններից, նրանց թվին կարելի է  դասել՝

տարիքը
քաշը
սեռը
հասակը
մարդու ֆիզիկական ակտիվությունը
տարվա եղանակը

այլ հիվանդուիթյունների առկայությունը (գիրությունը, դիաբետը, խոլեստերինի բարձր մակարդակը)
Ոչ շատ կոնցենտրացված  մեզը  նվազեցնում է երիկամաքարերի առաջացման ռիսկը: Իսկ դրան հասնելու միակ տարբերակը հնարավորինս շատ ջուր օգտագործելն է:

Բացի սովորական հեղուկից,  խորհուրդ է տրվում նաև օգտագործել  բնական թեյ ու եփուկներ, ինչպես նաև թարմ պատրաստված հյութեր:

Մյուս կողմից, շատ կարևոր է ուշադրություն դարձնել օգտագործվող սպիտակուցների քանակության վրա: Տարբեր հետազոտությունների արդյունքներ վկայում են այն մասին, որ կենդակնական ծագմաբ սպիտակուցները վնաս են պատճառում երիկամաքարերի առաջացման հակված մարդու առողջությանը:

Իհարկե դա չի նշանակում, որ հարկավոր է  անպայման դառնալ բուսակեր, սակայն խորհուրդ է տրվում ուշադրություն դարձնել այն հանգանմանքին, թե շաբաթական քանի անգամ եք օգտագործում այնպիսի մթերքներ ինչպիսիք են՝

·         շոգեխաշած տավարի միսը

·         հավի միսը

·         խոզի միսը

·          ձուկը

Ձուն ու կաթնամթերքները ևս հանդիսանում են կենդանական սպիտակուցների աղբյուր: Բացի այդ, հարկավոր է  նվազագույնի հասցնել պանրով, կաթով ու սերուցքային կարագով պատրաստվող ուտեստների օգտագործման քանակությունը:

Իսկ ինչպես վարվել վիտամինների հետ, եթե դրանց մի մասը կարող են օգտակար լինել, իսկ մի մասը ոչ: Գոյություն ունեն նաև այնպիսի վիտամիններ, որոնք ոչ մի կերպ չեն ազդում երիկամաքարերի ձևավորման վրա:

·         Վիտամին В ( նիացին, ռիբոֆլավին ու  թիամին): Նշված վիտամինները հակացուցված չէն երիկամաքարերով տառապող մարդկանց: Օգտագործելու դեպքում ի նկատի ունեցեք, որ վիտամին В2-ը մարդու մեզին հաղորդում է դեղնավուն գույն:

·         Վիտմին  С. ցիտրուսային ու մի շարք այլ մրգեր պարունակում են մեծ քանակությամբ այս վիտամինից: Այն պաշտպանում է  մարդու օրգանիզմը գրիպից ու բարձրացնում է իմունիտետը: Սակայն այդ ամենի հետ մեկտեղ այն կարող է խթանել երիկամներում քարերի առաջացում:

Այդ պատճառով, եթե տառապում եք երիկամաքարերով, աշխատեք կրճատել սննդակարգում  վիտամին С-ի բարձր պարունակությամբ սննդի օգտագործումը:

Աղ

Աղի օգտագործմանը հարկավոր է  հատուկ ուշադրություն դարձնել, քանի որ այն, ինչպես նշեցինք, առաջնային տեղ է զբաղեցնում երիկամաքարերի առաջացման հարցում: Այս տհաճ հիվանդության զարգացման դեպքում, խորհուրդ չի տրվում թերագնահատել այս մթերքի նշանակությունը: Հարկավոր  չէ մոռանալ, որ երբ մենք օգտագործում ենք մեծ քանակությամբ աղ, այդ դեպքում մեր երիկամները ստիպված են լինում 2-3 անգամ ավելի շատ աշխատել: Այսինքն այդ օրգանի վրա ծանրաբեռնվածությունը շատ է  ուժեղանում:

Իսկ երբ բժիշկը նշում է աղի քանակության կրճատման մասին, մենք սովորաբար դադարում ենք  սեղանին աղ դնել ու համեմել ուտեստները աղով: Սակայն ինչպե՞ս վարվել այն սննդի հետ, որը արդեն պարունակում է մեծ քանակությամբ աղ: Իսկ այդպիսի սնունդը այսօր վաճառվում է  խանութներում:

Հարկավոր է  հաշվի առնել որ այդ մթերքները քայքայում  են մարդու առողջությունը:Դրանք են՝

·         արագ պատրաստվող ապուրները

·         արգանակների համար նախատեսված խորանարդիկները

·         մսամթերքներն ու երշիկեղենը

·         ֆաս-ֆուդը

·         կարկանդակներ

·         նատրիումի բիկարբոնատը ևայլն

Ինչպես արդեն նշեցինք, հարկավոր է  շատ ուշադիր լինել այն մթերքներին, որոնք ընտրում եք և նաև դրանց բաղադրությանը, քանի որ շատ հնարավոր է,  որ երիկամաքարեի ձվավորման պատճառը հանդիսանում է հենց այն սնունդը, որը դուք օգտագործում եք :