Հիանալի եփուկ, որը կօգնի ազատվել բարձր ճնշումից, էնուրեզից, անքնությունից  ու մի շարք այլ խնդիրներից

Սամիթը հիանալի բույս է, որին իր հասանելությունն ու ունիվերսալ կիրառումը  թույլ է տալիս հատուկ տեղ զբաղեցնել ժողովրդական բժշկության մեջ:  Այն օգտագործվում է տարբեր հիվանդությունների բուժման ժամանակ ու զարմացնում է  իր արդյունավետությամբ:

Սամիթի սերմերը ժողովրդական բժշկության մեջ օգտագործվում են երիկամաքարերի հիվանդության դեպքում, որպես արդյունավետ միզամուղ միջոց, ինչպես նաև հարբուխի ու ուժեղ հազի դեպքում, որպես արդյունավետ խորխաբեր միջոց:

Կերակրող մայրերի մոտ սամիթով եփուկը հիանալի բարձրացնում է լակտացիան, իսկ փոքր երեխաներին «սամիթի ջուրը» օգնում է  ազատվել փքվածությունից ու որովայնի ցավերից:

Աչքի հիվանդությունների դեպքում, ինչպես օրինակ կոնյուկտիվիտի, աջքի ծիածանաթաղանթի բորբոքման(իրիտ)  շատ գործուն են սամիթի թուրմով  ու եփուկով լվացումները:

Սամիթի եփուկն ու թուրմը  խորհուրդ չի տրվում կիրառել ներքին օգտագործման համար այն մարդկանց, ովքեր տառապում են ցածր զարկերակային ճնշմամբ:

1.    Անքնության դեմ պայքարող սամիթի սերմերով եփուկ

Վերցրեք 50 գրամ սամիթի սերմ ու 1 շիշ լավ գինի(Կագոր): Խառնեք սերմերը գինու հետ ու այն հասցրեք եռման ջերմաստիճանի,սառեցրեք  ու տեղափոխեք չթափանցող տարայի մեջ: Քնի խանգարմամբ ուղեկցվող  նյարդային լարվածության դեպքում, քնելուց առաջ խմեք 1 թ/գ եփուկ:

2.    Սամիթով ջուր երեխաների համար

Լցրեք 1 թ/գ սամիթի սերմը  1 բաժակ եռացրած ջրի մեջ ու փակեք այն կափարիչով, որից հետո թողեք թրմվի 1 ժամ:  Քամեք մաքուր թանզիվով ու թողեք սառչի: Սամիթաջուրը հարկավոր է  պահել սառնարանում: Մանկական փորափքանքի, կոլիկների դեպքում  խորհուրդ է տրվում օրական 3 անգամից ոչ ավել  օգտագործել  1-ական թ/գ սամիթաջուր:

3.    Սամիթաջուրը բարձր ճնշման ու գլխացավերի դեպքում

Խառնեք 2 թ/գ մանրացված սամիթի սերմ ու կես լիտր եռացրած ջուր, թողեք թրմվի 10 րոպե, ապա հասցրեք եռման ջերմաստիճանի ու քամեք թանզիվով: Այդ եփուկը պահեք հերմետիկ փակվող տարայի մեջ, որպեսզի արժեքավոր եթերայուղերը չցնդեն: Օրական 3 անգամ ուտելուց առաջ ընդունեք կես բաժակ սամիթաջուր: Այս բուժիչ եփուկը օգնում է ազատվել գլխացավից, լայնացնում է սրտի  ու գլխուղեղի անոթներն ու հիանալի նվազեցնում է պերիստալտիկան:

4.    Սամիթը գիշերային էնուրեզի(ակամամիզություն) դեպքում

1 գդալ մանրացրած սամիթի սերմերը  եփեք 1 բաժակ մաքուր ջրում,  ծակեք կափարիչով, փաթաթեք ու թողեք  թրմվի 3 ժամ: Քնելուց առաջ ընդունեք թարմ պատրաստված եփուկի ողջ քանակությունը: Երեխաների համար նախատեսված մեկանգամյա չափաքանակը պետք է մեծահասակների համար նախատեսված չափաքանակից 3 անգամ քիչ լինի: Սամիթով բուժման կուրսը տևում է 5-ից  7 օր:

5.    Սամիթի երիտասարդացնող ազդեցությունը

Խառնեք հավասար քանակության հաղարջի տերևներ, սամիթի սերմեր, չորացրած խնձորի կեղև,ազնվամորու տերևներ ու  գայլուկի(хмеля) կոները: Այդ ամենը մանրացրեք փոշու աստիճան, վրան ավելացրեք այնքան տաք ջուր, որպեսզի այն հեղուկ վիճակի լինի և եռացրեք  մի քանի րոպե մարմանդ կրակի վրա: Թողեք մի փոքր սառչի, ապա քամեք թանզիվով:Եփուկը խորհուրդ է տրվում ընդունել առավոտյան քաղցած փորին ու երեկոյան քնելուց առաջ: 

Հոգ տարեք ձեր մասին , հաճախակի ժպտացեք ու եղեք առողջ:

Աղբյուրը՝ budetezdorovy.ru