8 թեստ՝ առողջական վիճակը տնային պայմաններում ստուգելու համար

13:00 • 17.07.16

Առողջական վիճակն անհրաժեշտ է պահել մշտական վերահսկողության տակ, բայց ներկայումս այդքան էլ հեշտ չի պարբերաբար բուժզննում անցնել։ Այդ բուժզննումը, սակայն, կարելի է անցնել տնային պայմաններում և ժամանակին լուծել առաջացող խնդիրները։

Գոյություն ունեն մի շարք թեստեր, որոնց օգնությամբ կարելի է տնային պայմաններում ստուգել օրգանիզմի մի շարք ասպեկտների առողջական վիճակը։

Պարբերաբար նման բուժզննումներ անցկացնելը կարող է օգնել վերահսկել առողջական վիճակը և որոշել, թե կա՞ արդյոք մասնագետի օգնության կարիք։

Համի զգացողությունը

Այս թեստն անցկացնելու համար անհրաժեշտ է վերցնել կապույտ գունանյութը, բամբակի օգնությամբ քսել լեզվին, այնուհետև խոշորացույցի օգնությամբ հաշվել լեզվի առաջնային հատվածի համի զգայարանների քանակը։ Եթե կապույտ կետերը 20-ից ավել են, ապա համի զգացողությունը շատ լավ է զարգացած։ Նման մարդկանց անվանում են «սուպերթեյսթերներ», սակայն սա այդքան էլ լավ չի, քանի որ այս երևույթը սովորաբար ասոցացվում է քաղցկեղի որոշ տեսակների զարգացման վտանգի հետ։

Բանջարեղենի որոշ տեսակներ, ինչպիսիք են օրինակ՝ կաղամբը կամ բրոկոլին, պարունակում են դառը միացություններ, որոնք պաշտպանում են օրգանիզմը քաղցկեղից, ուստի դրանք կարող են շատ տհաճ լինել «սուպերթեյսթերների» համար։ Այս բանջարեղենները հարուստ են քաղցկեղից պաշտպանող հակաօքսիդանտներով ու վիտամիններով, սակայն դրանք կարող են դուր չգալ ուժեղ համի զգացողություն ունեցող մարդկանց։

Օրգանիզմից հեղուկի դուրս չգալը

Որպեսզի ստուգեք, թե արդյո՞ք հեղուկը չի մնում օրգանիզմում, անհրաժեշտ է բութ մատով սեղմել 3-4 տեղ ոտնաթաթի վերին և ստորին հատվածներում։ Եթե սեղմելուց մի քանի վայրկայն հետո այդ հատվածները դեռ սպիտակ են, ապա օրգանիզմը չի կարողանում դուրս հանել հեղուկը։ Բացի այդ, այս խնդրի առկայությունն է վկայում նաև կոճերի կամ ծնկների այտուցվածությունը։ Այս դեպքում խորհուրդ է տրվում նվազեցնել սննդի մեջ աղի գործածությունը, հնարավորինս խուսափել վերամշակում անցած սննդամթերքից և ավելացնել օրվա ընթացքում օգտագործվող ջրի քանակը։

Անեմիան (սակավարյունություն)

Սննդակարգում երկաթով հարուստ սննդամթերքի պակասը կարող է հանգեցնել այնպիսի խնդիրների, ինչպիսին անեմիան է։ Ստուգելու համար՝ արդյո՞ք տառապում եք անեմիայով, անհրաժեշտ է ձեռքը բարձրացնել, մատները լայն բացել և հնարավորինս հետ տանել։ Եթե մի քանի րոպե անց ափը, հատկապես՝ մատների վրայի խորը գծերը գունատվել են, ապա անհրաժեշտ է խարհրդակցել բժշկի հետ, քանի որ դա կարող է լինել անեմիայի նշան։ Այս հիվանդությունն արագ բուժելու համար անհրաժեշտ է ուտել հնարավորինս շատ կարմիր միս ու տերևավոր բանջարեղեն։

Օրգանիզմի կողմից սննդամթերքի չմարսելը

Մեկ լիքը ճաշի գդալ սոդան խառնել ջրին և խմել ստացված խառնուրդը։ Եթե դրանից հետո նկատվում է գխտոց, նշանակում է ամեն ինչ կարգին է, քանի որ թթվային միջավայրին ալկալային նյութեր ավելացնելու դեպքում առաջանում է գազ։ Եթե գխտոց չկա, ապա ստամոքսի թթվայնության մակարդակը ցածր է և սննդի ոչ բոլոր օգտակար նյութերն են յուրացվում։

Տեսողությունը

Տեսողությունը ստուգելու համար անհրաժեշտ է քսան քայլ հեռավորությունից փորձել կարդալ մեքենաների համարանիշները։ Եթե համարանիշները պարզ երևում են, ապա ամեն ինչ կարգին է, սակայն եթե համարանիշները պարզ չեն երևում կամ թվում են աղավաղված, ապա անհրաժեշտ է անմիջապես դիմել մասնագետի օգնությանը։

Խոլեստերինի մակարդակը

Օրգանիզմում խոլեստերինի մակարդակը ստուգելու համար անհրաժեշտ է ուշադիր նայել վերին և ստորին կոպերին։ Եթե նկատվում են տափակ ճարպային հանգույցներ, ապա ամենայն հավանականությամբ դրանք ճարպային նստվածքներ են, որոնք կարող են պայմանավորված լինել արյան մեջ խոլեստերինի բարձր մակարդակով։ Նման պարագայում խորհուրդ է տրվում խորհրդակցել բժշկի հետ և ձեռնարկել համապատասխան միջոցները, քանի որ այս ճարպային հանգույցներն ի հայտ են գալիս միայն այն դեպքում, երբ արյան մեջ խոլեստերինի մակարդակը բարձր է արդեն որոշ ժամանակ։

Սննդային անհանդուրժողականությունը

Հաճախ, որևէ սնունդ ուտելիս, մարդը նկատում է ստամոքսի ծանրություն ու ուռածություն։ Այս դեպքում կարելի է անցկացնել մի պարզ թեստ և ստուգել, թե արդյո՞ք դա սննդային անհանդուրժողականություն չի։

Անհրաժեշտ է կասկածելի մթերքն ուտելուց առաջ ստուգել սրտի զարկերը, այնուհետև ուտել այդ մթերքի միջին կամ մեծ մասնաբաժին։ Եթե ուտելուց հետո սրտի զարկերն ավելանում են 10 կամ ավել զարկով, ապա հավանաբար օրգանիզմը չի ընդունում այդ մթերքը։

Թոքերի գործառույթը

Թոքերի գործառույթը ստուգելու և հնարավոր շնչառական խնդիրները ժամանակին հայտնաբերելու համար անհրաժեշտ է կանգնել վառվող մոմից 30 սմ հեռավորության վրա և ուժեղ արտաշնչել բաց բերանով։ Եթե լսվում է տարօրինակ ձայն, ապա հնարավոր է սկսում է զարգանալ ասթմա, հատկապես՝ եթե նկատվում է նաև գիշերային հազ։ Եթե նման ախտանշաններ չեն նկատվում, սակայն թոքերն այդքան էլ առաձգական չեն, ապա հնարավոր է դա կապված է ֆիզիկական վատ մարզավիճակի հետ։

Նյութի աղբյուրը՝ budetezdorovy.ru