Սննդակարգը սուր կոլիտի դեպքում  

Սուր կոլիտը, որպես կանոն,  աղիքային ինֆեկցիաների, սննդային թունավորումների, ալերգիայի դրսևորման ու որոշակի դեղամիջոցի(առավել հաճախ հակաբիոտիկների) անհանդուրժողականության, սխալ սննդակարգի ու հաճախակի սթրեսների  հետևանք է: Հաճախակի սուր կոլիտը կարող է լինել  ընդհանուր ինֆեկցիաների (գրիպի, սուր շնչառական վարակներ, կարմրուկ) դրսևորում: Երբեմն նման հիվանդություն զարգանում է ընդհանուր հիգիենայի ու  սանիտարական պայմանների խախտման հետևանքով:

Բժիշկները տարբերում են սուր կոլիտի մի քանի տեսակներ, որը կախված է աղիների հյուսվածքների ախտահարման մակարդակից: Դրանք են  կատարալ, էրոզիա առաջացնող, խոցային,  ավելի հազվադեպ ՝ֆիբրինոզային:

Հիվանդության սկիզբը շատ հանկարծակի է. առաջանում է լուծ (փորլուծություն), սրտխառնոց, փսխում, սուր որովայնային ցավեր: Հիվանդների մոտ առաջանում է ընդհանուր թուլություն, ինքնազգացողության կտրուկ վատացում ու բարձր ջերմություն: Բժիշկները փորլուծությունն ու փսխումը դասում են օրգանիզմի պաշտպանիչ ռեակցիաների շարքին, որը փորձում է այդ կերպ ազատվել ներսում կուտակված թույնից:

Հիվանդության տևողությունը մի քանի օրից մինչև մի քանի շաբաթ է:

Սննդակարգը հիվանդության 1-ին իսկ ախտանշանների դեպքում՝

1-ին օր. միայն չափավոր սնունդ(կիսաքաղցր կամ անհամ թեյ), ծայրահեղ դեպքում կարող եք ավելացնել սպիտակ չորահաց:

Օրվա սննդակարգի  բաղադրությունը. սպիտակուցներ 100 գրամ, ճարպեր՝ 70 գրամ, ածխաջրեր՝ 250 գրամ, աղ՝ 8-10 գրամ:

Հարկավոր է կրճատել աղեստամոքսային տրակտի լորձաթաղանթը գրգռող,  մարսողական լեղիների սերեկցիան գրգռող,   աղիներում թթվեցման  ու փտման պրոցեսները  արագացնող ու լյարդը գրգռող    սննդի օգտագործում:

Կարող եք օգտագործել՝

1. Գոլորշու վրա եփած կամ ջրով տապակած  անյուղ միս կամ ձուկ:Միսը հարկավոր է  օգտագործել ծեծած:

2. Ապուրները հարկավոր է  եփել անյուղ արգանակով (ձկնային, մսային):

3. Բրնձով,  հնդկաձավարով , վարսակով ու մանիի շիլան պետք է եփել ջրով:

4. Կարող եք օգտագործել սպիտակ չորահաց:

5. Անյուղ,  թարմ պատրաստված կաթնաշոռ,  կամ կաթնաշոռից պատրաստված սուֆլե:

6. Շատ օգտակար է  կիսելն ու թարմ տանձի, հապալասի դոնդողը: Կարող եք պատրաստել նաև մասուրի եփուկ, թեյ, կակաո ու սև սուրճ:

7. Սահմանափակեք թեյի օգտագործումը, իսկ շաքարավազը պետք է օրական 40 գրամից ավել չլինի:

 

Սննդակարգից անհրաժեշտ է հանել՝

1. Անարատ կաթն ու կաթնամթերքները, կաթնամթերքով պատրաստված ուտեստները:

2. Կոմպոտներն ու մուրաբանները:

3. Տապակած ուտեստները, ապխտած, թթու, կծու ու համեմունքով հարուստ ուտեստները, նախուտեստները, աղի ու մարինացված մթերքները:

4. Հում բանջարեղենը, հատապտուղներն ու մրգերը:

Աղբյուրը՝ med2.ru