Յոգայի վարժություններ՝ մեջքի ցավերից մեկընդմիշտ ազատվելու համար

Այս վարժությունները հիանալի միջոց են մեջքի և պարանոցի մշտական սուր ցավերից, անքնությունից ու արյան ճնշման տատանումներից ազատվելու համար: Վարժությունների այս համակարգը բաղկացած է յոգայի՝ սկսնակների համար նախատեսված ամենապարզ դիրքերից, որոնք կօգնեն զգալիորեն վերականգնել առողջական վիճակը:

Արդեն երրորդ պարապմունքից հետո մարմինը դառնում է ավելի ենթարկվող, մկաններն ամրանում են, միտքը պայծառանում, բարելավվում է քնի որակը, օրգանիզմը սկսում է ավելի լավ վերականգնվել քնի ժամանակ, իսկ մեջքի ու պարանոցի հատվածի ցանկացած ցավ՝ անհետանում:

Տնային պայմաններում յոգա սկսնակների համար

1. Դիրք լիցքաթափվելու համար

Անհրաժեշտ է նստել, ոտքերը խաչել և փորձել զգալ, թե ինչպես է հանգստանում ու երկարում ողնաշարը: Կարելի է մի փոքր ձգվել՝ հենվելով խաչված ոտքերին: Այս դիրքում պետք է մնալ մի քանի րոպե՝ հնարավորինս խորը և հանգիստ շնչելով: Սա կօգնի տրամադրվել արդյունավետ մարզանքին և կիջեցնի սթրեսի մակարդակը:

2. Թեքվել առաջ

Նստել՝ ոտքերն առջևում ուղղելով: Դանդաղ ձգվել առաջ և հպվել ոտնաթաթերի մատներին: Ձգվել անհրաժեշտ է արտաշնչելու պահին, քանի որ այդ ժամանակ ոտքերի մկաններն ավելի ենթարկվող են և կարելի է հնարավորինս մարզել դրանք: Կրկնել վարժությունը 5 անգամ:

3. Երեխայի դիրք

Անհրաժեշտ է ծնկի իջնել՝ ծնկները բացելով ոտքերի լայնությամբ և ձեռքերը մարմնի ետևում պահած: Դանդաղ թեքվել առաջ, գլուխն ամբողջությամբ իջեցնել, շնչել խորը և հանգիստ՝ փորձելով զգալ, թե ինչպես է հանգստանում մեջքը: Այս դիրքում անհրաժեշտ է մնալ 3-4 րոպե (դադարներով):

4. Պտտումներ

Աջ ձեռքը դնել ձախ ծնկին, իսկ ձախ ձեռքը անշարժ դնել մարմնի ետևում: Դանդաղ պտտվել դեպի ձախ՝ գլուխը մարմնի հետ թեքելով: Հնարավորինս խորը շնչել և վերադառնալ սկզբնական դիրք: Անհրաժեշտ է զգալ, թե ինչպես են ձգվում որովայնի և ազդրերի մկանները: Կրկնել վարժությունը հակառակ ուղղությամբ:

5. Աստվածուհու դիրք

Պառկել մեջքի վրա, ծնկները ծալել, իսկ ոտնաթաթերը միացնել: Ձեռքերը ազատ դնել հատակին, հանգիստ շնչել՝ ձգելով ազդրերի ներքին մկանները: Մնալ այս դիրքում 1-2 րոպե (2 րոպեն բավական է):

6. Ոտքերը պատի վրա

Ուղիղ ոտքերը բարձրացնել և հենել պատին։ Իրանն ու ձեռքերը թուլացնել և մնալ այս դիրում 3 րոպե։ Անհրաժեշտ է հնարավորինս վանել ավելորդ մտքերը, խորը շնչել և զգալ, թե ինչպես են հանգստանում լարված մեջքն ու ոտքերը։

7. Ազատ քամու դիրք

Պառկել մեջքի վրա, ոտքերը ծալել և խաչել։ Ձեռքերով ամուր գրկել ծնկները՝ զգալով, թե ինչպես են ձգվում ազդրերի ու մեջքի մկանները։ Շատ կարևոր է այս ընթացքում խորը և հանգիստ շնչել։ Սկզբում այս վարժությունը կարող է դժվար թվալ, սակայն սեփական մարմնին «հասկանալուց» հետո այն կդառնա շատ հաճելի գործընթաց և կօգնի ընդամենը մեկ րոպեում հանգստացնել լարված ողնաշարը։

8. Աղավնու դիրք

Ծնկի իջնել, ձեռքերը, ուսերի լայնությամբ բացած, հենել գետնին։ Ձախ ծունկը բերել առաջ և դնել ձեռքերի միջև։ Աջ ոտքը տանել ետ և ուղղել։ Մարմինը թեքել առաջ՝ ծանրության կենտրոնը տանելով ձախ ծնկի վրայով։ Մնալ այս դիրքում մեկ րոպե և կրկնել վարժությունը՝ փոխելով ոտքերի դիրքերը։ Այս վարժությունն ազատում է ոտքերի ցավից ու այտուցվածությունից և բարենպաստ ազդեցություն է ունենում մեջքի մկանների վրա։

9. Արթնանալու դիրք

Պառկել մեջքի վրա, ձեռքերը լայն բացել, իսկ աջ ծունկը սեղմել կրծքին։ Մեջքն ուղիղ պահելով՝ թեքել մարմինը ձախ և մնալ այս դիրքում մոտ 3 րոպե։ Կրկնել վարժությունը հակառակ ուղղությամբ։ Այս դիրքը շատ օգտակար է այն մարդկանց համար, ովքեր տառապում են մեջքի և պոչուկի ցավերով։

10. Ձկան դիրք

Պառկել մեջքի վրա, ձեռքերը դնել ազդրերի տակ։ Դանդաղ բարձրացնել կրծքավանդակը՝ գլուխը ետ տանելով։ Շնչել խորն ու հանգիստ և նույնքան դանդաղ վերադառնալ սկզբնական դիրք։

Երկու օրվա ընթացքում ընդամենը մեկ անգամ նման մարզանք անելը կազատի մեջքի ցավերից, հոգնածությունից ու լարվածությունից և կուղղի ողնաշարը։ Այս վարժությունների շնորհիվ հանգստանում է պարանոցը և բարելավվում է գլխուղեղի արյան շրջանառությունը։ Բացի այդ, այս մարզանքը նաև կազատի գլխացավերից ու քնի խանգարումներից։

Նյութի աղբյուրը՝ takprosto.cc