Ժելատինը կօգնի ազատվել պարանոցի, ոտքերի և հոդերի ցավերից

Սա հիանալի միջոց է պարանոցի, ոտքերի, ինչպես նաև հոդերի ցավերից ազատվելու համար: Ժելատինը ստանում են կենդանիների աճառային հյուսվածքներից, այդ իսկ պատճառով այն անփոխարինելի միջոց է հոդերի շարժունությունը պահպանելու համար: Բուժում կարելի է իրականացնել տնային պայմաններում. բոլոր գործընթացները շատ պարզ են ու արագ:

Ժելատինը կենդանական ծագում ունեցող մթերք է, որը ստանում են խոշոր եղջերավոր կենդանիների միացնող հյուսվածքների (ջլեր, ոսկորներ, կոլագեն) վերամշակման արդյունքում: Սա է պատճառը, որ այն դրական ազդեցություն է ունենում ներքին մանրաթելերի և մանր անոթների վրա: Բացի այդ, այն պարունակում է երկու ամինաթթու՝ պրոլին և հիդրոսիպրոլին, որոնք արդյունավետ կերպով վերականգնում են օրգանիզմի միացնող հյուսվածքները: Ժելատինը նաև խթանում է միացնող հյուսվածքների աճը, ինչը շատ կարևոր է հոդերի վնասվածքների դեպքում: Սակայն սա ժելատինի միակ առավելությունները չեն, քանի որ այն օգտագործվում է նաև այլ ոլորտներում:

Ժելատինի օգտակար հատկությունները

·         ամրապնդում է սրտամկանն ու անոթները,

·         բարելավում է նյութափոխանակությունը,

·         բարձրացնում է մտավոր կարողությունները,

·         պահպանում է մաշկի առողջությունը,

·         առաձգականություն է հաղորդում մկաններին ու ջլերին,

·         կանխում է օստեոպորոզի ու օստեոարթրիտի առաջացումը,

·         խթանում է մազերի ու եղունգների աճն ու ամրապնդում կառուցվածքը,

·         նպաստում է դիսպլազիայի բուժմանն ու կանխում դրա առաջացումը:

Բուժման ամբողջական կուրսը տևում է մեկ ամիս: Կրկնել կուրսը կարելի է միայն 6 ամիս անց: Սա հոդերի «քսուքը» վերականգնելու փորձված եղանակ է, սակայն շատերը չեն հավատում, որ այն կօգնի և նույնիսկ չեն էլ փորձում այն: Մարդիկ նախընտրում են դրա փոխարեն օգտագործել քիմիական ցավազրկող դեղորայք, քանի որ նման հասարակ մեթոդը վստահություն չի ներշնչում:

Օգտագործման եղանակը.

Գնել 150 գրամ ցանկացած կերակրի ժելատին (150 գրամը բավական է ամբողջ կուրսի համար): Երեկոյան 5 գրամ (2 ոչ լիքը թեյի գդալ) ժելատինը թրջել ¼ բաժակ սառը ջրով (ջուրը սառեցնել սառնարանում):

Լուծույթը թրմել սենյակային ջերմաստիճանում և երբ ժելատինն ուռչի, այս զանգվածը գիշերվա ընթացքում կվերածվի դոնդողի: Խառնուրդը խմել առավոտյան անոթի: Եթե դրա համը չափազանց տհաճ է, ապա կարելի ավելացնել հյութ, մեղր, յոգուրտ, թթվասեր կամ ցանկացած այլ մթերք, որը  համը կդարձնի ավելի հաճելի:

Այս գործողությունն անհրաժեշտ է կրկնել 7 օր շարունակ: Այս մեթոդով բուժված մարդիկ վստահեցնում են, որ այն իսկապես ազատում է մեջքի, ոտքերի ու ողնաշարի ցավերից:

Նյութի աղբյուրը՝ budetezdorovy.ru