Ինչո՞ւ է անհրաժեշտ ուտել սխտորը առավոտյան սոված փորին. ժողովրդական բաղադրատոմսեր

Բացի այն, որ սխտորը հիանալի համեմունք է, այն նաև շատ հայտնի բնական միջոց է, որն իր բազմաթիվ օգտակար հատկությունների շնորհիվ օգտագործվում է առողջությունը բարելավելու, մի շարք հիվանդություներ բուժելու և դրանց առաջացումը կանխելու համար:

Չնայած, որ թարմ սխտորի բույրն ու այն, որ դրանից հետո բերանից տհաճ հոտ է գալիս, վանում են մարդկանց, դրա օգտակար հատկություններն այնքան շատ են, որ այն դառնում է առողջական վիճակը բարելավող ամենալավ բնական միջոցներից մեկը, որն անհրաժեշտ է օգտագործել ամեն օր:

Ներկայումս բազմաթիվ վեճեր են ծագում այն հարցի շուրջ, թե արդյո՞ք կարելի է սոված փորին սխտոր ուտել: Հետազոտողներից ոմանք պնդում են, որ նշանակություն չունի երբ և ինչպես է մարդ ուտում սխտորը, ոմանց հավաստմամբ էլ՝ սխտորն անոթի ուտելը շատ օգտակար ու արդյունավետ միջոց է առողջական բազում խնդիրների առաջացումը կանխելու համար:

Ինչո՞ւ է անհրաժեշտ սխտորն ուտել սոված ժամանակ

Առավոտյան անոթի սխտոր ուտելը բարձրացնում է դրա հակաբակտերիալ հատկությունները, քանի որ հենց առավոտյան են բակտերիաները լինում հատկապես խոցելի և, չկարողանալով պաշտպանվել սխտորի ազդեցությունից, ոչնչանում են:

Բազմաթիվ հետազոտություններ ցույց են տվել, որ անոթի հում սխտոր ուտելն օգնում է մեղմացնել արյան գերճնշման ախտանշանները, քանի որ բացի արյան շրջանառությունը կարգավորելուց, այն նաև պաշտպանում է սրտանոթային հիվանդություններից, բարելավում է մարսողությունը, լյարդի և միզապարկի աշխատանքը:

Բացի հակաբակտերիալ հատկություններից, սխտորը նաև խթանում է մարսողությունն ու բարելավում ախորժակը:Այն խորհուրդ է տրվում օգտագործել փորլուծության դեպքում, իսկ դրա երկարատև օգտագործումը կանխում է քաղցկեղի տարբեր տեսակների առաջացման վտանգը:

Որոշ փորձագետների կարծիքով, սխտորն օգնում է լուծել նաև նյարդային խնդիրները և պայքարում է սթրեսի դեմ: Բացի այդ, այն նաև խթանում է սերոտոնինի՝ ազդակների հաղորդման համար պատասխանատու հորմոնի սեկրեցիան և կարգավորում է տրամադրությունն ու էմոցիաները:

Սխտորը համարվում է օրգանիզմի դետոքսիկացիայի համար ամենալավ միջոցներից մեկը: Այն նաև պայքարում է մակաբույծների և որդերի դեմ, խթանում է օրգանիզմից առողջության համար վնասակար տոքսինների դուրսբերումը:

Սխտորի հաճախակի օգտագործումը կօգնի ազատվել այնպիսի հիվանդություններից, ինչպիսիք են՝ շաքարային դիաբետը, որովայնային տիֆը, դեպրեսիաները և սրտանոթային հիվանդությունները:

Բացի այդ, սխտորը նաև օգնում է ամրապնդել իմունային համակարգը՝ կանխելով այնպիսի տհաճ հիվանդությունների առաջացումը, ինչպիսիք են՝ մրսածությունը, գրիպը, հազը և այլն:

Հարկ է նշել, որ սխտորն անհրաժեշտ է ուտել հում վիճակում, քանի որ ջերմային մշակումից հետո այն զրկվում է իր օգտակար հատկությունների 90%-ից: Չնայած, որ սխտորի համն ու հոտը կարող են ոմանց համար տհաճ լինել, սակայն դրա օգտակար հատկությունների համար կարելի է հանդուրժել այդ անհանգստությունները:

Այսպիսով՝ սխտորի բոլոր առավելություններից օգտվելու համար այն անհրաժեշտ է ուտել անոթի: Հիվանդությունների մեծամասնության կանխարգելման համար անհրաժեշտ օրական չափաբաժինը 2 պճեղ հում սխտորն է:

Տուբերկուլյոզի կանխարգելման համար խորհուրդ է տրվում օրական ուտել սխտորի մի ամբողջ գլուխ: Անհրաժեշտ է առավույան ուտել 1-2 պճեղ, իսկ մնացածը՝ օրվա ընթացքում:

Բրոնխիտի բոլոր տեսակների բուժման համար կարելի է պատրաստել հետևյալ թուրմը:

Բաղադրությունը.

·         1 լիտր ջուր,

·         200 գրամ սխտոր,

·         700 գրամ շագանակագույն շաքարավազ:

Պատրաստման եղանակը.

200 գրամ սխտորն ավելացնել 1 լիտր ջրին և հասցնել եռման ջերմաստիճանի: Այնուհետև ավելացնել 700 գրամ շագանակագույն շաքարավազը և խմել ստացված թուրմը օրական առնվազն 3 անգամ` մեկ ճաշի գդալ:

Հազի կամ ասթմային դեպքում

Բաղադրությունը.

·         40 գրամ սխտոր,

·         100 մլ սպիրտ (90%):

Պատրաստման եղանակը.

40 գրամ սխտորը մանրացնել, լցնել շշի մեջ, ավելացնել սպիրտը, փակել շիշը և 5 օր թրմել: Այնուհետև պատրաստի թուրմի 15-30 կաթիլն ավելացնել տաք ջրին և խմել ամեն օր:

Բացի այդ, սխտորը կարելի է օգտագործել նաև միջատների կամ թունավոր կենդանիների խայթոցների դեպքում: Այն հիանալի բնական հակաբիոտիկ է, որն օգնում է կանխել վարակի տարածումը, իսկ դրա հոտը վանում է մոծակներին:

Սխտորը նաև շատ լավ միջոց է գորտնուկների դեմ պայքարելու համար: Անհրաժեշտ է սխտորը քսել մաշկին և այն, ուժեղ հակաբակտերիալ ազդեցության շնորհիվ, զգալիորեն կփոքրացնի գորտնուկի չափը և կկանխի դրա հետագա տարածումը:

Սխտորի հանդեպ անհանդուրժողականության կամ ալերգիայի դեպքում կարելի է օգտագործել այն հաբերի կամ պաստեղների տեսքով: Բացի այդ, կարելի է նաև օգտագործել հատուկ միջոցներ, որոնք կօգնեն ազատվել սխտորի օգտագործումից հետո բերանի տհաճ հոտից:

Նյութի աղբյուրը՝ med2.ru