Ինչ հիվանդություններ կարող են առաջացնել անկողնում առկա տզերը և ինչպես ազատվել դրանցից

15:04 • 27.07.16

Փոշու տիզերը մանր բզեզներ են, որոնք բնակվում են, անկողնային պարագաների, գորգերի ու ցանկացած տեսակի փափուկ կահույքի մեջ ու սիրում են սնվել մահացած բջիջներով: Այդ տիզերն առաջացնում են ալերգիա ու առողջության հետ կապված բազմաթիվ խնդիրներ, որոք կապված են ասթմայի ու մաշկային հիվանդությունների հետ:

Փոշու տզի առկայության նշաններ՝

· փռշտոց

· հարբուխ

· կարմրություն

· քոր ու ջրոտ աչքեր

· քոր քթում, կոկորդում կամ քիմքում

· հազ

· աչքերի տակ այտուցված ու կապտած մաշկ

Ասթմայով տառապող մարդկանց մոտ առաջանում են դժվարություններ շնչառության հետ, ինչպես նաև կրծքավանդակի ցավեր ու մրսածության հիվանդությունների նկատմաբ բարձր զգայնություն:

Փոշեկուլով մշտական մաքրման ու անկողնային սպիտակեղենի լվացման արդյունքում հնարավոր կլինի ազատվել փոշու տիզերից: Սակայն որոշ իրեր, ինչպես օրինակ բարձերն ու ներքնակը, շատ դժվար կլինի մաքրել:

Գոյություն ունի նվենու յուղի լուծույթով փոշու տիզերից ազատվելու բավականին արդյունավետ մեթոդ:

Այն պատրաստելու համար հարկավոր կլինի՝

· 2 բաժակ թորած ջուր

· 15-30 կաթիլ նվենու յուղ

Օգտագործման եղանակը՝

1. Բոլոր այն իրերի վրա, որոնք կարող եք սովորական ձևով մաքրել, ցողեք այդ լուծույթով:

2. Դրեք դրանք չորանան չոր ու տաք տեղում:

3. Այդ պրոցեդուրան կատարեք շաբաթական 3 անգամ, որպեսզի կարողանաք ազատվել փոշու տիզերից:

Հետազոտությունը ցույց է տվել, որ նվենու ու մի շարք այլ եթերայուղեր արդյունավետ են փոշու տիզերի դեմ պայքարում, և, բացի այդ, հենց նվենու յուղը կարող է դա կատարել առանց առողջությանը վնաս պատճառելու:

Ցավոք սրտի նվենու եթերայուղն անվտանգ չէ մինչև 10 տարեկան երեխաների համար, սակայն գոյություն ունեն նաև այլ եթերայուղեր, որոնք անվտանգ են երեխաների համար և նաև օգնում են ազատվել փոշու տիզերից: Դրանք են մեխակի ու սամիթի յուղը:

Աղբյուրը՝ fithacker.ru