Ձմերուկային դիետան կօգնի 5 օրում նիհարել 3-4 կգ-ով. նիհարելու համար 5 լավագույն ամառային դիետա

Ամառը լավագույն ժամանակն է, որպեսզի  սկսեք զբաղվել ձեզանով, եթե անգամ, մինչ հանգստի գնալը ձեզ մնացել է   մի քանի շաբաթ, քանի որ  կան մեթոդներ, որոնց օգնությամբ հնարավոր է  կառուցվածքը կարգավորել:

Բոլորն էլ լավ գիտեն, որ դիետոլոգները խորհուրդ չեն տալիս արագ նիհարել, քանի որ դա օրգանիզմի համար սթրես է: Սակայն յուրաքանչյուր կնոջ կյանքում լինում են պահեր, երբ   անհրաժեշտ է լինում, գեղեցիկ տեսք ունենալու համար, շատ արագ ազատվել ավելորդ կիլոգրամներից:

Ինչպես նշում է SPB.AIF.RU-ն, ամռանը հնարավոր է  արագ ու առողջությանն առանց վնաս պատճառելու ազատվել ավելորդ կիլոգրամներից և այդ ամենը հնարավոր է  կատարել ամառային դիետաների շնորհիվ, որոնց հիմքում ընկած են հատապտուղներ, բանջարեղեն ու մրգեր:

Սակայն հարկավոր է ուշադրություն դարձնել այն հանգամանքի վրա, որ ներքոթվարկյալ բոլոր դիետանները հակացուցված են ստամոքսաղիքային հիվանդություններով տառապող մարդկանց:

1.  Կանաչ դիետա

Տևողությունը 3-5 օր, քաշի կորուստը՝ մինչև 3 կգ:

Դիետայի ընթացքում հարկավոր է  բացառապես օգտագործել կանաչ գույնի մթերքներ: Այդ ամենի հետ մեկտեղ աշխատեք որ սննդակարգը բազմազան լինի:

Ահ աթե ինչ կարող եք ուտել՝

Բանջարեղենից կարող եք ուտել կանաչ գույնի քաղցր  պղպեղ, վարունգ, դդմիկ, կաղամբ, սպանախ, կանաչ տերևավոր  աղցան, ցանկացած կանաչի:

Մրգերից՝ կանաչ խնձոր  և տանձ, կիվի, կանաչ խաղող:

Դիետայի ամբողջ ընթացքում հարկավոր է  խմել շատ ջուր, ինչպես նաև կարող եք օգտագործել կանաչ ու խոտաբույսերով թեյ, սակայն առանց շաքարավազի:

Բոլոր մթերքները կարող եք ընդունել ինչպես թարմ, անպես էլ շոգեխաշած, տապակած ու խորովված վիճակով:

Բացի այդ, դիետայի ժամանակ, հարկավոր է  օրվա ընթացքում ուտել սպիտակուցներով հարուստ  սնունդ՝ ձու, ձուկ, հավի կրծքամիս, ցածր յուղայնությամբ կաթնաշոռ, կաթնաթթվային մթերքներ: Հարկավոր է  ուտել փոքր չափաբաժիններով` յուրաքանչյուր 2-3 ժամը մեկ:

Օրվա համար անհրաժեշտ մոտավոր սննդակարգ

o    1-ին նախաճաշ՝ ջրով պատրաստված 1 բաժակ վարսակի շիլա, 1 թ/գ մեղր, կանաչ խնձոր :

o    2-րդ նախաճաշ՝ 1 բաժակ անյուղ կեֆիր ու խաղող:

o    Ճաշ՝ կանաչ բանջարեղենով աղցան ու 2 հատ խաշած ձու:

o    Հետճաշ՝ 100 գրամ անյուղ կաթնաշոռ ու կիվի:

o    Ընթրիք՝ 1 բաժին շոգեխաշած ու կանաչիով համեմված դդմիկ ու 1 կտոր խորոված ձուկ:

o    Քնելուց առաջ՝ 1 բաժակ կեֆիր:

2.  Սպիտակուցային ու ածխաջրային դիետա

Տևողությունը 10 օր, քաշի կորուստը՝ մինչև 7 կգ:

Այս դիետան արդյունավետ է, բայց բավականին  դժվար: Ներքոներկայացված բոլոր բաղադրիչները հարկավոր է  հավասար բաշխել օրվա կտրվածքով: Չմոռանաք դիետայի ժամանակ ընդունել վիտամիններ ու օրական խմել 2 լիտր չգազավորված ջուր:

10 օրվա համար անհրեժեշտ սննդակարգ

o    Օր  № 1. 3 հատ խաշած ձու,  մինչև 2 կգ օսլա չպարունակող բանջարեղեն՝ դդմիկ, սմբուկ, լոլիկ, վարունգ, կանաչի:

o    Օր  № 2. խաշած կամ գոլորշու վրա պատրաստված 500 գրամ ձուկ ու կանաչ բանջարղեններ:

o    Օր  № 3. 500 գրամ անյուղ կաթնաշոռ ու մինչև 1.5 կգ մրգեր՝  ծիրան, խնձոր, տանձ, ցիտրուսային մրգեր:

o    Օր № 4. 300 գրամ եփած հավի կրծքամիս ու անսահմանափակ քանակությամբ տերևավոր բանջարեղեն:

o    Օր № 5. 5  հատ կեղևով եփած կարտոֆիլ ու անսահամանափակ քանակությամբ տերևավոր բանջարեղեն:

o    Օր № 6. 300 գրամ շոգեխաշած տավարի միս, կանաչի, կաղամբ  ու վարունգ:

o    Օր № 7. անսահամանափակ քանակությամբ օսլա չպարունակող բանջարեղեն:

o    Օր № 8.  մինչև 2 կգ ոչ շատ թթու ու քաղցր մրգեր:

o    Օր № 9.  մինչև 2 լիտր անյուղ կեֆիր

o    Օր  № 10. մասուրի եփուկ

3.  Վարունգով դիետա

Տևողությունը՝ 5 օր, քաշի կորուստը՝ մինչև 3 կգ:

Վարունգը աչքի է ընկնում  բջջանյութի բարձր մակարդակով ու ցածր կալորականությամբ: Սկայն սննդակարգում բացի բանջարեղեններից հարկավոր է նաև ընդգրկել սպիտակուցային սնունդ: Դա կօգնի խուսափել մկանային զանգվածի կորստից  ու դիետան կդարձնի ավելի հագեցած:

5 օրվա համար նախատեսված սննդակարգ

o    1-ին, 3-րդ ու 5-րդ  օրերին օգտագործեք վարունգով, անյուղ յոգուրտով  կամ կեֆիրով ու կանաչիով աղցան: Ամեն սնունդ ընդունելու ժամանակ կարող եք օգտագործել մեկ կտոր աշորայի հաց:

o    2-րդ ու 4-րդ օրերին  օգտագործեք 2 կգ վարունգ, 200 գրամ կաթնաշոռ ու 2 խաշած ձու: Իսկ քնելուց առաջ խմեք 1 բաժակ կեֆիր:

4.  Ձմերուկով դիետա

Տևողությունը 5 օր, քաշի կորուստը մինչև  3-4 կգ:

Ձմերուկը աչք է ընկնում ցածր կալորիականությամբ ու ցանկության դեպքում կարող է դառնալ դիետայի համար  արդյունավետ միջոց, քանի որ նրա 100 գամը պարունակում է ընդամենը 38 կկալ: Բացի այդ ձմերուկով դիետան  կարող է օգնել օրգանիզմին ազատվել շլակներից: Սակայն նման սննդակարգն անթույլատրելի է երիկամների հիվանդությամբ, շաքարային դիաբետով, ենթաստամոքսային գեղձի պաթոլոգիայով տառապող մարդկանց:

Կարևոր է. ձմերուկը կարող է պարունակել նիտրատներ, այդ պատճառով ցանկալի է այդ պտուղ օգտագործել օգոստոս ամսվա 2-րդ կեսին:

5 օրվա համար նախատեսված սննդակարգ

Բոլոր 5 օրերի ընթացքում  սննդակարգի հիմքը կազմելու է ձմերուկի միջուկը, որը պետք է  բաշխել հետևյալ համադրությամբ՝1 կգ-ը մարմնի 10 կգ զանգվածի համար: Բացի այդ, ամեն օր սննդակարգի մեջ կարող եք ավելացնել 2 կգ  անյուղ ու անալի  վարսակի կամ հնդկաձավարի շիլա, 300 գրամ անյուղ կաթնաշոռ ու մի քանի կտոր աշորայի հաց:

Կարող եք նաև ջուր խմել:

5.  Մրգային դիետա

Տևողությունը՝ 3 օր, կորցրած կիլոգրամները՝ մինչև 4 կգ:

Այս դիետայի հեղինակը հանդիսանում է հայտնի ամերիկյան հաղորդավար Ջոան Լունդենը և այն հատկապես համապատասխանում է մրգային դիետաների սիրահարներին:

3 օրվա համար նախատեսված սննդակարգ

Օր  №1

o    Նախաճաշ՝ Մի քանի կտոր սեխ, բնական յոգուրտ:

o    Ճաշ՝ Ելակով, կիվիով ու նարինջով աղցան, որը հարկավոր է համեմել յոգուրտով:

o    Հետճաշ՝ երկու  հատ սալոր:

o    Ընթրիք՝  կես հատ թուրինջ, 200 գրամ խաշած հավի կրծքամիս, կիտրոնի հյութով համեմված բանջարեղենային աղցան:

Օր  №2

o    Նախաճաշ՝ 1 բաժակ հատապտուղը խառնած 100 գրամ յոգուրտի հետ:

o    Ճաշ՝ մի քանի կտոր արքայախնձոր:

o    Հետճաշ՝ դեղձ կամ նեկտարին:

o    Ընթրիք՝  նարինջ,  200 գրամ հնդկահավի կրծքամիս, աղցանի տերևներ:

Օր №3

o    Նախաճաշ՝  2 կտոր ձմերուկ, բնական յոգուրտ

o    Ճաշ՝  աղցան կամ 100 գրամ ելակից ու բանանից պատրաստված խյուս:

o    Հետճաշ՝ 1 բաժակ հատապտուղներ:  

o    Ընթրիք՝  գոլորշու վրա պատրաստված 200 գրամ ձուկ ու 100 գրամ բրյուսելյան կաղամբ:

Աղբյուրը՝ aif.ru