5 ժողովրդական միջոց, որոնք կօգնեն վիտիլիգոյի դեպքում

Վիտիլիգոն մաշկային հիվանդություն է, որն առաջանում է, երբ հյուսվածքները կորցնում են սովորական գունավորումը, ինչը հանգեցնում է սպիտակ բծերի առաջացմանը: Այդ բծերը կարող են առաջանալ մարմնի ցանկացած հատվածում, այդ թվում նաև ձեռքերի, որովայնի, դեմքի և պարանոցի հատվածներում:

Որոշ դեպքերում այս հիվանդությունը կարող է նաև նկատվել բերանի լորձաթաղանթի վրա, քթի խոռոչում, սեռական օրգանների հատվածում և նույնիսկ աչքի ցանցաթաղանթում:

Չնայած, որ այս հիվանդությունը միայն կոսմետիկ արատ է և առողջության համար առանձնապես վտանգ չի ներկայացնում, բուժման ընթացքում պետք է նաև հիվանդին հոգեբանական աջակցություն ցուցաբերել, քանի որ վիտիլիգոն բացասաբար է ազդում հիվանդերի ինքնագնահատականի վրա:

Վիտիլիգոյի առաջացման պատճառները

Գիտնականները դեռ չեն գտել այս հիվանդության առաջացման պատճառները: Որոշ տեսությունների համաձայն՝ սա իմունային համակարգի խանգարում է, որի ժամանակ օրգանիզմն արտադրում է հակամարմիններ, որոնքն հարձակվում են մաշկի պիգմենտային բջիջների վրա:

Մելանոցիտները՝ մաշկի գույնի համար պատասխանատու բջիջները, կորցնում են այդ հատկությունը կամ պարզապես ոչնչանում են, ինչը հանգեցնում է մարմնի տարբեր հատվածներում սպիտակ բծերի առաջացման:

Փորձագետների հավաստմամբ՝ վիտիլիգոն մեծ մասամբ լինում է ժառանգական բնույթի:

Չնայած, որ հիվանդության բուժումը դեռ չի հաջողվել գտնել, դրա ախտանշանների դեմ կարելի է պայքարել՝ հիվանդների կյանքի որակը բարձրացնելու համար:

Խորհուրդներ վիտիլիգոյի դեպքում

Վիտիլիգոյով տառապող մարդիկ պետք է շատ ավելի ուշադիր ու հոգատար լինեն իրենց մաշկի հանդեպ, քանի որ հիվանդության պատճառով մաշկը դառնում է ավելի նուրբ ու զգայուն:

Պաշտպանվել արևից

Շատ կարևոր է պաշտպանել մաշկը արևի ուլտրամանուշակագույն ճառագայթներից: Անհրաժեշտ է տնից դուրս գալուց կես ժամ առաջ մարմնի բոլոր բաց հատվածներին քսել արևապաշտպան քսուք:

Բացի այդ, արևից պաշտպանվելու համար կարելի է նաև օգտագործել տարբեր գլխաշորեր կամ գլխարկներ, արևային ակնոցներ կամ մաշկն ամբողջությամբ ծածկող հագուստ: Առհասարակ, վիտիլիգոյով տառապողներին խորհուրդ է տրվում խուսափել արևի ամենաակտիվ շարջանում՝ ժամը 11-ից 16-ը փողոց դուրս գալուց, քանի որ նրանք շատ արագ են արևային այրվածքներ ստանում, ինչը էլ ավելի է վատացնում իրավիճակը:

Չի կարելի անել կոսմետիկ դաջվածքներ

Գոյություն ունի մի միջոց, որը կոչվում է միկրոպիգմենտացիա և օգնում է քողարկել վիտիլիգոյի բծերը՝ դարձնելով դրանք աննկատ: Այնուամենայնիվ՝ այս միջոցը կարող է նպաստել հիվանդության հետագա զարգացմանը, ինչի հետևանքով կառաջանան նոր բծեր:

Վիտիլիգոյի դեմ բնական միջոցներ

Որոշ բնական բաղադրիչներ դրական ազդեցություն են ունենում մաշկի վրա և կարող են օգնել դադարեցնել վիտիլիգոյի տարածումն ու նվազեցնել դրա ակնհայտ դրսևորումը: Այնուամենայնիվ՝ այդ պրոցեդուրաների արդյունքներն անմիջապես ի հայտ չեն գա, քանի որ ամեն ինչ կախված է հիվանդից, նրա համառությունից ու հետևողականությունից:

Պապայա

Այս էկզոտիկ միրգը հարուստ է մի շարք օգտակար նյութերով, որոնք օգնում են ակտիվացնել մելանին արտադրող մելանոցիտները: Լավ արդյունքի հասնելու համար այս միջոցն անհրաժեշտ է ընդունել հնարաորինս հաճախ:

Ինչպե՞ս օգտագործել

Կտրել պապայայի պտղամսից մի կտոր, տրորել ու դարձնել խյուս և քսել ախտահարված հատվածներին:
Թողնել մաշկի վրա մինչև չորանա և կրկնել պրոցեդուրան՝ էլ ավելի լավ արդյունքի հասնելու համար:
Բացի այդ, արդյունքը կարելի է ամրապնդել՝ նաև պապայայի թարմ քամած հյութ օգտագործելով:
Կարմիր կավ

Այս բաղադրիչը պարունակում է պղինձ, որն օգնում է վերականգնել մաշկի պիգմենտացիան: Բացի այդ, կավի հատկությունները բարելավում են արյան շրջանառությունը և նպաստում մաշկի առողջությանը:

Օգտագործման եղանակը

2 ճաշի գդալ կարմիր կավը խառնել մեկ գդալ կոճապղպեղի հյութին, ստացված մածուկը քսել ախտահարված հատվածներին և թողնել 15 րոպե:

Քրքում

Այս համեմունքն օժտված է բազում օգտակար հատկություններով և հատկապես օգտակար է մաշկի համար: Քրքումի թուրմը կարող է օգնել վերականգնել վնասված հատվածների պիգմենտացիան:

Բաղադրությունը.

½ կգ հում քրքում,

¼ կգ կոճապղպեղի (имбирь) արմատ,

5 կիտրոնից քամված հյութ:

Պատրաստման եղանակը.

Խառնել բոլոր բաղադրիչները տարրայի մեջ, դնել սառնարան և ընդունել երկու թեյի գդալ ուտելուց առաջ:
Քրքումը կարելի է օգտագործել նաև մեկ այլ եղանակով. անհրաժեշտ է պատրաստել քրքումի թուրմ և քսել այն մաշկին:

Ջրոսպ (ряска)

Այս փոքրիկ ջրային բույսը, որը սովորաբար հանդիպում է լճերում ու ավազաններում, հիանալի միջոց է վիտիլիգոյի դեմ պայքարելու համար: Այս միջոցի միակ թերությունն այն է, որ ջրոսպը դժվար է գտնել քաղաքում, ուստի անհրաժեշտ է դրա համար գնալ քաղաքից դուրս:

Օգտագործման եղանակը

Տրորել ջրոսպը, դարձնել մածուկ և ավելացնել մեկ թեյի գդալ մեղր: Ստացված խառնուրդն ուտել օրական երկու անգամ՝ ճաշից ու ընթրիքից հետո, մեկ թեյի գդալ:

Կոճապղպեղ

Այս ապմատը շատ հայտնի է իր բազում բուժիչ հատկությունների շնորհիվ: Այն նաև շատ օգտակար է վիտիլիգոյի դեպքում, քանի որ նպաստում է արյան շրջանառության բարելավմանը:

Բաղադրությունը.

1 հատ կոճապղպեղի արմատ,

1 թեյի դգալ մանանեխի յուղ,

մի պտղունց քրքում (փոշի):

Օգտագործման եղանակը

Կոճապղպեղի արմատը մանրացնել, ավելացնել մանանեխի յուղն ու քրքումը: Ստացված մածուկը քսել ախտահարված հատվածներին և թողնել 20 րոպե:

Նյութի աղբյուրը՝ econet.ru