9 հիանալի միջոց խումարը (похмелье) բուժելու համար

Խումարի նման տհաճ երևույթներն այդքան էլ շատ չեն: Գլխացավի, սրտխառնոցի ու մարսողության խանրգարման այս համադրությունը կարող է մի ամբողջ օր փչացնել: Չնայած, որ կան բազում միջոցներ խումարի ախտանշաններից ազատվելու համար, բայց լինում են դեպքեր, երբ դրանք նույնպես անօգուտ են լինում: Ձեզ ենք ներկայացնում 11 հիանալի «դեղամիջոց» խումարի դեմ, որոնք պատրաստվում են առանց մեծ ջանքերի և վայրկենական մեղմացնում են խումարի ախտանշանները:

Կոճապղպեղ

Կոճապղպեղը հիանալի միջոց է մարսողությունը կարգավորելու համար: Այն կարելի է օգտագործել սուշիի հետ, պատրաստել թուրմ կամ ավելացնել կոճապղպեղի հյութը սովորական ջրին և ստանալ սրտխառնոցից ու մարսողական խնդիրներից ազատող թրմահեղուկ: Այս ուժեղ հակաօքսիդանտն ու հակակոագուլյանտն իրական հրաշքներ է գործում, սակայն հարկ է հիշել, որ թարմ կոճապղպեղը դատարկ ստամոքսին չի կարելի օգտագործել, ուստի այն անհրաժեշտ է խառնել որևէ այլ բանի հետ:

Մեղր

Մեղրը հիանալի հակաօքսիդանտ է, որը հարուստ է ինչպես գլյուկոզայով, այնպես էլ ֆրուկտոզայով: Լեհերը նույնիսկ խառնում են աղաջուրն ու մեղրը՝ ստանալով օրգանիզմի հեղուկի ու աղերի պաշարը լրացնող հիանալի ըմպելիք, որը նաև շատ օգտակար է խումարի ժամանակ: Սակայն եթե մեղրով աղաջուրը տհաճ է, ապա կարելի է խմել մի քանի գդալ մեղրով գոլ ջուր:

Ձու

Ձուն շատ հարուստ է ցիստեինով, որը հիանալի ամինաթթու է և քայքայում է ացետիլալդեհիդը՝ էթիլ սպիրտի քայքայման արդյունքում ստացվող տոքսինը: Ացետիլալդեհիդը խումարի առաջացմանի հիմնական գործոններից մեկն է, իսկ ձվերը կազատեն օրգանիզմը դրանից: Խումարի դեպքում անհրաժեշտ է մոռանալ չուտելու ցանկության մասին և ուտել 2-3 հատ թերխաշ ձու:

Կոկա-կոլա

Այս քաղցր գազավորված ըմպելիքը կարող է իրական հրաշքներ գործել հիվանդ ստամոքսի համար: Ոմանք կարծում են, որ Կոկա-կոլան ի սկզբանե ստեղծվել է որպես խումարի դեմ դեղամիջոց: Այս ըմպելիքի մի բաժակը կօգնի ազատվել խումարի կամ կուշտ ընթրիքի տհաճ հետևանքներից:

Խմելուց առաջ շատ ճարպոտ սնունդը

Ճարպոտ սնունդը կօգնի օրգանիզմին պաշտպանիչ շերտով պատել ստամոքսի պատերը: Ընդ որում՝ նշանակություն չունի, թե ինչ սնունդ է դա՝ ճարպոտ նրբաբլիթներ, խոզապուխտով ձվածեղ թե ճարպաշերտով սենդվիչ. կարևոր է, որ այն լինի ճարպոտ: Ճարպը պատում է ստամոքսի պատերը և դանդաղեցնում ալկոհոլի ներծծման գործընթացը: Այս մեթոդը, իհարկե, լիովին չի ազատի հետագա խումարից, սակայն կմեղմացնի այն: Ուստի հնարավորության դեպքում անհրաժեշտ է մինչ ալկոհոլի օգտագործումը ուտել ճարպոտ սնունդ, իսկ եթե դա չի հաջողվել, ապա առավոտյան կուշտ նախաճաշել ճարպոտ սնունդով:

Սպորտային ըմպելիքներ ու բանան

Խումարի դեպքում մարդուն անհրաժեշտ են էլեկտրոլիտներ, քանի որ առաջին հերթին պետք է ազատվել ջրազրկումից: Իհարկե կարելի է խմել սովորական ջուր, սակայն սպորտային ընպելիքները պարունակում են բոլոր անհրաժեշտ աղերը և շատ ավելի արագ են բարելավում վիճակը: Բացի այդ, տուժած օրգանիզմին անհրաժեշտ է նաև վիտամին В և կալիում: Ամենից արագ ալկոհոլն օրգանիզմից մաքրում են В6 և В12 վիտամինները: Բանանները ոչ միայն կհանգստացնել ստամոքսը, այլև կարագացնեն օրգանիզմն ակոհոլից մաքրելու գործընթացը:

«Արյունոտ Մերի»

Եթե նախօրեին խմած ալկոհոլի պատճառով դուք տառապում եք գլխացավերով ու ստամոքսի խանգարումով, ապա դժվար թե ցանկություն լինի կրկին խմելու, սակայն ճիշտ ընտրված ալկոհոլային ըմպելիքը կարող է օգնել ազատվել այդ տհաճ զգացողություններից: Լավ սննդարար կոկտեյը, ինչպիսին « Արյունոտ Մերին» է կարող է դառնալ «երկուսը մեկում» միջոց՝ ծառայելով և´ որպես նախաճաշ, և´ որպես խումարի դեմ դեղամիջոց: Այս ըմպելիքը հատկապես լավ է սրտխառնոցի դեպքում, իսկ տոմատի հյութը կօգնի օրգանիզմին ավելի արագ մարսել ալկոհոլը:

Ֆո ապուր

Տավարի մսով, հավի մսով կամ փորոտիքով ու բրնձի արիշտայով (լապշա) պատրաստված այս վիետնամական ապուրը ոչ միայն վերականգնում է հեղուկի պակասը, այլև ուժ ու եռանդ է հաղորդում, իսկ դրա մեջ պարունակվող բազմաթիվ համեմունքները շատ օգտակար են և պայքարում են տոքսինների դեմ: Ամենակարևորը կծու սուսը չչարաշահելն է: Սովորաբար որքան կծու է ֆոն, այնքան այն համեղ է, սակայն խումարի դեպքում, երբ ստամոքսը հիվանդ է, պետք չէ չարաշահել կծուն: Ապուրին ցանկության դեպքում կարելի է նաև ավելացնել լայմ, սոխ, ռեհան, քաղցր սոուս կամ լոբազգիներ:

Այս ցուցակին կարելի է ավելացնել նաև բորշչը:

Նյութի աղբյուրը՝ manjr.com