Սոխի կեղևով եփուկն ազատում է ալերգիայից. 7 պատճառ այս բուժիչ բաղադրիչը դեն չնետելու համար

Այսօր  հավանաբար շատ քչերը գիտեն, որ սոխի կեղևը սոխի միջուկից   ոչ պակաս արժեքավոր հատկություններով է օժտված: Ավելին, ինչպես պարզվում է,  այն անգամ օգնում է բուժել որոշ հիվանդություններ:

 
1. Սոխի կեղևը բուժում է բրոնխիտը

Սուր բրոնխիտի դեպքում, կարող է օգնել սոխի կեղևի եփուկը, որից կարելի է պատրաստել կոմպրես: Այն պատրաստելու համար հարկավոր է 1 բաժակ սոխի կեղևի վրա լցնել   եռման ջուր, թողնել 15 րոպե, որից հետո քամել թանզիվով:Պատրաստի կոմպրեսը հարկավոր է  օրը 3 անգամ 30 րոպեով դնել կրծքի վրա:

Գոյություն ունի ևս մեկ բաղադրատոմս, որը կարող է  օգնել ազատվել ուժեղ հազից: 15 հատ սոխի կեղևի վրա հարկավոր է լցնել 1 լիտր սառը ջուր, հասցնել այն եռման ջերմաստիճանի ու պահել մարմանդ կրակի վրա այնքան, մինչև որ հեղուկը կիսով չափ պակասի, որից հետո անհրաժեշտ  է թողնել որ խառնուրդը սառչի:Ապա քամել ու օրական 4-5 անգամ խմել 2-ական ճ/գ:



2. Սոխի կեղևը պայքարում է մաշկային հիվանդությունների դեմ
Որպեսզի կարողանաք ազատվել գորտնուկներից ու դերմատիտից, ինչպես նաև մանր վերքերից, սնկերից, հարկավոր է  օգտագործել մանրացված սոխի կեղև: Այն կարող եք   խառնել վազելինի կամ բնական յուղոտ քսուքի հետ 2/3 հարաբերակցությամբ: Այդ միջոցը քսեք օրական 2 անգամ ախտահարված մաշկի վրա և քսուքը պահեք մութ ու ցուրտ տեղում:

3. Սոխի կեղևն օգնում է այտուցների ու վարիկոզի դեպքում

Զարմանալի է, սակայն սոխի կեղևն օգնում է ազատվել ոտքերի ցավերից ու պայքարել երակների վարիկոզ լայնացման դեմ: Լցրեք 2 ճ/գ սոխի կեղևն ու 2 գդալ երիցուկի ծաղիկները 2 բաժակ ջրի մեջ ու եռացրեք 15 րոպե: Թողեք խառնուրդը 5 ժամ սառչի, որից հետո ջրային բաղնիքի վրա  գոլորշիացրեք պարունակության կեսը, իսկ մնացած էքստրակտով արդեն տրորեք ախտահարված հատվածները:

Ոտքերի ցավերից ու հոգնածությունից օգնում է ազատվել ևս մեկ հիանալի միջոց՝ սոխի կեղևով յուղը: Որպեսզի այն հնարավոր լինի պատրաստել, մանրացրեք 1 բուռ սոխի կեղև ու այն խառնեք 2 ճ/գ ձիթայուղի  կամ խաղողի կորիզների յուղի  հետ: Թողեք 10-12 օր թրմվի ապակե  կամ կերամիկե սպասքի մեջ  ու շաբաթական 2-3 անգամ կատարեք այդ յուղով մերսում:

4. Սոխի կեղևով եփուկն ազատում է ալերգիայից
Սոխի կեղևով եփուկն օգնում է ազատվել ալերգիկ ռեակցիաներից ու մաքրում է օրգանիզմը շլակներից: Պարզապես սոխի կեղևների վրա լցրեք տաք եռացրած ջուր ու եռացրեք ջրային բաղնիքի վրա 10-15 րոպե, որից հետո սառեցրեք ու քամեք: Օրական մի քանի անգամ օգտագործեք 2-3 ճ/գ այդ եփուկից:

5. Սոխի կեղևի եփուկը բարելավում է մազերի աճը
Սոխի կեղևի թուրմը իսկապես բարելավում է մազերի աճն ու նրանց հաղորդում է գեղեցիկ  փայլ: Վերցրեք ոչ  մետաղական տարա, նրա մեջ  1:2 հարաբերակցությամբ լցրեք սոխի կեղև ու վրան ավելացրեք եռացրած ու սենյակային ջերմաստիճանի հովացրած ջուր: Ծածկեք կափարիչով ու թողեք  թրմվի 12 ժամ: Ամեն անգամ ՝2-3 շաբաթ շարունակ,  մազերը լվալուց հետո ողողեք այդ եփուկով:

6. Սոխի կեղևը հիանալի սննդաներկ է
Սոխի կեղևը ոչ միայն անվնաս, այլ նաև բուժիչ սննդային ներկանյութ է: Բոլորն էլ գիտեն, որ սոխի կեղևի օգնությամբ կարելի է ներկել ձուն: Սակայն դա նրա միակ կիարառման տարբերակը չէ: Օրինակ շատ տնային տնտեսուհիներ, սոխի կեղևի եփուկն ավելացնում են արգանակի մեջ ու գույն հաղորդում նրան: Կարող եք նաև կաթսայի մեջ դնել, մաքուր ոչ կեղևահանած սոխ, այդ դեպքում ուտեստը ձեռք է բերում գեղեցիկ կարմիր երանգ:

 

7. Սոխի կեղևը բույսերի խնամքի համար հիանալի միջոց է

Սոխի կեղևի եփուկը կիրառում են սենյակային բույսերի մաքրման համար, որի օգնությամբ այն ազատում են տիզերից ու տարբեր տեսակի բակտերիաներից: Այդ եփուկը կարող եք օգտագործել նաև որպես պարարտանյութ: Այն շատ հեշտ է պատրաստվում: 1 լիտրանոց բանկայի մեջ լցրեք 1 բաժակ սոխի կեղև, վրան ավելացրեք   եռացրած ջուր ու թողեք 24 ժամ թրմվի: Քամեք ու այդ եփուկով մանրակրկիտ մշակեք բույսը, հատկապես տերևների նուրբ կողմը: 1 օր հետո ծաղիկը լվացեք մաքուր ջրով:

Սովորական սոխի կեղևի եփուկը կարող է հիանալի կիրառում գտնել նաև բանջարեղենի  խնամքի հարցում, կարող եք այդ եփուկով «ոռոգել»  վարունգն ու հատկապես լոլիկը: Իսկ փորձառու այգեգործներն անգամ առաջարկում են այդ եփուկը օգտագործել վարունգի «ցողման»  համար, հատկապես այն ժամանակ, երբ սկսում են նրանց տերևները դեղնել:

Աղբյուր՝ gogetnews.info