Քաղցկեղի առաջացումը կանխարգելող 8 մթերք

20:52 • 02.08.16

Ներկայումս քաղցկեղի նման սարսափելի ախտորոշումից ոչ մեկն ապահովված չէ: Սա է պատճառը, որ գիտնականները շարունակում են փնտրել ոչ միայն դրա բուժման, այլև կանխարգելման արդյունավետ միջոցներ: Հետազոտությունների համաձայն՝ կան մի շարք մթերքներ, որոնք պարունակում են չարորակ գոյացությունների առաջացումը կանխարգելող բնական բաղադրիչներ:

Ձեր ուշադրությանն ենք ներկայացնում հասանելի 8 մթերք, որոնց գործածումը նվազեցնում է քաղցկեղի առաջացման հավանականությունը և օգնում պահպանել առողջությունը, քանի որ այս դեպքում շատ ավելի լավ է խնդիրը կանխարգելել, քան բուժել:

Քաղցկեղը կանխարգելող 8 մթերք

1. Գազար

Գազարի վառ նարնջագույն գույնն ապահովում են կարոտինոիդները, որոնք նաև ունեն հակաքաղցկեղային հատկություններ: Ապացուցված է, որ գազարի պարբերաբար օգտագործումը կարող է պաշտպանել օրգանիզմը քաղցկեղի տարբեր տեսակներից, սակայն այն առանձնապես կարևոր է տղամարդկանց համար, քանի որ օգնում է կանխել շագանակագեղձի քաղցկեղը:

2. Ավոկադո

Ավոկադոն շատ ուժեղ հակաօքսիդանտ է, որն օգնում է պայքարել ազատ ռադիկալների դեմ՝ նվազեցնելով քաղցկեղի առաջացման հավանականությունը: Այն հարուստ է գլուտաթիոնով, որի շնորհիվ օրգանիզմի բջիջները պաշտպանվում են վտանգավոր ռադիկալներից: Սննդակարգի մեջ ավոկադո ներառելը կօգնի պահպանել ոչ միայն երիտասարդությունը, այլև առողջությունը:

3. Լոլիկ

Լոլիկները հարուստ են լիկոպին ակտիվ բաղադրիչով, որը ոչ միայն ապահովում է լոլիկների կարմիր գույնը, այլև կանխում է քաղցկեղի առաջացումը: Ամենաօգտակարները չերրի լոլիկներն են: Հարկ է նշել, որ լիկոպինն ավելի լավ է յուրացվում, եթե այն օգտագործվում է ճարպերի հետ, ուստի կարելի է պատրաստել աղցան լոլիկներով ու ձիթայուղով:

4. Բրոկոլի

Բրոկոլին ոչ միայն օգնում է կանխել քաղցկեղի առաջացումը, այլ նաև օգնում է պայքարել դրա դեմ: Սա տեղի է ունենում սուլֆորաֆանի բարձր պարունակության շնորհիվ, որն խթանում է իմունային համակարգի աշխատանքը և կանխում նոր գոյացությունների առաջացումը: Ավելի լավ արդյունքի հասնելու համար բրոկոլին հարկավոր է ուտել պարբերաբար և ցանկալի է խաշած ու առանց հավելումների և սուսների:

5. Ծաղկակաղամբ

Ծաղկակաղամբը նույնպես շատ հարուստ է սուլֆորաֆանով, բայց ոչ այնքան շատ որքան բրոկոլին: Սակայն այս մթերքը նույնպես համարվում է հիանալի կանխարգելիչ միջոց: Հարկ է նշել, որ այդ կարևոր նյութն արտադրվում է ծամելու ընթացքում, ուստի անհրաժեշտ է շատ երկար ծամել ծաղկակաղամբն ու բրոկոլին:

6. Սխտոր

Սխտորի մեջ պարունակվող ֆիտոնիցիդները ճնշում են ախտածին բակտերիաների ու սնկերի աճը: Բացի այդ, գիտնականները պարզել են, որ այս նյութը նաև շատ արդյունավետ է քաղցկեղի դեմ պայքարում: Օրական 1-2 պճեղ սխտոր ուտելը կօգնի պաշտպանել օրգանիզմը քաղցկեղի բոլոր տեսակներից: Սակայն հարկ է հիշել, որ ջերմային մշակման դեպքում Ֆիտոնցիդները չեն պահպանվում:

7. Հունական ընկույզ

Օրական մի բուռ ընկույզ ուտելը կտրուկ նվազեցնում է քաղցկեղի առաջացման հավանականությունը: Ընկույզները նպաստում են իմունային բջիջների ակտիվությանը, ինչը պաշտպանում է օրգանիզմը: Բացի այդ, ընկույզների մեջ պարունակվող վիտամին E-ն ճնշում է քաղցկեղի բջիջների բազմացումը և կանխում արդեն առկա ուռուցքների տարածումը:

8. Կոճապղպեղ (имбирь)

Գիտնականները վաղուց են ապացուցել, որ կոճապղպեղը ոչ միայն պայքարում է կաթնագեղձի, մաշկի ու թոքերի քաղցկեղի դեմ, այլև հանդիսանում է հիանալի կանխարգելիչ միջոց: Գենետիկ հակվածության դեպքում, քաղցկեղից խուսափելու համար, անհրաժեշտ է սննդակարգի մեջ ներառել կոճապղպեղի արմատ՝ ավելացնելով այն աղցաններին, շոգեխաշած բանջարեղենին և նույնիսկ ըմպելիքներին:

Նյութի աղբյուրը՝ med2.ru